عزل مكيف السياره

[مسلوقه]

السلام عليكم ورحمة الله وبركاته
حياكم الله اخواني واحبتي في الله (نظرا لقدوم شهر رمضان المبارك وارتفاع درجة الحراره مع عدم قدرة تكييف السياره على التبريد نزلتلكم موضوعٍ يحبه قلبكم)

اول شيء يبالكم مقص او سكين او شيء حاد لو ضروس
ثاني شيء ياحبايبيني تروح اقرب محل (قطع غيار تكييف) وتشترون الاتي :
1- عازل ماصوره مكيف مركزي اكبر مقاس زي اللي في الصوره

2- يبالكم مشدات بلاستيكيه من اقرب محل سباكه زي هذي ولها نوعين (طويله وقصيره)
اذا عندك كراج وسيارتك بارده تحتاج مثل هذي

واذا انت مثل اغلب الناس (ماعندهم موقف سيارات خاص فيهم وتكون سيارتك حاميه فتحتاج مثل هذي


ونبدأ نقول بسم الله ونفك الكبوت ويكون معانا الاله الحاده اللي كتبتها بأول الموضوع
ونبدأ نقص العازل من النص عشان نقدر نركبه على الماصوره

ونبدأ نعزل بداية من الماصوره الخارجه من الكمبروسر

ونكمل الين نوصل لنهاية الماصوره



وان شاء الله راح يزيد كفائة التبريد 60 بالمئه
وفي حراره تزيد عن 44 واذا كنت مضلل تزيد عن 47
وختاما (اسف على السحبه) عشان الاختبارات النهائيه والحمدلله نجحنا وتخرجنا
وبكذا نكون ختمنا الموضوع اذا عندكم اسئله او شيء لا يردكم إلا الكيبورد
ملاحظة( شدك للعازل لايكون شديد مره ولا مرتخي مره)

[اوتشيها مادارا]

اللي سويته سليم مع سيارة قديمة مافيها العوازل هذه لكن السيارات الجديدة كلها فيها تقريبا


عموما غطي البارد ولا تغطي الحار

[سلطان2020]

نفس العازل ذا شريته المتر مدري متر ونصف ب 5 ريال
وغطيت فيه ماصورة الفريون البارد والتبريد نفس الشيء مازاد وفي الأخير شلته

[MAGNUM_62]

وعليكم السلام

الموضوع جاء في وقته


وأهنيك على الفكرة,عملية وسهلة ولاتكلف شيء


وأشكرك على مشاركة التجربة



نسخة للمواضيع المميزة & نسخة لقسم الورشة
بعد أخذ حقه من الردود

[مسلوقه]

اللي سويته سليم مع سيارة قديمة مافيها العوازل هذه لكن السيارات الجديدة كلها فيها تقريبا


عموما غطي البارد ولا تغطي الحار

حياك الله اخوي اوتشيها مادارا
بالعكس سيارتي اللي عزلتها اكثر من ثلاث ارباع الماصوره معزوله
لكن ابى اخبرك بشيء [قبل لا اعزل سيارتي ,عزلت سيارة اخوي والتكييف كان سيء جدا قبل العزل وصار ممتاز جدا بعد العزل ولله الحمد > وخذها من مجرب

[مسلوقه]

نفس العازل ذا شريته المتر مدري متر ونصف ب 5 ريال
وغطيت فيه ماصورة الفريون البارد والتبريد نفس الشيء مازاد وفي الأخير شلته

حياك الله حبيبي سلطان
نفس سيارة اخوي عزلتها وكان العازل تركيبه غلط وماشفت اي اثر على التكييف
كيف تركيبه غلط يعني ( يعني تخلي الماصوره القريبه من المكينه مفتوحه وتغطي الجهة الثانيه اللي مايجيها الحراره يعني العازل لازم يكون على جهة المكينه عشان يمنع حرارة المكينه ويصير تكييفك بارد ولازم تكون كامل الماصوره مغطاه يعني لو تعزل نص الماصوره مافي اي فايده

او ممكن عندك خلل بالكمبروسر

[مسلوقه]

وعليكم السلام

الموضوع جاء في وقته


وأهنيك على الفكرة,عملية وسهلة ولاتكلف شيء


وأشكرك على مشاركة التجربة



نسخة للمواضيع المميزة & نسخة لقسم الورشة
بعد أخذ حقه من الردود

اشكرك مراقبنا الغالي ماغنوم 62
ارجوا ان يفيد موضوعي اكبر قدر من الناس

[formula one]

وعليكم السلام ورحمة الله وبركاته
حياك الله اخوي العزيز , وكل عام وانتم بألف خير وشهر كريم مبارك عليكم
سلمت يمينك على هذا الموضوع وعلى هذه التجربة الرائعة والمفيدة , وارجوا ان يستفيد باقي الاخوة الكرام من هذه التجربة
جزاك الله عنا خير الجزاء , وتستحق تقييم 5 نجوم بجدارة
تحياتي