سيارات مظلومة

ارجع لمنتدى حراج الي جيت منه , اجل تويوتا فيها مواصفات سلامة وامان ؟

نيسان ظلمت Sunny كثير بإصدارها لسنترا، كان الأجدر تصدر Sunny بشكل و حجم سنترا.

عندك البيجو والفولفو والستروين والسوبارو سياارت مظلومة جداا

بنسبة للانسر اتفق اما جينيسيس كوبيه لها انتشار جيد مقارنة مع المنافسين GT86 و Z بل فرق شاسع بينها وبين المنافسين بالمبيعات اما دودج رام فهو مضلوم 100%

^^

:xyxthumbs:

أيضا عندكم الهيونداي جينسيس كوبيه
والدودج رام بجميع انواعه واحجامه :c0214:
والميتسوبيشي لانسر ايفوليوشن

الرجاء الالتزام بالموضوع وعدم الخروج عن المسار والا تعرفون المصير:smilie16:

خلاص اخذ سيارة كلها امان
واتهور واذا احد كلمني عن تهوري اقوله وسائل امان موجوده
ياخي الطفيلي على إسمي كل اختبارات الاصطدام تكون على سرعات 60 و80
وانت تبغى تمشي 200 واذا صدمت تحسب انك بمأمن ؟ هههههههههه
تعرف وين الأمان ؟
الامان بسواقتك وركادتك
ماهو الثقه بآلة تحسب انها الحامي والمنقذ !!
عموما تويوتا فيها وسائل سلامة وامان
لكن يبدو انك من المراهقين الذي كبر فيه التمرد على عادات الجيل الذي يسبقه ..
المشكله اسمك مسلوقة يعني مطبوخ ومخلص
لو اكلمك من هنا لبكرا ماراح اقنعك ههههههه

المشكلة يا ليت السيارة الصينيه تجيب تقاييم امان ايرباقين و abs بس امان وامتصاص صدمه وهيكل يحمي افضل من فل ايرباقات وتكون كرتون ماخذه الاسوء في اختبارات التصادم المواصفات والمقاييس نسخ لصق من المتطلبات للسيارات في امريكا اتمنى انهم بعد يطبقون هنا حق اختبار الحوادث بتجيب ايرباقين اوكيه حتى امريكا طلبوا فقط الحد الادنى ايرباقين لكن ان السيارة ما اجتازت الاختبار وتناثروا الركاب ما تنباع سيارتك لو يكون بعد كذا يكملون الزين

اهم شيء السفتي على الاقل ايرباقين و abs والثبات الالكتروني ثمن الاعتمادية غيره صح لا تدور لانك تدفع على اشياء ما تستاهل وما تكلف في التصنيع

يقالك مسوي فاهم يوم تقول هالكلام يله اجل الله لايهينك رح خذلك جيلي جي تي ام 78الف
ايرباقات ونقاط عمياء ورادار وقلي كم سنة تعيش معك السوناتا والكامري مشلحات من الامان تشليح
بس عادي تشوف موديل 2007 يمشي بالشوارع وحنا ب 2016 يعني 9 سنوات ,, قلي الحين

امان ام اعتمادية ايهم تبي ؟

الاندكروزر بحفرالباطن كانه كورولا ياشيخ بليوم اشوف 16 سيارة لند وكلها من 2013 وقدام !!!!!

ظرب من الجنون اني اشتري سيارةلانها تمشيني عشره سنين بدون ورش وبدون وسائل امان

بينما بعض السيارات يمشيك سبع سنين ووسائل سلامه ممتازه وربما يمشيك اكثر اذا اهتميت اكثر

وانت ماتدري ممكن الله كاتب للشخص حادث من خروجه من الوكاله، وقتها خلي الاعتماديه تفيدك ياحلو.

(السنين اللي فوق هي عباره عن امثله للتوضيح)

المشكله انه اسمك الكايد الطيب، يعني مره كايد ومره طيب ولا كيف؟

والله محد مظلوم غير تويوتا
تخدمكم بشوارعكم واجوائكم
وتجملكم وماتعرفون الورش
وتذمونها عشان ماتحط لكم نقطة عمياء هههههههههههه ؟؟

الموتر يفرض نفسه

هوندا انتشرت لفترة بالرغم من ضعف وكيلها

بعض سيارات الشفر فشلت بالرغم من قوة وكلائها

86 مانتشرت لان زبائن السيارات الرياضية يبحثون عن سيارات للسرعة و تنافس كمارو و موستنج

الغريب انا عكسك مليت من كثر الالماني ما اشوفه vw اشوفها اودي مرسيدس بيجو رينو

حتى السويدي قليل اللنتشار جدا شفته فولفو

ساب الي موقفه الان وسياراتها انتشارها قليل شفتها مليت من كثر ما اشوفهم ما اظن مظلومين ماخذين حقهم وزيادة

بشكل عام السيارات الالمانية والاوروبية

والسبب هم الوكلاء والعقول الرااااااااائعه إلي تديرها العاطفة للأسف

يسلمووووو يا بطل

86 و brz
سوبارو بكل انواعها مع العلم اني اشوفها منتشرة في مدينتي شوي لها انتشار

حتى فولفو وساب شفتها هههه

وايضا لكزس سيدان لا تستغرب قليلة شوي انتشارها اعلى من السوبارو بشوي

مليت من كثر s class منتشر

مرسيدس واودي مثل الذباب

بس هذا على ما اظن الباقي منتشر

لاند كروزر منتشر لكن ماهو ذاك الواو

مليت من الجموس معبيه المكان :bigggrin:
تختلف من منطقه لمنطقه

السبب الرئيسي الوكلاء السيئين

لو كل الوكلاء ممتازين مثل امريكا كان الزين بنتشر والرديء ما نشوفه

ويحكم اختيار السيارة هندستها و الاعتمادية مثل امريكا

بيطلع شيء nice 😇 :xyxwave: