احد الاصدقاء يرغب بشراء سياره ومحتار مابين المازيراتي كواتروبورتي و البي ام الفئه السابعه وقلت اخاويه ومنها افيدكم وزيارتنا كانت محدده للانواع المرغوبه عشان مانتشتت
اولا زرنا معرض الناغي بي ام دبليو
الفئه السابعه
730 مكينه 4 سلندر !! توين تيربو 258 حصان وهي فئتين
الفئه الاولى ستاندر ب 359 الف ريال فيها شاشات خلفيه
الفئه الثانيه الفل ب 367 الف ريال فيها شاشات خلفيه وتحكم خلفي و4 كاميرات وابواب شفط
و 740 مكينه 6 سلندر 326 حصان وهي فئتين
الفئه الاولى ب400 الف ريال شاشات خلفيه تبريد وتسخين امامي
الفئه الثانيه تجي كت ام بور ب 421 الف ريال فيها تحكم خلفي وشاشات خلفيه وشفط وبروجكتر ومساج وتبريد وتسخين لجميع المراتب
فئه الام بور مواصفاتها حلوه يعيبها شكلها بزعمي كت الام بور جدا قبيح ولا يتناسب مع حجم السياره بالذات الجنوط من وجه نظري انها لاتناسب السياره
وبخصوص الاسعار يقولي انها بعد الخصم لان سعر فئه الام بور كانت ب500 الف ريال
وكذلك بخصوص التمويل عندهم عرض 50% دفعه اولى وبعد سنتين 50% جدا جميله
اترككم مع الصور
بعدها توجهنا لمعرض مازيراتي فيراري شركه تقنيه السيارات السريعه
شفنا الكواتروبورتي تجي 3 انواع
الاول 6 سلندر 330 حصان سعرها ب427 الف ريال
الثاني الفئه S تجي 6 سلندر 410 حصان سعرها 523 الف ريال
الثالث الفئه GTS تجي 8 سلندر 530 حصان سعرها ب 624 الف ريال
ضمانها 3 سنوات او 100 الف كيلوا متر وصيانه مجانيه او 60 الف
السياره جدا جميله ممكن يعيبها مواصفاتها او الاكسسوارات ضعيفه مثل كاميرات او تبريد مراتب او شفط ولا نقاط عميا وغيره
لكن شخصيا معجيب فيها جدا تعطيك نفس رياضي رائعه وجميل وصوتها طرب
كذلك يوجد تمويل عبر البنك الاهلي والعربي نفس الناغي 50% مقدم والباقي بعد سنتين
اترككم مع الصور
شفت عند الباب المازيراتي ليفانتي 2017 السياره مقدمتها جدا رائعه وهجوميه والجنب كذلك يعيب السياره وانصدمت منه الحجم جدا صغيره واتوقع انها لفئه البورش مكان وليس كاين والبي ام اكس 4
تجي على فئتين كلها 6 سلندر
الاولى تولد 350 حصان
والثانيه تولد 430 حصان
يقولي حاليا تم بيع 18 سياره ولم تسلم ويتم التسليم بعد اسبوع بسبب اجراءات البطاقات الجمركيه
وشكرا لكم
