محتار بين لاندكروزر GXR3 و فورد اكسبلورر الفل أوبشن

لاندكروزر
واضيف خيار اخر الباترول

والله لا ذَا ولا ذَا اكسبلور شاسيه فيوجن دفع امامي
كروي اوفر وسعرها نار مبالغ فيه

والاند ملعوب فيه ومافيه أمان بس موتر رائع

والباترول ماجاز لي هههه

تبي حل عندك لكزس gx 460 AA برادو لكزس

مكينته مكينة جكسار v8 4.6

ومريح ويستحمل كرف ومطبات وحفر وايضاً طرق وعرة وايضاً ماهو ذاك الواو حجمه اصغر من اللاند واسع

فئة aa سعرها 220 طبعا أكيد معارض وكاسر أرخص تطلع ومواصفاته رائعة او الفئة الأعلى bbً بسعر 239 الف

بعطيك مواصفات aa
إيرباقات كاملة جلد طبيعي تخشيبه طبعا جودة عالية

أنظمة أمان كاملة

أنظمة (ABS+BA+EBD+VSC+ATRC+HAC+DAC)

كاميرا خلفية نفقيشن
9 سماعات مع خرابيط الباقية ههه
مثبت سرعة
ثلاجة
دخول ذكي
جنوطً18 إنش
فتحة سقف
مقاعد امامية مهواة مع تسخين

أكيد كهربائية والصف الثالث ايضا كهربائي

اشوفه جدا ممتاز ورائع ويستاهل وخاصة اذا تهمك الاعتمادية بالدرجة الاولى

القير تراه اوتوماتيك 6سًرعات وبالتوفيق

لو اضفت الباترول كخيار اخر انسب من الاكسبلورر

يعيب الاندكروزر ال GXR بالذات

تلقى له الف خط والف شكل وكلن يضيف ع مزاجه

وتحتار اكثر وش تاخذ والسعر مبالغ فيه !

البريمي نفسه صار يعدل وينافس الغرابي

من كثر ازياقه وخرابيطه !

متى اشوف هالسيارة تنباع باحترام لانه اكثر سيارة مثل ماقلت

لها اشكال والوان مع انها كلها تطلع من خط انتاج واحد ..!


موفق في الشراء

اللاندكروزر , تحديداً من 2012 و ما فوق, معجبتني جداً.
سيارة ما تشتكي, وين ما تبي تروح فيه ما يقولك لا ..
شفت الـ 2016 , يا أخي حتى في 2016 أعجبني أكثر و أكثر
و لو عندي قيمته لبعت سيارتي الحالية و أخذت واحد مثله طبعاً أتكلم عن GXR V8 , أو اخذ رابتور.

مقاعده مريح بشكل غريب على انها مخمل, السيارة من الداخل واسعة و كبيرة.
و رغم هذا تحس كل شي قريب منك.

كل هذا جيد و لكن عندي بعض العتب عليها بسبب ان ما فيه الا ايرباجين بس في الـ GXR V8 فل كامل؟؟؟
كذلك المراتب الخلفية ما فيها مسند ذراع في المنتصف , بالتالي واضح ما فيه أهتمام كبير في الركاب الخلفيين.

لكن يشهد الله ان اللاندكروزر سيارة عملية و تستاهل الشراء أكيد

و رأيي والله مو تعصب, انا معروف ما أتعصب لأي شي , و لا أمتلك سيارة يابانية حتى.

كان عندي لكزس 430 أول, و لكن حالياً سيارتي بريطانية حتى يعني بعيد مرة عن الياباني.

لكن الحق يقال, اللاندكروزر جداً جميل و يستاهل الشراء, لولا الملاحظتين الي قلت لك عليها

ماهو تقليل في حق الموتري الي انت كتبت عنهم , لكن ليش ماتفكر بالباترول موتر يستحق كل هلله تدفع له

وهو افضل من الاثنين المذكورين في نواحي كثييييييييييييييييرة جدا

الصراحه المقارنه بعيده ما ادري هل لك احتياجات للموترين هذيني فقط اذا كنت من النوع اللي يمل من السيارات الكبيره خلك عالاكسبلور

اما اذا انت تبي موتر ف فئه الاند موجود الباترول فقط

الاند الان سعر 218الف بدون كت واللي ب كت يوصل235الف
طبعا شحيح المواصفات بعضها تلقاه ب كت وبدون مراتب جلد ولا تسخين وتبريد ولا شاشات خلفيه مشلح بالعربي

طبعا فالغالب اللي كذا ملفق له الكت وهذي تكلمو عنها ف اليوتيوب واحد اشتراه من برا الوكاله يوم راح يبي يغير فيه صار الموتر مرقع ومركبين شاشه صينيه

كل اللاندات الجكسار شاشتها ماهي من الوكاله وعلى كلام احد المعارض ان الجكسار يجي بدون شاشه للخليج حسب طلب الوكلاء

واهم اللي يرقعون له المواصفات هذي


انت فكر قبل كل شي

الاند مريح لكن مافيه رساوه مثل الباترول

مواصفات اقل ايضا

موتر يصلح للبر يعني اللي بيدخل تمشيه وكذا ينفع

عند البيع الان السوق مندمر مرره ماتدري كم يجيب لك لكن افضل سيارتين ف مسكه السعر هم الاند والباترول حسب اسعار السوق

يارجال خذلك باترول واستمتع
سيارة تستحق لك ريال فيها

الاكسبلورر الفل اوبشن غير مقنع
وسعره مرتفع

حلاته نص فل او اقل فئة

والاند كروزر مب مريح
واقولها مليون مرة مب مريح
انت شف وش كبر المراتب وقارنها مع الباترول

الباترول افضل بمراحل , راحة وتكييف وعزم
اذا يمديك لا تتردد

خلك على اللاندكروزر
وأذا تبي منافس أفضل منه استخدام بالمدينة والمناطق الرملية شوف الباترول الجديد اقوى وأرخص وافضل عزل واكثر راحة

جربهم جميع اللاند والاكسبلور والباترول

اصوت للاند حتى لو كان استخدامك للمدينة الموتر ناعم و هادي جدا و مريح و الي يقولك مو مريح ما عمرة ركب لاند او ركب لاند مرفع و خفيف نفس اكثر من الاكسبلور بواجد و في الخط يعطيك الي تحتاجة و اكثر و خاصة لو بتاخذ ابو كت افضل في الرساوة لاكن اهم شي استخر

من ناحية الغلاء كلا السيارتين غالية


والجي إكس آر3 ، وحتى الفي إكس آر 1 مواصفات الأمان بهما غير كاملة عند وكيلنا عبداللطيف جميل.


ومواصفاتهما من ناحية الأمان أفضل لدى الفطيم الإماراتي.



أما الإكسبلورر فالمبالغة في سعره متجاوزة للحد.

ما يبي لها مشاورة خاصة بين هالموترين لاختلاف الفئات أولًا ثم أن اللاند ليس له إلا منافس واحد (الباترول)
فاللاند أفضل لك

لاندكروزر او اكسبلور!!!!!

فرق جدآ كبير بينهم

لو قلت باترول او تاهو,اكسبدشن

عمومآ اخي

إشتر راحتك وإستفد من المبلغ بسيارة فيها مواصفات ووسيعة لك ولعائلتك وتخدمك

الجيب بتطفش بتمل منه بعد فترة,فكر بالتاهو او إكسبدشن عليهم عروض حاليآ والباترول أيضآ

خذ لفة على الوكلاء وعاين السيارات بنفسك

والله يعينك

بالتوفيق,ولاتنسى الاستخارة

نفس الكلام
اضيف له الكروس اوفر فان بدفع رباعي للثبات اكثر منه للصحراء

بين اختياراتك

ارشح اللاند



بالتوفيق لك

الاندكروزر افضل وبدون مقارنه !

لو قلت اكسبدشن او تاهو او باترول او....
ممكن غيرت رأيي
لكن اكسبلورر مخصص للمدينه اكثر من غيره

معانا الفورد سبورت
المساعدات قاسية شوي
اللمتد أريح وأفخم منه
الفورد داخل المدينة والطرق السريعة ملك
رساوة جيدة جداً وعزل حلو
اللاند داخل المدينة قد يكون كبير شوي بس على الطرق الوعرة وخدمات وسعر إعادة البيع أفضل من الفورد
وبالنهاية استخداماتك هي الي تحدد
بالتوفيق

استغرب من مقولة اللاندكروزر غير مريح
اللاندكروزر من اريح السيارات العائلية وخاصة فئة الفي اكس آر