السلام عليكم ...
بعدما قررت أركب جنوط بلاتينيوم على الباترول ، اخذت اسبوع حتى انتهي منها، المهم شفت صادفت الكثير من المواقف والتلاعب وحبيت أنصحكم:
بخصوص جنوط البلاتينيوم:
- لاااااايوجد في السوق كله شي اسمه جنط وكاله إلا التشليح.
- الجنوط المتوفره كلها تجاري صنع في الصين
- جودة الجنط تختلف من مصنع لآخر؛ بتحصل في السوق فرق السعر.
- الصيني نوعين: درجة أولى: الجنط يكون ثقيل مررررره، والحواف عريضة؛ والعوارض تكون متينه وملحمة أو مصبوبة بشكل كامل (ليست ملحّمة تلحيمة واحدة لكل ضلع ؛لابد يكون الضلع ملحّم بشكل كامل في الجنط، ودقق مكان مايركب الكفر (بالنص بين الحواف) يكون الجنط خشن وليس أملس، الأملس نوعيته رديئة جداً. والأفضل أنك
لابد ان تحمل الجنوط (درجة1/2) بيدك وقتها راح تعرف الفرق (طبعا الأثقل أفضل).
المهم بعد البحث والتحري وجدت مطلوبي بمحل في الغرابي اتكلت على الله و اشتريتها، اخذتهن ب2000 ريال.
ويوم جيت بركب كفرات إلا السالفه حوسة ماتعرف ايش اللي حاصل! تلاقي لكل ماركة إطارات سيارات 3 مصنعين!!! نوع تقليد صيني، ونوع خليجي يمشي الحال، ونوع وكالة وهو الأفضل.
المهم....
الأسعار كالتالي: طبعاً مقاس )275/60/20(
1- برجيستون: كفر ممتاز من ناحية المتانة ويتحمل الطرق الوعرة ويتحمل الخطوط والجو الحار، عيبه أنه قاسي جداً، سعره عند الوكيل الكفر ب885 ريال؛ وفي أحد المحلات برى ب1050 ريال..
2- بيرللي: كفر جداً ممتاز، ويتحمل السرعات العالية، لكن المشكلة ماحصلت مثل المقاس المطلوب عندهم. المتوفر (275/50/20) فتركته لأن مقاس الكفر - الارتفاع- صغير وأي ضربة ممكن تؤثر على الجنط.
3- هانكوك: كفر عملي ولين وهادئ ويتحمل الظروف الصعبه حصلته ب710-750 ريال
سلبياته انه بعد مده يحپل الكفر.
4- دانلوب : كفر لا يعلى عليه من جميع النواحي واستخدامه بشتى الظروف لكن مشكلته الوحيدة أنه قاسي. قيمته:710 ريال في السوق.
5- يوكوهاما، ميشلان ماحصلتهن في السوق برى.
6- نيكسن/تويو: الكثير ممن استخدموا هذه الكفرات يثنون عليها، وهناك من ذمها؛ وبعد قراءة دقيقة اكتشفت أن اللذين يذمون ركبوها من محطات او محل كفرات، واللذين ركبوا من عند الوكيل يمدحون. اعتقد ان المحلات ركبوا لهم كفرات مقلدة والله أعلم..
طبعا سعره رخيص (520-580 ريال) ...
وسلامتكم..
