مشورة شراء : ما الفائدة إذا نزل اليوكن 2018 بـقير 8 تعشيقات

السلام عليكم
الاخوان ماقصرو وبالفعل الفرق الواضح راح يكون في صرفية البنزين وغالباً في الطرق مثل ماذكر الاخ ابو اسد

كثرة النمر عن تجربة تسبب كثرة التبديلات داخل المدينة وتحس القير شغال تبديل على اقل حركة وكذلك تلاحظ تأخير عند طلب نمرة اقل فجأه ، يعني ماشي في طريقك وحبيت تدعس فجأة لتجاوز سيارة او غيرة بتحس في تاخير لان القير مايدري اي نمرة مناسبة يختار ( يعتمد على البرمجة وقوة الكمبيوتر ) وبعض القيور يتكي ويشرب فنجال شاهي حتى يقرر اي نمرة يبد لها
نلاحظ السيارات الرياضية والسوبر كار لاتستخدم هذا العدد الكبير من النمر رغم سرعتها الكبيرة
ذكرت تبديل اليوكن للجير في 2007 واغلب ملاك هذا الموديل حسب علمي عانو من مشاكل القير لانه اول مرة يستخدم من قبل الشركة ولا استغرب تكرر الامر حال تركيب ال8 نمر

هذا بلاء أبوك يا عقاب
أخاف ينزل بـ 8 تعشيقات ثم تنضرب الموديلات اللي قبله
زي موديل 2007 أبو 4 تعشيقات ..مو مرغوب ولا كرت
بس ما فيه مجال للمقارنة ..موتر بـ 4 تعشيقات وبعام 2007..!!!

جزمت على 2017 .. وسأشتريه خلال مدة لا تتعدى الـ 3 أشهر..باذن الله.

لأنه حتى لو نزل بـ 8 تعشيقات ..كذا والا كذا ..
السعر بينضرب..

أشكر لك جهودك ومشاركتك يا الغالي.

أحاول ألقى فرق جوهري غير توفير الصرفية ..
بس ما لقيت ..

تسلم يا الغالي على مشاركتك ..

^^
سبقتني ,,,

على كلام زميلنا @‏salehhd بان كثرة عدد السرعات لن ترى فرق واضح في أقتصاد الوقود وسط المدن بل الطرق السريعة

لكن حسب ما اعرف بتلاحظ فرق جيد بالتسارع والاداء بشكل عام

عموما شيء جديد بشكل عام من GM بالنسبة لي يخوف فهم ليسو أهل للثقة على جودتهم وصناعتهم وتقنياتهم الجديدة

اذا بتتكلم عن ردة فعل السوق فا لله يعينك ... سوقنا فيه بعض ردود الافعال المستغربة (اتكلم بالعموم ولا قير بسرعات اكثر اكيد احسن)
لكن اذا كلامك عن الفروقات الحقيقية بين 6 سرعات و8 .. فالموضوع مثل ما قلت لك بالتأكيد فيه فرق
لكن لا تنتظر شي خرافي لان الامر يعتمد في المقام الاول على فئة السيارة .. يعني كل فئة ولها حاجاتها ومتطلباتها
وعلى هذا الاساس يقوم مصممي القير بتصميم ووضع نسب القير
على سبيل المثال القير السادس في فئة الجمس غير القير السادس في فئة جيب حق بر
في الجمس محتاجين راحة اكثر للمكينة وهدوء اكبر وتوفير اكبر لذلك تكون النسبة مرتفعة وفي الجيب هالموضوع اقل اهمية .. المهم عندنا تكون اكثر قدرة على تجاوز المرتفعات مثلا
ولذلك تكون النسبة منخفضة اكثر من الجمس (للتوضيح في عالم النقل والتروس النسبة المرتفعة هي الاسرع والتي تنتج ضجيج اقل والعكس بالعكس)
.
بالمختصر كل فئة من السيارات ولها حدود من النسب يتحرك فيها مصممي القيور واذا تجاوزوها تجاوزوها بشكل معقول

كل مازادت التعشيقات
ارتاحت المكينه
وقل الصرف

هذا اللي اعرفه

تسلم على التوضيح .. يعني أهم الفروقات هي صرفية البنزين ..
على طاري المونتنير .. جازت لي هالسيارة بس تصميم الخلفية ..
هي اللي تخلين يأصرف النظر عنها ..

تسلم ومليون شكر لمشاركتك ...

أما 6 سلندر تيربو..
يخلونه لهم .. ما أحب هالمحركات ولا أميل لها..

أعطيتني سبب أشتري 2017 .. حتى لو ينزل 2018 بـ 10 تعشيقات :23:
لأني مو متقبل فكرة 6 سلندر ..

جزاك الله كل خير...استفدت من مشاركتك ..

.

فيه فروقات يعني تخيل انك ماشي على النمره الاولى وواحد ماشي على النمره الرابعه كيف صوت المكينه لان كل مازادت عدد التعشيقات ارتاحت المكينه حتى في السفر عندك الميتسوبيشي مونتيرو سبورت نازل ب8نمر وكمان الدودج درانجو.

تسلم على الرد السريع .. هذا اللي أبغي أوصل له ..
هل 8 تعشيقات بيكون له تأثير جوهري على السيارة أم لا ..
أذكر موديلات 2007 لما نزلت بـ 4 تعشيقات ثم نزلت 2008 بـ 6 تعشيقات وضربت سوقها
الحين 2007 غير مرغوب بسبب تعشيقات القير..
اذا نزل 8 تعشيقات ..هل له تأثير آخر غير توفير البنزين ؟؟
والا لازم يغيرون المكينة ؟

ودي أوصل للفروقات الملموسة بين 6 و 8 تعشيقات..

والسلام مسك الختام.