ملاك نيسان التيما فقط , ارجو الدخول احترنا

سواقتك هي الحكم
اذا سواقتك عادية او محافظ توكل على الله وهي الخيار الافضل
اذا انت من النوع اللي مايفرق معك طريق او مطب او حفرة ... نظام دعسة وحده .. فكر في شي ثاني

جوابي سأحدده في نقطتين.
_______________________
1- في الماضي عزمت على شراء فورد ماركيز ....وكثير حذروني ان الفورد يتهربد ويتفكك ولايعيش واصوات ووو. وصحيح شفت اكثر الفرود اصوات وطقطقه وهربده . ليس لسوء جودته ولكن لسوء الاستخدام.
ولكـــــــــــــــن ... عزمت وتحديت الواقع وشريته. واعطيته من العناية والاهتمام مايستحق المشئ بهدوء وملاحظة المطبات وتجنبها وتغيير القطع اصلية اول بأول . وعاش معي 10 سنوات ولاصوت واحد. داخل او خارج المركبة حتى بعته قبل فترة بغرض التجديد لااكثر.
__________________________________________________________.

2- زملائي بالبحرين 2 منهم عندهم جيلي ( الصينية ) 2012 م . ماشاء الله تبارك الله ولاصوت ولاهربدة ولا ولا اي شئ.. ليس بسبب جودة الجيلي ....
بل بسبب العناية والحرص.عند المشي.
3- زميل اخر بالسعودية بالخبر عنده ماكسيما 2006 م . ماشاء تبارك الله . جديدة من الداخل ولااصوات ولا اي تفكك.
_____________________________________________________
لذلك اقول لك اشتر السيارة الي تدخل مزجاك وتلبي احتياجك
واحرص عليها واهتم بها واعطها عناية مضاعفة تعمر وتـــعيش معك.
بإذن الله تعالى.
واعلم ان المشاكل جُلها لاتظهر من سوء الجودة ولكن لسوء الاستخدام.
_______________________________________________________
ولا تلتفت لكلام الناس. القيل والقال..
الا في حالة الحيرة بين سيارتين متشابهتين تريد اختيار احدهما.

والله الموفق

أنا عندي التيما ستة سلندر سيارة ممتازة وعزم جميل خاصة الجديد 2017 يقال انه تحسن من ناحية الثبات

لكن سيارتي موديل 2009 عيبها نازلة للأرض تحك المطبات في حالة ركبت أشخاص معاك خاصة اذا كانو من

الأوزان الثقيلة النزول ممكن تحسن في الموديل الجديد لا أعلم لذلك ازم تحاسب على المطبات

من ناحية الأصوات مافيه أي أصوات مزعجة أبدا ممكن أصوات بسيطة لاتلاحظ إلا اذا دققت

عندي خويي يمتلك ألتيما 2010 وكل موعد صيانة ينزل لجده ويعمل الصيانه فالوكالة والله العظيم السياره ماشيه معاه لليوم وما شاء الله تبارك الله كانها جديده عن نفسي أنصحك فيها وبقوه نيسان أنشهد أن سياراتها ممتازه جداً وعملية وزي ما تدفع تعطيك وزيادة تقدر تسوي تست درايف أو تستاجر سياره وتجربها يوم يومين حتى تقرر بنفسك وفقك الله والله يكتب لك اللي فيه الخير

ريح راسك وابعد عن نيسان نصيحة مجرب .. المازدا والهوندا سيارات جبارة .. الامبالا والماليبو اسعار قطعها فلكية وعلى ايش ما ادري .. نصيحتي لك هوندا اكورد او مازدا او كامري او سوناتا غيرها لا .

نفس مشكلتي خاصة اني لقيت جديدة بالمعارض 6 سلندر نص فل بـ85 ومواصفاتها خورافية
عكس الوكالة الي ماتبيع 6 سلندر الا فل

الأصوات فيك فيك بما أنك تستعمل سياره عاديه وليست فاخره طبيعي الأصوات راح تجي مع الزمن

عن نفسي أرشح لك الأليتما وبقوووه بعد , 6 سلندر فل كامل بـ 102 وكاله والمعارض أرخص بـ 3-5 الاف ريال ومواصفات خرافيه

وحتى وهي 6 سلندر أستهلاك الوقود فيها جيد وهالشيء أعجبني جدا لأن أغلب منافسيها وأولهم الأوريون بالأستهلاك سيء جدا

العضو " السكوت أرحم " بيعطيك المختصر وله تجربه طويله مع الألتيما بأكثر من سياره أنتظر تعليقه


بالتووووفيق

كمالك لمكسيما سابقا واخواني عندهم التيمات اصوات البودي تسمعها اذا فيه مشكلة في مسامير التوازن او جلود المقصات او كراسي المكينة
وماتستهلك على طول وهي رخيصه ارخص من غالب الشركات في السوق (بشرط تشتري من الموزعين وليس الوكالة )
اما لو يكون كل شي سليم ماتسمع ولا صوت

كيف
اعرف اماكن التشحيم؟

الالتيما وكذلك المكس تتميز عن غيرها بوجود نقاط للتشحيم اسفل السيارة .. لذلك الالتيمات التي تسمع هذه الاصوات منها بسبب اهمال او عدم معرفة بوجودها

يا غالي داومت لفترة بجنرال موتورز و بأودي لفترة ، هذه أمور تنعمل دوريا للسيارة من جهة الهيئة الأمامية و الخلفية ، نظام التعليق و التوجيه بشكل عام - جميع الصناع يوصون بهذا الاجراء عند كل صيانة دورية - ، بوكالة GM مثلا كل 10000 كم لازم تفقد كامل لهذه الأنظمة و تشحيمها لمنع أي أصوات مستقبلا ..

نعم فيه سيارات أسلوب تصميم الأنظمة فيها ممتاز لذلك ما بتتأثر لو تخطيت هذا البند ، لكن فيه سيارات طبيعة تصميمها بيخلي بعض الأصوات تطلع من التعليق أو أي عنصر مرتخي بالأمام أو تحت السيارة إذا ما أجريت الصيانة الدورية

بالنسبة لأصوات الداخلية و الديكورات هذه لا تشيك دوريا لأنها المفروض ما تطلع ، و إذا طلعت تتصلح حسب شكوى العميل ، يغير الجزء المسبب للأصوات أو يتم تربيط الأجزاء الداخلية في حال ارتخاء شيء و كل أمورك ترجع سليمة

كل شيء له حل ، لكن مشكلة الأصوات أنه صعب جدا تحدد مكانها ، و إذا كان صوت يطلع أحيانا هذه بعد كارثة أكبر لأنه صعب أحدد مكان عطل دون ظهوره بالنسبة للأعطال الميكانيكية .

تربيط
تشحيم
أعتقد الكلام هذا ماله أساس من الصحة,
الأصوات تطلع من القطع الإستهلاكية إذا انتهت مثل المقصات ومسامير التوازن
وبعض الكراسي؟
أيضاً الأصوات الداخلية الي تعتمد على جودة الصناعة وهذي مالها
علاج إذا بدت تظهر,
أقول لصاحب الموضوع معي أكورد 014 ماشية 142 ألف وأكلت فيها حفر ومطبات ورصيف وما غيرت شي والحين ما فيها أي أصوات بحمد الله,
اشتريتها بـ110 فل 4 سلندر وأعتبر سعرها "عادل"
لكن الحين صعبة أدفع سعرها الحالي,
لو كنت مكانك كان ما طلعت من خيارين:
ألتيما 6 سلندر أو مازدا6 ولو تنتظر لين يتغير شكل المازدا لأنه قرب
يتغير بتكون رابح.

يا غالي كل سيارة تحافظ على صيانتها الدورية صعب يطلع فيها مثل هذه الأصوات

الهيئة الأمامية بشكل عام تخرب بسرعة بفضل شوارعنا العظيمة ، و اللا بالخارج دايم تعيش معهم طول عمر السيارة

بالنسبة للصيانة الدورية تتضمن كل فترة عمل شدشدة للبراغي و تشحيم للسيارة من الأسفل - و هذا يطبق عند جميع الوكالات -

لذلك للتأكد انها ليست مشاكل مصنعية اسأل أصحاب الألتيما اللي عندهم هذه الأصوات عن محافظتهم على الصيانة ، و أتحدث عن صيانات 10000 كيلو ، 20000 كيلو ... إلخ و ليس اللي بيغير زيت و فلتر و بيمشي فقط !!

إذا ما بتعمل هذه الأمور بالوكالة حاول شوف ورشة متخصصة كل 20 ألف يسوي لك التشحيم و شدشدة البراغي و التفقد العام للسيارة .. أعتقد إذا سويت هذا الشي ما راح تعاني من أي أصوات ،،، لكن كما قلت تأكد من ملاكها أضمنلك فأنا بالنهاية لم أجرب السيارة .

بالتوفيق لك ..

رائعة
لكن مكينتها ماتناسبني