الله يعطيك العافية اخوي محمد
راح اختصر كلامك قاعدة F-Alpha platform تم الإعلان عنها في عام 2004 في طراز فرونتير و اكستيرا و باثفايندر وقالوا المنصة هذه بيطلع لها احجام مختلفة و انظمه تعليق صلبة متصلة او نظام تعليق منفصل على سيارات الجسم على الهيكل
السيارات اللي صنعت في اميركا المنصة راح تقبل معهم المحركات الكبيرة مثل اكستيرا و باثفايندر القديم و ارمادا و تايتن
السيارات اللي تصنع خارج امريكا ماراح يقبل معها الشى هذا بالمحركات الكبيرة لانها اصغر بالحجم مثل نافارا و اكس تيرا اللي نزل عندنا
الباترول نفس منصة F-Alpha لكن مختلف عن باقي سيارات نيسان اللي طلعت من نفس المنصة ومنصة الباترول اكثر تكلفة وتطوير من باقي منصات سيارات نيسان وبنرجع للباترول
تايتن القديم تم بناء F-Alpha تتناسب مع شعبية السوق الامريكي لسيارات فل سايز ( البيك اب ) وتكون تكلفة تصنيع السيارة اقل وتتناسب مع محركات 8 سلندر ونظام التعليق الامامي منفصل بتكلفة قليلة وتتوفر بنظام الدفع الاختياري خلفي او رباعي
تم بناء منها الجيل السابق من نيسان ارمادا وهي سهلت على نيسان تطوير السيارة بتكلفة اقل ونظام تعليق خلفي منفصل وبنية السيارة تكون طامنه غير مرتفعة وسعرها يكون في متناول الجميع وتحقق ارقام سهلة في استهلاك البنزين بالسوق الامريكي ( نفس فكرة الشركات الامريكية )
نيسان طورت منصة F-Alpha في تايتن الجديد زادت صلابته و خلته يتوفر بخصائص الدفع الخلفي و الرباعي وقدرو يطبقون عليه القير الجديد 9 سرعات ويحقق الرقم المطلووب في استهلاك البنزين للسوق الأمريكي وسبق وطبقوا زعليه محرك كمنز الديزل
عكس الباترول منصته اصلا كانت اكثر تكلفة ومتخصص لسيارات اوووف رود وبناء السيارة يكون فيها مرتفع البنية واستهلاكه للبنزبن لا يتطابق مع انظمه السوق الأمريكي
نيسان حاولت بكل الطرق انها تشيل انظمه التعليق بالكامل امامي وخلفي في باترول النسخة الامريكية (ارمادا ) اللي هو نظام HBMC ونظام نزول المنحدرات والدفلوك وانظمه التضاريس علشان يكون سعره رخيص
واضافت نظام التعليق الامامي من تايتن و التعليق الخلفي جزء القديم منه نفس ارمادا السابق وخفضوا ارتفاع السيارة
كذا نجحوا بتحقيق السعر المطلوب والمناسب للسوق الأمريكي وتكون اقل تكلفة من الباترول
بس للاسف نيسان ما قدرت حققت الرقم المطلوب سواء بدفع الخلفي أو الرباعي وهو قطع مسافة 20 ميل في الجالون اقل شى للخطوط الطويلة بحسب تصنيف وكالة حماية البيئة للطرق السريعة في الولايات المتحدة الأمريكية وهو الرقم يعدل 8,5 كيلو في اللتر الواحد
والسبب بنية السيارة لازالت نيسان باترول هههههه حتى لو ركبوا القير الجديد ما راح تضبط لازم اعادة بناء المنصة من جديد
لو تم بناء ارمادا من تايتن مو باترول كانت حققت الرقم المطلوب لوكالة حماية البيئة للطرق السريعة وكان قدروا يطبقون قير 9 سرعات
تايتن تعدت الرقم المطلوب 20 ميل بالجالون بالخطوط الطويلة سواء بالدفع الخلفي او الرباعي
علشان كذا من زمان وانا اقول ولازلت اقولها باترول و لاندكروزر ماينافس السيارات الامريكية لان بنيتهم وأساسياتهم دفع رباعي حقيقي وتصرف بنزين عكس السيارات الامريكية مبنية من فل سايز وطوروا منها نسخة SUV
