الجمعة 17 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
راديتر كابريس | حظر غسل السيارات يدوياً في محطات الوقود | لوسيد تحصل على 750 مليون دولار من أوبر والسعودية | ستظهر سيارة شيفروليه سونيك الجديدة لعام 2027 بشعار ربطة العنق السوداء الجديد في البرازيل. | وصف مسؤول تنفيذي في نيسان سيارة إكستيرا بأنها "رائعة" وعرض مقطعاً دعائياً لم يسبق له مثيل
الرئيسية المنتديات الرئيسية ورشة السيارات مشكله بسيارتي ومحتاج افاده

مشكله بسيارتي ومحتاج افاده

ورشة السيارات
17 رد 6,141 مشاهدة 3 مشارك الأقدم أولاً
خ
خرجاوي ٢٦ @user_323393 · 04-08-2017
السلام عليكم ورحمه الله وبركاته

كيف حالكم اخواني ؟

عندي مشكله بالسياره معاني منها من اسبوع لفيت الصناعيه ورشه ورشه محد عرف مشكلتها نظفت منظم الهواء والدعسه ومازالت المشكله طبعا السياره اكسنت ٢٠١٠ فيها المشكله وانا ماشي بالطريق ومثبت سرعتي على ٨٠ او ٩٠ او على حسب سرعتي عداد الهواء ( rpm ) يبدأ يلعب ويدعس لحاله بدون دعس مني ولا شي سويت فحص كمبيوتر ماطلع عندي الا حساس الشكمان ويقولون ماله علاقه بهالمشكله ياليت تكفون با اسرع وقت تفيدوني وين المشكله فيه با اسرع وقت ممكن لان بصراحه تعبت نفسيتي من هالمشكله واسف عالاطاله
f
formula one @user_278648 · 12-08-2017
الحمد لله على اصلاح الخلل
جزيل الشكر على الرد والتوضيح لعموم الفائدة
تم تدوين العطل في ( موسوعة اعطال السيارات )
تحياتي
خ
خرجاوي ٢٦ @user_323393 صاحب الموضوع · 12-08-2017
ابشركم انتهت مشكله سيارتي ولله الحمد 🙄 صارت المشكله بالدعسه ( الثروتل ) اخذت لي واحد من التشليح والحمدلله اليوم ثالث والوضع تمام ولله الحمد بس اتوقع مشكله حقي بالوجه لانه مكسور من النص والحمدلله على كل حال وشكرا على اهتمامكم والله يعطيكم العافيه .!
f
formula one @user_278648 · 08-08-2017
طيب اخي الكريم : جرب ان تشغل المحرك والسيارة في وضع الوقوف ومن ثم زيد في تسارع المحرك RPM لحين يصل ما بين 3 الى 4 ولاحظ هل تحصل نفس الحالة ؟ ام ان الحالة تظهر فقط خلال السير ؟
اغلب الظن ان المشكلة بالقير و هذا في حالة ان حساس TPS صالح للعمل , ولا بأس من فحص جميع ليات الهواء فقد يكون هنالك تسريب للهواء الى داخل المحرك .
رد لنا خبر
بالتوفيق
خ
خرجاوي ٢٦ @user_323393 صاحب الموضوع · 08-08-2017
👇👇
https://youtu.be/D0hRqHBTyQE

هذا المقطع مصوره امس وانا ماشي على طريق ويبين المشكله اللي اعاني منها
a
altimaemh @user_282620 · 08-08-2017
.
مثل ماقالك استاذنا فورملا ون افحص القير والزيت
انا مالي خلفيه كثيره بالقيور وان شاء الله يفيدوك الاخوان
f
formula one @user_278648 · 07-08-2017
بعض الاحيان يكون سبب ارتفاع RPM وانخفاضه اثناء السير يكون بسبب خلل في القير وطنجرة القير , لذا انصحك بفحص القير بشكل دقيق
بالتوفيق
خ
خرجاوي ٢٦ @user_323393 صاحب الموضوع · 07-08-2017
فقط الار بي ام
f
formula one @user_278648 · 07-08-2017
في حالة ان حساس TPS يعمل بشكل جيد , فعليك فحص صلاحية زيت القير ومستوى الزيت وكذلك فحص القير بشكل عام
بالتوفيق
a
altimaemh @user_282620 · 07-08-2017
.
الواير يكون متصل بين الدعسه والثروتل والمسطرة موجوده فوق دعسة البنزين
يالغالي لايكون عندك القير يرد نمره ووقتها تلاحظ ارتفاع الار بي ام
تفسير لكلامي يوم يلخبط الار بي ام وانت ماشي 90 هل تزيد السرعه وتوصل مثل الى 100 وزياده ؟
او ماتزيد السرعه فقط تلاحظ ارتفاع في الار بي ام ؟
خ
خرجاوي ٢٦ @user_323393 صاحب الموضوع · 07-08-2017
فيه ثقل بالدعسه احيانا والقير اتوماتيك واحيانا تزيد المشكله وتنتع معي السياره وانا ماشي احيانا
وعندي سؤال فحص الواير كيف يكون والمسطره وين موقعها
a
altimaemh @user_282620 · 07-08-2017
.
الثروتل له دور و
الدعسه لها دور لاني مثل ماقلت لك في السابق عندك الثروتل عادي بواير
ففي نفس الدعسه واير حاول تفحصه وفي مثل المسطره حاول تفحصه
وانا في ردي السابق سألتك هل تلاحظ ثقل في دعسة البنزين ؟
ايش نوع القير بالسيارة ؟
خ
خرجاوي ٢٦ @user_323393 صاحب الموضوع · 07-08-2017
هل صحيح ان بوابه الثروتل او الدعسه سبب في عدم انتظام مؤشر RPM بحيث انه يكون في نزول وصعود مع دعسه للبنزين لان واحد يقول هالكلام
a
altimaemh @user_282620 · 04-08-2017
.
اذا تعاني من ثقل في دعسة البنزين
حاول تنظف نفس الواير الي عند دعسة البنزين
بأي بخاخ مثلا اسي ديلكو او اي نوع
وجرب السيارة
خ
خرجاوي ٢٦ @user_323393 صاحب الموضوع · 04-08-2017
مستوى الار بي ام على الواحد واذا شغلت المكيف ينزل لين يوصل فوق النص بشي بسيط بعدين يرجع على شوي شوي ويستقر بين الواحد والنص اليوم انا ركبت حساس جديد ومسكت خط يعني اخذت مسافه شوي حوالي ١٥ او ٢٠ كيلو تمام السياره بعدين رجعت نفس المشكله صار الار بي ام يصعد وينزل من نفسه مع دعسه خفيفه
a
altimaemh @user_282620 · 04-08-2017
.
عليكم السلام
مثل ماتفظل الاستاذ فورملاون نظف حساس tps
والمشكله الثروتل عندك عادي يعني بواير
عندي استفسار لك هل تلاحظ عدم ثبات الار بي ام والسيارة واقفه ؟
يعني مره تلقاه حول الواحد ومره اعلى ومره اقل
واستفساري الثاني
كم مستوى الار بي ام والسيارة واقفه ؟
استنى ردك وان شاء الله نقدر نفيدك
خ
خرجاوي ٢٦ @user_323393 صاحب الموضوع · 04-08-2017
وش معنى حساس TPS معليش مافهمت ووين موقعه والبارح زادت المشكله عندي اكثر وانا ماشي بطريق تجي نتعه مفاجئه مدري هو من نفس الحساس اللي ذكرته او لا

وشاكر لك اخوي
f
formula one @user_278648 · 04-08-2017
وعليكم السلام ورحمة الله وبركاته
افحص صلاحية حساس TPS ويشمل الفحص فيشة واسلاك الحساس واشارة الحساس
تابع الرابط التالي للفائدة :
https://www.assayyarat.com/forums/t271904.html
بالتوفيق
سجّل دخول للرد...