رابطة ملاك دودج تشارجر ، كرايزلر 300 سي

اسمي : madzoro
المدينه : دبي

العمر : 29 سنه
السيارة :dodge charger perfpormance
هي نفس مواصفات ال R/T مع بعض التعديلات في الاداء اعتقد انها زيادة 10 حصان
التسارع من 1:100 خمس ثواني او اقل
موديل : 2006

السلام عليكم ورحمة الله و بركاته
هلا يالشباب اعضاء الرابطة ..... هذه اول مشاركة لي بالمنتدى ..... بس المشكلة اني مقيم بدبي ... و سافر للرياض من وقت لاخر ... اذا ما في مانع انضم معاكم في الرابطة ..... اخوكم من مصر و من مواليد السعودية
بوافيكم بيانات الاشتراك في المداخلة التالية

سؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤال صحيح التشارجر 2009 بتنزل دفع رباعي :a120(89):

انآ مالي شهرر من شريتهاااااا

والله حرام !

السلام عليكم ورحمة الله وبركاته

هلا والله برابطة الوحوش الامريكية :)

ياشباب اانا توكلت على الله وشريت تشارجر2008 se وانشالله السيارة بكرة او بعد بكرة بروح استلمها

لكن انا سمعت كلام عن مسجل التشارجر يقولون انه يخرب اذا ركبت سيديات منسوخة فلازم تركب سيديات اصلية فهل هذا صحيح ؟؟

وعندي سؤال عن الخطوط اللي تكون على السيارة هل اذا مسكتك الشرطة تعطيك مخالفة تغيير ملامح السيارة او لا؟؟؟لاني متعذب مع الدوريات السيارة لان سيارتي من داخل كلها اصفر×اصفر من كثر المخالفات لووووووووووول

وانشالله قريب بنزل صور السيارة

والله يعافيكم جميعا

ابشركم ياشباب اني شريت ولله الحمد Dodge Charger SXT

واللون اسود


انا من الرياض

والسيارة ما شاء الله ماعليها كلام

مرحبا شباب

انا ناوي ادخل سيارتي فحص 50000 كلم ياريت من الإخوان الي بالشرقيه يفيدونا عن وكالة المتحده الي بالخبر يعني لو بروحلهم بيعطوني موعد ولا بنفس اليوم بيدخلون السيارة وكم الفترة المتوقعه الي بتجلس فيه السيارة بالوكالة مع الشكر

8

8

خخخ

الحمدالله وصلت جدهـ يوم الاحدوكانت السياره مريحه لابعد درجه بس كلفتني شوي بنزين خخخخ

بحدود الـ 120 ريال

يومين ولا رد بالرآآبطه !!

وينكم يا شباب :)

أهلا بالشباب ..

بخصوص الكفرات اللي عندي من الوكاله ميشلان 235\55\18 made in USA

لقيت ميشلان نفس المقآس لـكن ياباني :$ بـ 900 ريال ..
و لقيت بريلي العقرب بـ 1100 ريال .. << مو P7

وش رآآيكم يا شباب .. و هل هنآك فرق بين ميشلان الامريكي والياباني؟؟

-------------------------------------

بالنسبة للبريكآآت .. سألت موظف الصيانه و أخبرني بـ وجود نوعين من البريكآت ..
بـ 300 ريال .. و 700 ريال << أمآمي فقط .. بدون شغل يد ..

والفرق بينهم أن اللي بـ 700 ريال بدون حديد .. واللي بـ 300 بحديد :$ << بصرآآحه ما فهمته .. اللي عنده أي معلومه يا ليت يفيدنا !

-------------------------------------

أحد يعرف وين أقدر ألقى الـ الفريم هذا حق الدايتونا ..


هذا هو بالضبط .. الفريم بس بدون القريل ( الشبك )



آآسف على الاطآله .. وأتمنى ألقى أجوبه لأستفسآرآتي :)

تحيآآتي للجميع :)

صبآحكم / مسآكم ورد
بصرآحة توني اشوف الرآبطة
وقريتها من أول صفحة الى آخر شي
وموآتر الشبآب مآ شآء الله روووعة
بس ليه ما خليتوها لملاك دودج & كلايزلر عآمة
طيب عندي سؤال بسيط
بس مو عن التشآرجر
عن الافنجر & الكآليبر < كل وآحد على قد فلوسه
أحد عنده فكرهـ عن اسعآرهآ ][ الاستآندر ][
انا سألت عنها في رمضآن وكآن سعرهآ
60.000 للافنجر
64.000 للكآليبر
تتوقعون بترتفع بشكل كبير ؟
انا حطيت سؤالي هنا بحكم خبرتكم بالدودج ومعرفتكم لها
يعني اعذروني علشاني حآطها في موضوع خآص بالتشآرجر & سي 300
ومبروك الرآبطه مرة ثآنية

والله جد جد

توحفه

ان شاء الله اروح عندهم واشوف التفاصيل وارد لكم


بس انتم ادعو لي :( >> خخخخخخخخخخخخخخخخخ

ياشباب على سيرة الكفرات

ترى كفرات الـــ R/T الفئة العادية اللي جنوطها 18 نوعيتها سيئة مرره
كونتينينتال ... كفرات معفنة ومافيها ثبات أبدا...

لمن ركبت البريللي لاحظت الفرق من أول يوتيرن :a120(37):

ياخي اتوقع ان في عميل لهم قالهم يركبوله هالمواصفات

زي وكاله الجميح انا مره شفت بليزر معدل من نفس الوكاله سالتهم قال هذي موصيها عميل عالتزبيط وقايلهم وش يصلحون فيها وهو يدفع تكاليفها



اما غالي والله توقعته 800 بالكثير بس باين ان جودتها عاليه وما تتاكل وتجلس فتره

اذا عندك معلومه عن مده صلاحيتها ياليت تفيدنا

هلا اخووي

ابشر ان شاله بس خلني افضى بس هالكم يوم وابشر بعزكـ

^^^^^^^^^^^

طيب وش راايك في SXT بنفس مواصفات R\T اللي مواصفاتها SRT 8 ..

والله ياشباب حآجهـ غريبة جداً ..

اليوم رحت الوكالة الصباح ..

شد انتباهي تشارجر SXT بجنوط 20 وشبك R\T وفتحة كبوت كمان ..!!

مع العلم إن فتحة الكبوت ماتتوفر إلا في SRT 8 ..

وهذي صورها الصباح اليوم صورتها :











طبعاً ماعليها شعار آر تي ..

من داخل عادية ليست مثل الـ R\T ..

كانت الوكالة مقفلة .. وماتفتح إلا خامس العيد ..

حاولت ألاحظ شكمان ثاني وتأكدت إنه مو موجود ..

إذا هي ستة سلندرات .. إذا هي SXT ..

الكفرات بيريللي مو مثل الـ R\T جوديير ..

ومآفيهـ كشافات ضباب ..!!

لذلك شكيت ممكن تكون SE ..!!

لكن مكتوب على البنر بجنبها SXT

ومآعندي خلفية عن الأسعار ..


وش سالفتها هالتشارجر .. والله غريبة .. أول مرة أشوف زيها ..!!

.
.

بصراحة يا " لآهنت " لاتفوتها ..

وبعدين ركب وصلة شكمان وركب كشاف ضباب ..

ويطلع شكلها مثل الـR\T + فتحة كبوت لكن بدون الشعار ..

لما تفتح الوكالة يوم الإثنين روح اسأل عنها وياليت ترد لنا خبر ..

موجودهـ في المتحدة للسيارات / الرياض - طريق خريص ..

.
.

الاحمر مو موجود على الـ R\T ..

ونادر على باقي الأنواع .. لكن موجود ..

.
.

والله مادري صراحتن لاني الى الان ماحددت الميزانيه :a120(55):

بس انا على حسب ماقريت يعني في المواصفات لقيت sxt يعني يعتبر الحل الوسط

وحتىا سعره معقول

فـ sxt هو الاقرب
مع ان امنيتي صراحتن R\T



معليش سؤال اخر >>:a120(89):

وش الالوان المتوفره
لان من كلامكم الاحمر مو موجود ؟

أعتقد نفس مقاس الكفر اللي راكب على سيارتك ..

سألت الموظف يوم شريتها وقال سعر الكفر الواحد [ 1000 ] ريال سعودي ..

طبعاً النوعية ممتازة لأبعد الحدود .. جوديير سبورت مقاس 20 "




وعليكم السلام ..

صبحكـ الله بالنور والسرور ..

حيآك الله في الرابطهـ ..

وقرارك من ناحية التشارجر سليم 100 % .. ^_^ ..

والسيارة اللي تحبها خذها مهما كآنت ..

وانا أنصحك بها وبشدة .. وقرار شراءها ماراح تندم عليهـ أبد ..

إحنا هنا كلنا ملاك تشارجر وكرايسلر وعآرفين البير وغطاهـ ..

أما كلام المنتديات الغير مبني على أساس لايقدم ولا يؤخر ..

طيب .. فيهـ ثلاث أنواع من السيارة مرتبة من الأقل إلى الأكثر :

SE .. سعرها 83 ألف ريال سعودي

SXT سعرها 103 آلاف ريال سعودي << مع عروض رمضان

R\T سعرها حالياً 134 ألف ريال سعودي

فيه نووع SRT 8 .. بس مايوفرها الوكيل عندنا ^_^ ..

حدد أي نووع وإن شاء الله نفيدك بالمعلومات الكافية ..

ومبرووك مقدماً والله يتمم لك على خير ..

.
.

صبحكم الله بـ الخير


مبروك عليكم الرابطه .. والله يبارك لكم في سياراتكم


اي نعطيكم الزبده من الرد هع


اول شيء انا بأذن الله مقدم على شراااء سياره

حطيت في بالي كذا سياره


بس في الاخير رسخ في مخي الدوج حبيته صررراحه


فـ حبيت اخذ ارائكم وتحذيراتكم لي بما انا مقدم على شراء السياره

يعني ويليت تفيدوني بكل شيء عن السياره
يعني من تجربتكم لها هل تنصحوني فيها؟

لاني في مواقع كثيره مايمدحونها لي

بس انا ما اهتميت من كلامهم وقلت اسأل اهل الخبره

اي ولا ننسىا الاسعار بعد هع

انا لسىا مارحت الوكاله .. قلت اخذ معلومات واروح لهم
طبعن انا من سكان الرياض



وبس


واتمنىا اني ماطولت عليكم

اذا عندك معلومة اخوي محمد كم سعر الكفر الي راكب على سيارتك ؟؟؟