السلام عليكم إخواني
إنشاء الله أنا منضم إلكم قريب
المهم عندي إستفسارات كل ما دخلت موضوع هنا ألاقي شي مختلف
المهم الأسئلة الأساسية إلي في بالي
1:- إيش رايكم عامة ب SE {طبعا أنا أقدر على قيمة R/T فلل بس ماني بتاع سرعة} ؟
2:- هل أقدر أضيف على SE مواصفات من R/T مثل الكشافات والشاشة والنظام الصوتي وأزرار home والفاصل بين المقاعد الخلفية {حق الأكواب} ولمبات البانوراما حقت مان الموية والعصير وغيرها من هذه المواصفات في نفس الوكالة ؟ وهل ألقاها بره بسعر حلو {بس أصلية} ولا يطير ضمان السيارة ؟
3:- السيارة تعيش لمده طويلة ولا لا ؟
4:- من ناحية الخرابات ويش رايكم {الناس سووها لي مثل الشيروكي والرانجلر وناس العكس}؟
5:- ويش رايكم من ناحية حملات المقاطعة والتوقع في نزول الأسعار فهل أشتري أو أصبر {وكم ممكن أصبر} ؟
6:- إذا ممكن حد يوافيني بسعر ال SE ؟ طبعا آخر سعر شفتوه في الوكالة
7:- ماهي مواصفات SE العادي وماهي مواصفات الفلل وكم فرق السعر ؟
8:- أنا مالي بالمهايص والتفحيط والقومات والسرعة --- أحتاج السيارة للإستخدام الشخصي والجامعة فهل هي مناسبة ؟
9:- ياليت لو حد يزودني بصور للسيارة من الداخل بزوايا كثيرة وواضحة التفاصيل لأنه ما وجدته في النت وجوجل لم يعطيني معلومات تكفيني عنها ؟ مهما تكون الزاوية أنا قابل بها
آخر شي هذي إنتقادات شفتها بأحد المواضيع هنا فأيش رايكم بصحتها من كذبها
المشاركة الأصلية كتبت بواسطة مهندس جديد
من ناحية الشكل،، السيارة تلفت الأنظار......
لكن في مشاكل كثير في السيارة، وما راح تحس في المشاكل هذي الا اذا سقتها....
اولا..... يوجد الكثير من المناطق العمياء في السيارة....
ثانيا... السيارة سريعة في الخط المستقيم فقط،، لكن عند المنعطفات، السيارة خطيرة جداً وممكن تخون فيك بسهولة.
ثالثا.... مافي كاتم للصوت ، وبتسمع صوت مزعج للمحرك من الخارج والداخل.
رابعاً.... السيارة غير مريحة إطلاقاً، ناشفه على الطريق.
خامساً... بتسمع اصوات احتكاك المواد في الطبلون بعد فتره من شراءك السيارة، بالإضافة لوجود اصوات خصوصا في نظام التعليق الأمامي.
سادساً..... السيارة من الداخل رخيصة الصنع، ومافيها ريحة الفخامة.
سابعاً.... جير اوتوماتيك 5 سرعات فقط!!. الشركات الاخرى انتقلوا ل 6 و 7 و 8 سرعات.
اذا بغيت سيارة سريعة على الخطوط المستقيمة وشكلها حلو،، هذي السيارة مناسبة لك،، لكن على المدى الطويل وكاستخدام اجتماعي او عائلي،، ما انصحك فيها.
الميزة الوحيدة في هذي السيارة حسب اعتقادي، هو انها بمحرك قوي وسعرها رخيص بنسبة ليسارة فيها 425 حصان.
والطلب على هذي السيارة ماعتقد طلب كبير يعني توقع هبوط حاد في سعر السيارة لما تحتاج اتبيعها.
هذا ماعندي اليوم
وإنشاء الله ما أثقلت عليكم في أول مشاركة
وأرجو الإجابات تكون عن تجربة وليس كلام سمعته من شخص لم يجربها
تحياتي
sh4dei
