ضروري: هل هذه المواد مفيدة لإيقاف تسريب زيت الباور من ستيرنج بوكس؟

كا تعليق آخير ومهم وضروري نسيت أنه اكتبه وهو له علاقة بالموضوع وهو

الحذر ثم الحذر من استخدام المحاليل الخاصه بايقاف تسريب ماء التبريد أيا كان مصدر التهريب الا اذا في حالة أنه التهريب من وجه مكينه أو رأس مكينه والمكينه في نهاية المطاف راح تتغير بوحده ثانيه في الحاله هذي لامانع من استخدامها ولكن بشكل عام نهائيا لاحد يستخدمها لأنه راح تسد وتسكر مجاري ماء التبريد في المكينة وراح تعمل مثل الترسبات على سطح خزان "طبة" الرديتر سواء كان بلاستيك او حديد وايضا راح تسد وتخرب هيتر المكيف "سخان المكيف او المكيف الحار من ليات وغيرها " وهذا ليست نصيحتي أنه او كاتجربه سابقه لا حتى مواقع مختصه تحذر بعدم استخدامها

أيضا بعض أنواع محاليل ومنتجات ايقاف تسريب أو تهريب زيت المكينه بعضه عبارة عن زيت ثقيل جدا وراح يسبب صعوبة في وصول وضخ الزيت الى أماكن دقيقه وضيقه خصوصا في المحركات والمكاين الجديدة

.
حياك الله أخوي فواز

كلامك عين الصواب وليس وجهة نظر فقط لأنه معروف في مثل هالأمور لابد من تصليح المشكلة ولكن مثل ماقال أخونا "مارد مخيف "البحث عن حلول سريعة بحكم أنه عمل توضيب للدودة سابقا وأنا طرحت التجربةلهذه المنتجات من باب افادة الآخرين وطبعا أنا وضعت حاجتين في الحسبان وهي أنه الشئ اللي استخدمته متأكد أنه مايضر ويسبب ضرر لباقي قطع منظومة الباور ستيرنج من مضخه علوية "الطرمبة " ولا أي هوز وليات خصوصا هوز الضغط والشئ الآخر هو أنه سعر المنتج رخيص جدا وهذا شئ ممتاز كاحل مؤقت وازيدك من الشعر بيت سنتين ونصف والحمدلله الى الآن ماشيه الأمور لأنه لو بافكر اصلح ماراح اعمل توضيب لا بالعكس راح اشتري دودة كاملة مستعملة وارد اليابان أو من سيارة نظيفه وأحب اضيف أنه الاهتمام باستخدام زيت أصلي وتغيير الزيت عند ملاحظة تغير لونه راح يخلي الدودة تعمر وماتخرب بسهوله ولهذا أانصح أي شخص يفكر يغير زيت الدركسون أنه مايغيره اذا لوه أسود كثير ولم يسبق تغييره أبدا أي صار له سنوات كثيرة من الاستخدام لأنه راح يخرب الدودة وهذا ماحصل لي وقت تغيير الليات الممتدة بين خزان زيت الباور الى طرمبة زيت الباور بعدها مباشرة بدات الدودة تهرب وقبلها هرب عندي لي "هوز " الضغط والسبب كله أنه راعي السيارة السابق واضح أنه ماكان يغير زيت الباور أبدا وهذا غلط كبير

.
رأيي من رأيك

لكن المشكلة اني قبل سنتين غيرت الدودة بواحد مستعمل

والسنة الماضية اضطريت اجدد الدودة بقطع اصلية

مع ذلك هذه السنة في تهريب

باختصار تعبت

لذلك ابحث عن حلول سريعة :44:

الافضل حل المشكله جذريا برأيي بدل اني اخسر على منتجات مؤقته بالاخير مردي اصلح العطل وادفع

وجهة نظر

الله يوفقكم

العفو أخوي ..............بالتوفيق

.

.
شكرا على الافادة

تستاهلون الخير

حياك الله أخوي وياهلا فيك

أنا جربت مرتين في الفتره الأخيرة هذا المنتج من شركة GUNK وكان متوفر ويبيعونه في سوق .كوم وسعره تقريبا في حدود 55 ريال مع الشحن وبصراحه خفف التهريب بشكل كبير جدا لأنه كان عندي التهريب قوي شووي وبعد ما استخدمت هذا المنتج أصبح جدا بسيط وعبارة عن تنديه وممكن اشيك على زيت الدركسون في الشهر مره فقط واذا لقيته ناقص صرت اضيف من نفس المنتج وعموما طريقة الاستخدام انك تسحب نص من زيت الباور الموجودة في خزان الزيت وبعدها حاول تكمل النقص من نفس المنتج وبعدها شغل السيارة وبدون ماتتحرك بالسيارة حاول تلف الدركسون الى أقصى اليمين والى أقصى اليسار 3 - مرات وبعدها استخدم السيارة وشيك لمدة خمسه أيام واذا ضبط فالحمدلله واذا على كلامك تهريب جدا بسيط فما يضر ان شاء الله



وقبل تقريبا 5 سنوات كنت استخدم هذا المنتج وهو أيضا جيد ولابأس فيه وكان متوفر ويباع في ساكو وسعره في حدود ال 35 ريال



أما بخصوص أحد المنتجات اللي وضعتها انت في موضوعك أنا صحيح ماجربته بس اللي عرفته من خلال قرائتي في المواقع الأجنبيه وبعض المواقع العربية لقيت ناس تمدحه و وقف عندهم التهريب بس عيبه سعره شوي غالي

liqui moly power steering oil leak stop

.
شكرا على الاهتمام استاذي

التهريب من الدودة بالانجليزي rack & pinion
من جهة السائق يعني المكان اللي يوصل فيها الدركسيون مع الدودة
السيارة كامري 1996

انتظركم