مشكلة كربون وضعف عزم وغيرها

سلام عليكم ورحمة الله وبركاته

شخباركم يا شباب العرب

لو سمحتو عندي سيارتي نيسان صني 1999 فيها كم مشكله ..
اولا السياره بخاخات( ليس كاربيتر )
1.6 GDI twin cam
ثانيا نوع البنزين المستخدم: بنزين 95 ^.^

شرح المشكله ظاهريا:
ضعف عزم وكتمة في الدوسة وتكون كربون على البواجي بسرعه من بعد فكها وتنضيفها مع ريحة ..

الحين نجي الى الاشياء الي تم فحصها وتغييرها:
اول شيء سويته تم تنظيف البخاخات بالجهاز ومن بعد ذلك تحسن خفيف جدا
بعدين قلت اكيد في كربون في المكينه ولازم اضيف منظف بخاخات علشان ينظف داخل المكينه بعد .. هنا صار تحسن بنسبة 80 من 100 لكن من عبيت فل بنزين مره ثانيه رجع نفس قبل العزم
طبعا ملاحضه كان عندي وزن الديلكو لعب فيه ميكانيكي ولكن اتضح انه خرب الوزنيه قبل لا يجي واحد فاهم وخبرني بان الوزنيه غلظ.. هني يمكن ساعد في تكون الكربون ؟ لانه كان صار مدة طويلة بوزنية غلظ ..

ومواضب ع تبديل زيت المكينه.

وحتى بوابة الهواء( الثروتل ) اعمل له تنظيف مع كل مره استبدل فلاتر الهواء والبنزين مع كل 10 الف تقرييا

السياره الحمد لله كان عزمها 99% ومن تدعس خفيف تنقز تفز حتى كنت اقوم مع بعض السيارات في الدوسه وغيرها يعني ههههخ

واخيرا قمت بعمل فحص كمبيوتر قبل كم يوم وطلعت النتيجة من حساسين وهما :
Mass air flow - code p0100 حساس الهواء
Coolant temperature sensor - code p0115 حساس الحرارة.

معلومه اضافيه: اهل الكراجات خبروني عندك الشنابر تعبانه لكن توها خفيف وهذا يأثر على العزم مع ان هذا كان موجود من قبل حصول المشكله المذكوره سابقا ..

القير: القير تمام وتبديلاته الحمد لله اوكي ومايشكو من شيء ..
وهذا الختام ..
وشكرا لكم مقدما