فكيت الكنداسه ولا فيه فايده والهواء من القزوز يطلع مافيه انسداد
رحت لمكانيكي شايب وعلمته بكل القطع الي غيرتها
قال ممكن سير المكينه الي يجي مغلف بحديد اسود
وبرضو سألت كهربائي قلت له لوفيه التماس بالضفيره تولع لمبة المكينه قال ايه يحترق الفيوز وتولع اللمبه
وفيه كهربائي قال لا ممكن ماتولع لو فيه التماس بسيط
شرايكم اغير ضفيره اجرب ؟؟؟
صراحه احترت طبعآ الشايب المكانيكي ذكر لي قصة عجيبه
يقول واحد جاب سياره موديل قديم بس نظيف ماتشتغل كل شي غيره بواجي واسلاك سلف بطاريه رديتر الخ
اخر شي يقول جاب معه واحد سعودي وفك غطاء الرديتر وقاله اتفل في الرديتر ... تكرمون
ووافق بعد اصرار ويوم طلع الحسود من الورشه قال صاحب السياره للعامل شغل سبحان الله من اول دقه اشتغلت
انا موتري ماقول انه نظيف بس بعد تجديد البويه والاصطبات الاماميه الجدد ولمبات لوحة ابيض طلع ماشاء الله
بس مدري وش العله معقوله عين ؟
