استشارة في سيارة . كورولا 2017 ام سنترا 2017

ربي يسعدك ويوفقك وجزاك الله كل خير

انا في خدمة الجميع باللي اقدر عليه سواء نيسان او غيره

للامــــــــانة . ( الاخ الغالي السكوت ارحم ) كنت قد راسلته مستفسرا عن النيسان والسنترا تحديدا بصفته خبير بالنيسان عموما . وله تجارب عديدة.
ولم يقصر معي اطلاقاً بل ساندني وعرفني وزودني بمعلومات جديدة وعديدة.
___________________________________________________________
[COLOR="#0000FF"]والاخ السكوت ارحم بدون مجاملة من خيرة الرجال بالمنتدى وارقاهم اسلوباً وفكراً وموثوقية. ومتجاوب وأمين في كلمته.
______________________________________________.

والله الموفق[/COLOR]

فيه نقطة أيضا تحسب على محرك 1.6 حق السنترا وهو الحاجة لفك الثلاجة لتغيير البواجي لاحظ الفيديو في الدقيقة 7:46

https://youtu.be/IWcWQN-KSqw?t=466

.فيه تعديل بالاستهلاك في موديلات 2017 خاصة تويوتا كورلا و يارس حتى ان اليارس وصل الى ٢٠.٣ لكل لتر لمحرك ١٥٠٠ ما ادري هل فيه تعديل بالمحركات او القيور

حياك يالغالي قبل لا تسأل عن الذمة وانك بقروب سنترا

حتى انا كنت بقروب اسمه التيما وقروب بطل الدروب الباترول جلسين ينصحون بعض بقطع فحمات هندة للباترول ماتطلع تصفير مثل الوكالة وجلست اضحك


الشى الاهم بالموضوع تفضل نسخة من ون استوب انا وديتها علشان اعرف اسعارها لا يضحكون على اخوي الصغير زيت المكينة كل 10 الالاف

‏


والمفروض اني ما برضوا اتجنب كلامك لك تفضل كلامي مع صاحب الموضوع على الخاص عن السيارة

‏

‏

‏

وكلامي واضح بالرابط

‏https://m.assayyarat.com/forums/thread303014-2.html

اللي مايعرف واللي مايدل واللي مضيع بنيسان يدخل ياخذ اسامي المحلات و لو سألتني وديتك اماكن للموزعين

هذه ثلاث قطع اللي ذكرتها ( المقصات - العكوس - المساعدات ) اللي غالية بسيارات نيسان فقط بجميع سياراتهم

الفحمات حق السنترا 130 ريال اصلية انت كم اخذتها ؟


وزيت CVT شغل يد ب 50 ريال وانا اشتري الزيت من الموزعين 160 ريال ما اشتريه من ون استوب او العيسى

اذا حصلت الفاتورة ارسلتها لك

مافيها شى تستشير و تسأل بدال قروب الواتس و تدخل بشغل الذمة وارسل الرابط تبع قطع الغيار لقروب الواتس واكسب بهم اجر اذا هم برضوا مايعرفون لان جالس خدمة انسانية اسويها اللي مايعرف محلات بعد ما الحمراني دمر نيسان

( جميع سيارات نيسان جربتها واشتريت اكثر من ثلاث الى خمس سيارات من عندهم اولهم التيما و اوسطهم باترول وختمتها بسنترا )

تحياتي لك ،،،

.
مادري انت تبي تقنعني ولا تقنع نفسك تقول المقصات والمساعدات والعكوس غاليه وش بقى رخيص فحمات مثلا!!
القير قيمته 25000 ريال بوكي بجيبي اكبر منه مفاتيح المكيف فرار ب 700 بعد الخصم وكل ما اسئل عن شي غالي وبشكل مخيف وغير موجود لازم طلبيه انا بقروب سنترا والاخوه دلوني على ون ستوب وكلهم يغيرون الزيت عنده ب 200 ريال ونت مصر على كلامك ب 50 ريال
مازلت اقول سياره بتخليني افرفر على الموزعين عشان اجمع قطعها وش الله حادني وفيه البديل وبنفس السعر ونفس الجوده او قريب منها
الزبده الاخ صاحب الموضوع طلب المشوره ومن شاورك دخل بذمتك لا تحاول تخفي هالحقائق عن طالب المشوره وخله على بينه ماراح تلاقي قطع غيار الا طلبيه واغلب القطع اغلى من المنافسين وكلامي عن السنترا معرف شي عن الالتما او المكسيما او حتى باثفندر

غيرت مساعدات الباثفندر الشكل القديم طقم كامل اصلي درجة اولى ب1250 ريال 4 مساعدات من بن عفيف
فلتر مكيف قطعتين ب55 اصلي ريال على ما اذكر
النيسان والجنرال موتر لاتاخذ من وكالاتهم نهائيا فرق شاسع في القطع

تشك بمصداقيتها !!! عفوا اكذب عليك باي صفة مثلا اي نعم لعبوا عليك ون استوب


انا مغير التيما 6 جير CVT وهي دبل محركات السنترا اللي معك اغيره ب 50 ريال شغل يد في ون استوب

الزيت اشتريه من الموزعين ياعتق او المهيلب ب 160 ريال 4 لتر

قبل لا تشك بالمصداقة رح وتأكد من عندهم بالإضافة على كلامك انا تكلمت بشي هذا

قلت كل قطع نيسان رخيصة معدى ثلاث قطع


1- مقصات
2- عكوس
3- مساعدات


ابحث عنها كاتبها بالمنتدى الكلام هذا واقراب مثلا تفضل قبل لا تتهم احد اقر وش كتب !!!!


https://www.assayyarat.com/forums/t303002.html

كتب سعر الفحمات عند الوكيل 400 ريال وسعرها عند الموزعين 130 ريال استشير واسال قبل لا تكذب الناس


تحياتي لك

ماودي ادخل معك بمهاترات لكن بوضح لك بعض النقاط
- الموزعين ماعندهم قطع غيار لسنترا واذا بمر على جميع الموزعين عشان ادور قطعه وعلى الله القاها هذا يعتبر عيب بالسياره كفيل بتركها الا للعاشق الولهان الله يعينه
-بخصوص ضحكو على مريت اكثر من فرع وسعر تغيير زيت القير عند ون استوب 200 وعند الوكيل 460 والورش الخارجيه مايعرفون لها ولا اثق احد عنده درايه بهالقير وزيته
-من ناحية فلتر قير واسعار القطع وضعتها لتوضيح ولا يعني باني غيرتها ولو حبيت اغيرها اصلا غير متوفر لا عند وكيل ولا موزعين ( الله يعين الي ياخذ سنترا )
-عندي سيارات اخرى اسوي صيانتها بالوكاله والقطع دائما متوفره واسعار القطع والصيانه معقوله جدا
-بخصوص الاسعار الي وضعتها 50 ريال لتغيير الزيت اشك في مصداقيتها لاني توني مغير الزيت وسألت عن الاسعار او يمكن اختلاف الفئات تختلف الاسعار
بالاخير بالله مساعدين اماميه لسنترا ب 2000 ريال ليه وعشان ايش السنترا غلطه وقاعد ادفع ثمنها ... تحياتي

كتبت هنا كل مايتعلق بقطع نيسان

https://www.assayyarat.com/forums/thread303014-2.html


زيت CVT الجالون 4 لتر ب 160 ريال الجيل الثالث من CVT يد عاملة 50 ريان عند ون استوب

اكيد ضحكوا عليك ون استوب

مستحيل اشتري زيت الجير من الوكيل او ون استوب اشتري زيت الجير من الموزعين ومن قال تغير فلتر الجير !!! سيارتك مافيها كلتش ليه تغيره و هو مايتغير الا كل تغيرتين لزيت الجير


مرة ثانية تغير الزيت عن ون استوب وانت تشتري الزيت من عند الموزعين ولا تغير فلتر ةلا شى


يوم غيرت زيت المكينة للسنترا قالوا غير فلتر المكينة تعبان الفلتر قلت كم الفلتر قال 90 قلت غالي انا اشتري الفلتر من الموزع ب 60 ريال نظف الفلتر وانا بشتريه من برا

انا اشوف الكورلا افضل وتخدم لكن سعرها عالي

عندي سنترا السياره افضل من الكورلا بكثير من ناحية العزل والثبات والراحه ومتعة القياده والسعه الداخليه ولكن انصحك بالكورلا بسبب الوكيل
السنترا اسعار قطعها مبالغ فيها ولا تحصلها الا عند الوكيل والكثير منها طلبيه ولا يوجد بديل في السوق امثله لاسعار القطع شريتها بنفسي
مساعد امامي واحد فقط 970 ريال بعد الخصم
فلتر مكيف 106 بعد الخصم
مساعد خلفي عدد 2 ب 650 ريال
زيت قير جالو 274 بعد الخصم + 450 اجرة يد عند الوكيل العيسى (200) ريال عند ون ستوب + وجه كارتير 115 + فلتر قير 270 =1109 عشان تغير زيت قير وفلتر فقط

قبل ما تشتري سيارة اشتري وكيل من حيث خدمة مابعد البيع و قطع الغيار

كيف وكيل نيسان بمنطقتكم

و عبد اللطيف جميل غني عن التعريف كوكيل ممتاز جداً

وإذا كان وكيل نيسان عندكم ممتاز خذ السنترا

قبل كل شي شوف الوكيل الممتاز

ألنترا فل كامل ب 64 ألف
[video]https://www.youtube.com/watch?v=z8WQxYsNx04&t=10s[/video]

انا خليت اخوي الصغير يسجل معهم :27:

ياحبيبي اي شركة حاليا لازم تسعود !!! وهم عندهم سياراتهم الخاصة ( كامري - سنترا -كورولا - النترا ) تكون لوحها صفر تابعة للنقل

بخصوص المقاعد جلد ومن هذا الكلام هذا اللي يطلبها كريم بشكل تعجيزي علشان مايشغل سعوديين !!!

وصحيح السعوديين داخلين فيها بس اغلب العملاء يكنسلونهم بسبب انه سعودي ولا تقبلوا الفكرة يركبون مع الاجانب ماودي اعلق عليها


كريم اوبر عندهم سياراتهم الخاصة لكن فتحوا المجال للغير علشان دخل اضافي لهم اكثر من دخل الفرد ويمل ويتركهم

شاكر لك

اشكر الجميع على الاراء الصادقة والصائبة.
بخصوص الاخوة الي اقترحوا سيفيك ... بصراحة كانت الخيار الاول وكنت معزم عليها لتجربتي معها سابقا . سيارة ممتازة بكل معنى الكلمة . جودة ثبات . اعتمادية. مكيف.
لاكن شكل 2017 غير رأي 100% . شكل فضائي وسبور مبالغ فيه. ولاتنفع لوضعي وجربتها ولم تعجني نهائياً...

اشكر الجميع وتحياتي لكم

هلا اخوي السكوت ارحم اوبراوكريم هذي سيارات خاصه وماتشتغل بشكل يومي طوال 24ساعه مثل سيارات الليموزين لأنها سيارات خاصه وليست من السيارات اللي مصرحه انها تشتغل ليموزين اجره في الشوارع والمطار فهذي لها مواصفات واوبرا وكريم مواصفاتهم ان سياره تكون موديلها لاتقل عن 2015 وتكون المقاعد ملبسه جلد واي حجم ماعندهم مشكله لانها سيارات خاصه للمواطنين يشتغلون عليها خارج العمل لزيادة الدخل هذا للتوضيح

اذا يهمك الشكل واعتمادية

انصحك بالكورلا 2017 الفيس لفت اللي نزل عليها جدا رائع والسيارة عملية وخدومة بس سعر 65 الف ريال على استادر وكورلا اعتبره غالي



السنترا الى الان 2017 مانزلت وانا شفت معارض السوق التايلندي تنزل عندهم باسم سيلفي تنزل بنفس شكل 2016 لكن نزلت عندهم توربو 1.6 لتر بقوة 190 حصان


السنترا جميلة وقبل 3 شهور ونص شريت لاخوي وحدة فل كامل سعرها 69 الف بدون الاوراق والتامين

لكن نصيحتي خذ السنترا 1.8 لتر او كورولا 2.0 لتر دامك استخدام عائلي وتعتبر على المدى الطويل وتقدر تتحمل الحمولة والمسافات الطويلة جميع السياراتين يحملون ناقل الحركة CVT

موفق واستخير