تساؤل: هل استحداث أو تطوير منصات السيارات جدا مكلفة ومعقدة ؟

بارك الله فيكم على اجاباتكم الوافية والشافية
الحين استوعبت اهميتها وخصوصا انها تاخذ وقت وجهد وتخطيط على مستوى الشركة
كنت بحاجة لترتيب افكاري وجمع معلومات عن المنصات
وخصوصا أخبار السيارات صارت تتناول تطوير محرك او منصة او قير
ثم يتوسعون بالخبر عن المنصة الجديدة وايجابياتها وما الى ذلك

شكرا لكم وجزاكم الله كل خير

كل الشكر تاؤل جميل
واجابات رائعه من الاخوة
الشركات راح تستفيد من تطوير منصاتها
و بالمقابل ستدفع

أغلى شى في تطوير السيارة المحرك لان بسببه يتم اعتماد انظمه الاقتصاد في الوقود و نسبة معدل ثاني أكسيد الكربون

ثاني أغلى شى في السيارة المنصة ( الشاصي )


ثم يجي بعدها ناقل الحركة



لو تلاحظ اغلب الشركات الألمانية تعتمد محركاتها على جميع سياراتها مثل S كلاس لين C كلاس تلقى 4 و 6 و 8 سلندر كلهم نفس المحركات وهذا بيخفف تكاليف عليهم

والكلام ينطبق على بي ام دبليو من الفئة السابعة لين الفئة الثالثة نفس المحركات



——

تطوير المنصات صار مكلف جديد يكلف ملايين الدولارات وكل جيل يطلع من المنصات يصير أغلى من اللي قبله بالسابق كان بسبب تخفيف الأوزان


حاليا تطوير المنصة لازم يعتمد على منظومة الكهربائية اللي تكون منها سيارات الهايبرد او مكونات الهجين او الكهربائية


منصة F1 قابلة انها تدعم الكهرباء راح تطبق بكل سيارات تويوتا اللي الجسم على الهيكل مثل لاندكروزر و وسيكويا ولكزس LX كلهم بيصيرون تعليق مستقل وتسحب لاندكروزر من امريكا

وراح تدعم سيارات البيك اب مثل الهايلوكس و تاكوما


كلهم بيصيرون منصة وحدة وهذا بيخفف تكاليف يعني لاندكروزر كان لحاله و الهايلوكس و الفورتشنر لحالهم و تاكوما وفور رنر (مع ان فور رنر نفس شاصي البرادو) لحالهم وبرادو و اف جي لحالهم


الان كلهم منصة وحدة تجمعهم وتخفف تكاليف على تويوتا