حصري... صور ... " تيتانيوم " فئة جديدة من الباترول وصلت للرياض .. السعر + المواصفات

..اسعار الباترول بتغطي على الاندكروزر !!!!

شكرا لك اخوي عبدالله

اتمنى بس لو تتوفر الداخلية باللون الجملي
يصير خلاص بلاتينيوم 400 إلا شوي

اعتقد بعد كم شهر وبعد وصول السياره الى المعارض وانتشارها ان ينخفض سعرها كثيراً ولا استبعد ان يصل سعره الى 210 الاف ريال في المعارض وممكن اقل .

الباترول بلاتينيوم se اول ما نزل في الوكاله كان سعره 260 الف تقريباً ومن ثم اخذ سعره بالانخفاض خاصه مع انتشاره في المعارض حتى وصل الى 220 الف تقريباً في المعارض , يعني انخفض سعره حوالي 40 الف ريال مقارنه بسعر الوكاله اول ما نزل .

اعتقد نفس الأمر سيحصل مع فئة التيتانيوم .


بالنسبه للباترول البلاتينيوم v6 ايضاً انخفض سعره كثيراً مقارنه بسعره في الوكاله اول ما نزل , ارخص سعر حصلته في المعارض للبلاتينيوم v6 بـ 206 الاف ريال فقط .


آمل ان تركز نيسان على فئة التيتانيوم وان تورد اكبر كميه منها لدول الخليج لسد الفراغ الذي تركه البلاتينيوم se v8 , ورب ضارة نافعه حيث تم الاستغناء عن محرك الـ v8 في البلاتينيوم se واستبداله بمحرك v6 لكن في المقابل اصبح هناك بديل مجهز بمحرك v8 بقوة 400 حصان اكثر قوه من محرك الـ v8 في البلاتينيوم se وناقل 7 سرعات وبسعر معقول ومناسب .

فئة وممتازة ومثل ما ذكروا الشباب هذي الفئة موجودة من قبل وهي فئة LE-T2 ولكن مع زيادة اوبشن.
الجديد هو إضافة اسم لإبراز هذي الفئة.
الفئة شخصياً أشوفها ممتازة جداً خاصة مع المحرك v8 ، وسعرها 235 مناسب، بديل ممتاز للبلاتينيوم ستة سلندر.

مجهود رائع اخ عبدالله كالعادة

السيارة تمتلك مواصفات جيدة لكن السعر المرتفع وبالنسبة للمحرك لاننسى محرك النيسمو 428 حصان

يعطيك العافية

. مجرد تغيير اسم هذا LE2 موجود قبل عام 2011 بنفس الموصفات ذي مع صدام ستي
وعام 2014 موجود بدون صدام ستي

اشوف النسخة خاذي جيدة نسبيا مع السعر
لان اغلب المواصفات الغير موجودة تعتبر زينة او فخامة

نسخة الستي مليانة الشوارع والاسواق
داعية لها وتبدء ب 234الف ريال من الباترول

الباترول كل اسعاره 200 الف وطالع

ايام 2009 تقريبا شريت سيارة للمؤسسة النترا لواحد كان عندي للاسف مايستاهل دمر المؤسسة بس خبطت المكينة مع ان السيارة جديدة شيل وحط انا والمعرض ناسي اسمه كان بالشفا في النهاية رحت شريت المكينة من التشليح بالوكالة غالية ولا كان لها ضمان السيارة !!!!


المشكلة اللي صارت لولد عمي وهو صغير كبر اخواني ولا كان ودي اذكر اسم المعرض لكن بذكره نصحته ياخذ الصني من الوكالة قال بالمعارض 38 الف ريال بالوكالة 41 الف ريال شراها من عماد الدين طلع ملفق فيها كشافات وشاشة وطلع ريحة حراق بالصني شيل وحط هو المعرض لين سكته ب 2000 ريال خصموا قيمة السيارة ورجعه له 2000 ريال وركبوا كشفات ثانية


مستحيل انا اشتري من معرض لاني ماراح احصل الفل كامل الا بالوكالة والشى الثاني بالوكالة اقدر ارجع السيارة ولا اوقع على استلامها لو صار فيها مشكلة دقتين بالراس توجع الله يفكنا وياكم من شر الشريطية

ممكن تذكر لي ابرز المشاكل الي كانت بالسيارة ووش صار بعدها هل اشتكيتو وارجعتو السيارة؟

مشكور ياسميي على الموضوع

حقيقة الفئة موجودة مسبقا من عام 2014 على ما اذكر

وكانت تسمى بالبلاتينيوم لكن تختلف عن البلاتينيوم سيتي

فهي بجنوط غير محكلة وصدام عادي حق الاوف رود وليس صدام السيتي

كذلك بقية المواصفات نفسها لكن كان فيها هيدروليك

بصراحة حركة سخيفة وضع اسم التيتانيوم عليه وش هالترقيع! بلاتينيوم وتيتانيوم؟

بكرة بنشوف فئات مغانيسيوم وبوتاسيوم والمنيوم واكتينيوم وكلوفورنيوم والقائمة تطول وماشابه ... الخ

هذي من وجهة نظري تقابل باترول LE2 واللي اوقف العيسى بيعها عندنا اعتقد عام 2015 و 2016
لاني كنت ابحث عن هالفئة العام الماضي واكدوا الموظفين لي ان العيسى اوقف استيرادها لان الطلب عليها قليل بحسب كلامهم
في الوقت اللي كنت ولازلت اشوفها الفئة الابرز والاميز بين فئات الباترول لانها تجمع الاهم .. المحرك الاقوى والاكثر اقتصادية وصندوق سرعات بسبع سرعات ونظام تعليق هيدروليكي اضافة الي جنط ال20 وبذلك تجمع بين الاداء والشكل
وبحمد الله توفقت بواحد جديد موديل 2014 وانصح به شخصياً لاي شخص قرر شراء البطل واحتار بين الفئات

شكرا عبدالله
وشكرا لكل الإخوان لإضافاتهم المفيدة.
التصميم جميل جدا
والسعر مناسب في نظري.

العيسى توه يجيبها !!!! بترومين من زمان جايبها

نسخ LE400 هي ثلاث الان بالسوق السعودي

1- استاندر LE جنط 18 محرك 8 سلندر سعره 238 الف
2- نسخة تيتانيوم وهي فل كامل بدون اضافات 253 الف
3- نسخة بلاتينيوم سيتي 300 الى 280 الف

الخصم اللي تقوله اخوي في حالة انك اخذته اجار منتهي بالتمليك او اقساد فقط 18 الف ريال


مواصفات التيتانيوم

‎1-عدم وجود اكسسوارات زينه على الابواب والمرايات
‎2- عدم وجود سله علوية
‎3- عدم وجود تخشيب على الدركسيون
‎4- عدم وجود تكحيل للجنوط
‎5- فيها تبريد وتسخين المقاعد
‎6- صادمها الامامي والخلفي مثل البلاتينيوم سيتي
‎7- فيها شاشتين خلفية ديفيدي
‎8- المقاعد تجي اسود جملي بيج
‎9- فتحة سقف
‎10- شاشة جرايط جي بي اس
‎11- كاميرة خلفية

سعره مقارنة بالبلاتينيوم 6 سلندر مناسب جدا اللي مايبي تقنيات

لا تنسى سعر البلاتينيوم 6 سلندر بالوكالة 234 الف ريال
والتيتانيوم 253 الف ريال الفرق 19 الف ريال بس

والمعارض ارخص بس مستحيل اشتري معارض حتى لو خليجي

لاني اعرف اغلب المعارض ياخذونها خربانات ولا متعطلة السيارات وتجي فوق راسك ولا تقدر ترجعها ويقول لك راجع الوكيل وبعدها تتهاوش انت و الوكيل

لكن اذا اخذتها وكالة اقدر ارجعها غصب عن الوكيل واقدر اسحب فلوسي ولا يبدل لي السيارة لو صار فيها مشكلة

وتوبه اشتري من معارض لان صار لي موقفين معهم لي و لولد عمي بالسيارات

اخذ وكالة لو فرق 10 الاف و اريح راسي ولا اوفر 10 الالاف تجي سيارة بها مشاكل واعطال

مشكور على الخبر

خطوه موفقه من نيسان بحيث توفر بطل الدروب 400 v8 بمواصفات جيده اقل من البلاتينيوم وافضل من الـ se و بسعر في متناول اليد .

بالنسبه للسعر اعتقد سينخفض كثيراً خاصه اذا توفرت السياره في المعارض مثل ما حصل مع الفئات الأخرى .

هذي سياسه تسويقيه لسد الفجوه بعد ماالغي الموديل السابق بمحرك 320حصان شكرا لك على الموضوع