شرح لطريقة عمل النايتروز
اول شي النايتروز عباره عن مركب مكون عموما من ذرتين نيتروجين وذرة اوكسجين يعني لو أخذنا 3 كيلو نايتروز بيكون 2 كيلو نيتروجين و 1 كيلو اوكسجين . وبحسبه بسيطه الناتج يكون 66 في الميه نيتروجين و33 في الميه اوكسجين والباقي بخار ماء او اضافات اخرى. يسمونه الغاز المضحك لانه لما يتنفسه الواحد يشد عضلات وجهه وبين كانه يضحك. اهم استخدام له التخدير في العمليات(عشان كذه ممنوع لا يستخدمه ضعيف نفس) وطبعا الاهم من التخدير القومات:D
اللي يذكر عطونا في العلوم في المدرسه ان الهواء الجوي (اللي نتنفسه) حول 75 في الميه نيتروجين 20 في الميه اوكسجين والباقي 5% بخار ماء
مافي اي احتراق في الدنيا يتم الا ويحتاج ثلاث عناصر 1 ماده تشتعل (في السياره البنزين) 2 مصدر حراره او شراره (في السياره البواجي spark plug) 3 الاوكسجين ( الهواء اللي يدخل المكينه)
السياره لما تسحب من الهواء اللي بره تشفط اللي تقدر عليه بس مو اكثر ينخلط هذا الهوا مع البنزين ويخش السلندر تجيه الشراره ويشتعل (بالثلاث عناصر اكتمل ما يسمى بمثلث الحريق)
لاحظ الهواء اللي دخل المكينه هواء من بره بس 20% منه اوكسجين .واحد فكر وقال ليش ماندخل النايتروز بدل الهوا اللي تسحبه المكينه ةنزيد عليها شوي بنزين مو يمكن تصير اقوى. انا اقول ان كلام هذا الادمي سليم ميه بالميه والله لو دخلنا بنزين زياده واوكسجين زياده تعطينا قوه زياده.
بهذي السهوله؟؟؟؟
يعني مو لذي الدرجه....... المهندسين احسبوها وعطونا اياها بارزه مبرزه ليش احنا نغير وما نشتغل على اللي يقولونه. هذا اهم سبب اللي يخلي المكاين تنفجر لما يضغطون عليها الغاز السالفه مهندس قاعد له سنين يصمم السستم system ويجينا اخو حبيب ويغير جتات الغاز ويحط ارقام على كيفه ومن الاسباب الخرى اللي تفجر وتكسر المكينه المهندس يقول لازم تخلط مع الغاز بنزين يجيك الحبيب ويحط الغاز على بطنه بدون بنزين
المره الجايه باقول لك شيصير بالضبط لما تحط غاز لحاله او بنزين ناقص وكيف تتكسر المكينه+شرح لانواع سستم الغلز وشنهو الشغلات اللي لازم تركبها قبل ما تضغط الغاز واشياء اخرى مفيده عن الغاز
للتذكير مو اكثر الغاز ما يشتعل هو يساعد ويسرع الاشتعال حق البنزين
