لحقوني الجنزير انقطع .. أوضب ؟ إكسبلورر 2009

اظن طبيعي قبل مايغير البستم لازم يشيك على الاسطوانات لان ممكن يكون فيه توسع بالاسطوانات وبعدها تحتاج خرط وتغيير شنابر لان مقاس الاسطوانة تغير للاكبر ..

بس اذكر من زمان قديم كان معي كامري 99 وانقطع جنزير المكينة واحتجت بس تغيير للجنزير بدون خرط للمكينة ..

هذا الامر يحكمه شي واحد فقط وهو تشفيف السرندل والميكانيكي الجيد هو يعرف ذلك بسهوله عند فك الرأس إذا كان مشفف السرندل يعني الجزء اللذي يلامسه الشمبر اوسع من اعلى السرندل عند تغيير او صنفرة البلوف لازم تغير البساتم وتخرط السرندل وبالطبع مع الخرط لازم تغيير البساتم لأن السرندل تزيد سعته لكن لو ماهو مشفف يعني السرندل صفر لايلزم تغيير البساتم حتى لو صنفرة البلوف .والمشكله الرئيسيه من العمليه هو انه مع الصنفره اوتغيير البلوف يزداد ضغط السرندل وعزم السياره ممتاز لكن ماتاخذ اسبوع إلا المحرك مبوّش بالكامل لأن الشمبر يحترق ويتأكل بسرعه بفعل الفضاوه وانا قد وضبت كابرس لهذا السبب ان بلف تعطل ومريت 3ورش وكلهم قالوا إذا السرندل مشفف لازم توضيب كامل مع خرط السرندل مع ان المحرك كان تمام ولابغيت امشي على كلامهم لكن واجهت واحد مع نفس سيارتي وصنفر البلوف بس ماوضب المكينه يقول اسبوع ولا احلى من عزمه وبعده طلع دخّن وخبط والان ابوضب بالكامل ,,لكن لو المحرّك فيه اكثر من النصف وصنفرت البلوف او غيرتها ممكن لو مرنتها اول اسبوع تمشي اقل من 60 ولاتزيد او تزر على السرعه لين يخف الضغط والاحتراق ويضعف ضغط البلف بسبب الكربون المتراكم على البلوف لأنه يخفف الضغط انا اتوقع راح تضبط مع المداراه والتمرين ,,وفي النهايه كلام الميكانيكي صحيح لكن يعتمد على حالة المحرّك وكلام اخونا فورمولا ون وبقية الاخوه ,,



بالتوفيق للجميع..

حياك الله اخي الكريم
الميكانيكي اخطا في التعبير والوصف رغم ان كلامه فيه نوع من الصحة ,, كيف ؟
في حالة كان المحرك فيه استهلاك عام ولنفرض 50% فان جميع مكونات واجزاء المحرك سوف تعمل بما هي عليه من كفاءة وبما يتناسب وحالة الاستهلاك الحاصل فيها , اي بمعنى ان هنالك توازن وتناغم وتوزيع متساوي في فاعلية الجزء العلوي من المحرك والمتمثل برأس المحرك وما بين الجزء الاسفل من المحرك والمتمثل بكتلة الاسطوانات رغم وجود اندماج وتشابك في ديناميكية العمل .
لو قمنا مثلا بتغيير البلوف وضبط الشنابر والبساتن واسطوانات المحرك دون المساس بذراع البساتن وعمود الكرنك وجميع السبائك المتحركة والثابتة على السواء فاننا سوف نحصل بالنتيجة على محرك غير متوازن اعلاه قوي واسفله ضعيف وهذا بدوره سوف يعجل من خراب عمود الكرنك والسبائك نتيجة الضغط القوي واحكام الجزء العلوي وتقويته على حساب عمود الكرنك وتوابعه الضعيفة وهذا بدوره سوف يضعف عملية التحمل والمجارات والتواصل ما بين جزئي المحرك .
نستطيع ان نشبه هذه العملية , بشخص كسيح جزئه العلوي مفتول العضلات وساقاه كسيحتان وضعيفة لا يقوى على السير .
تحياتي

ليس العمر الافتراضي لكن الاهتراء كبير جدا على هذا الممشى


حتى لو استطاعت المشي الى ممشى مليون كيلومتر يظل ان فيه نسبة اهتراء في المحرك على هذا الممشى وهذا شي طبيعي جدا

هل يعني من كلامك أن العمر الإفتراضي 200 ألف كلم لمكائن السيارات ؟

الممشى 195 الف ان شاء الله بكره بروح له وبخبركم شيصير معي

حياك الله
لاشكر على واجب
ماهو صحيح كلامه
واصلا باقي مافك المكينه ويقول هذا الكلام
اذا تبي نصيحتي شوف غيره
هذا استغلالي
لانه مثل ماقالو الاخوان احتمال لاسمح الله بستم متظرر ماهو عاد شنبر
وان شاء الله بسيطه
ولو تحدد باي مدينه انت نخدمك وبقية بالورشة الثقه
تقبل تحياتي

و هذا من الأسلوب الغير مطمئن صراحةً من هذا الميكانيكي ! البلوف ضغطها كما هو سواءً قديمة أم جديدة طالما أنها سليمة من الطعجات. فلا تلتفت إلى هذا الكلام و عليك بفك الرؤوس فقط من أجل معاينة البلوف و البساتن. هذا يريد زيادة التكلفة عليك.
كثير من حالات انقطاع جنيزر أو سير التيمن تم فيها تغييرالسير فقط و انحلت المشكلة ,, و لا توضيب و لا هم يحزنون.
أما الجنزير عندك فلا خلاف على تغييره.

كم ممشى سيارتك ؟

اي نسيت ملاحضه قالي انه لركبت بلوف جديدة بيصير ضغط على الشنابر لانه قديمه وتخترب هذا الي حيرني اكثر

مشكورين الجميع على الرد الميكانيكي بكره بيفتح الراس ويقول القطع الي يبيها وبقول له لايفتح السبايك والشنابر اذا مافيها شي واقل تكاليف لاني وضعي محدود والي عنده ملاحضه ثانيه يفيدنا

المطلوب أخي هو فقط تغيير الجنزير و فك الرأس من أجل النظر إلى البلوف و البساتن. قد تكون سليمة و ترجع الرأس زي ما هو , و قد تكون بحاجة تغيير بلوف .. و قد تكون البلوف و البساتن المتضررة. إذًا لا يلزم من مشكلتك دائمًا أن توضب المكينة. بل ربما تكتفي بتغيير الجنزير و الشداد و وجهي الرأسين فقط.
إما الورشة الي قالت لك توضيب على طول ,, فهذا الصنف للأسف كثير! على أساس حدد بدون كشف. شيء طبيعي إنها ما تشتغل ؛ لأن حساس التيمن يستشعر عدم دوران عمود التيمن بخلاف دروان الكرنك , و بالتالي الكمبيوتر لن يشغل المكينة حمايةً لها.

عزيزي , فك الرأسين فقط سيظهر لك الأمور ,, و بدون فك المكينة.

وعليكم السلام ورحمة الله وبركاته
في حالة ان البلوف حصل فيها اعوجاج او تلف فانني مع رأي اخي ومشرفنا العزيز ( altimeamh ) خصوصا اذا كان ممشى السيارة كبير جدا , ولكن هذا لا يمنع ان يتم تغيير البلوف التالفة والجنزير وتوابعه فقط دون عمل توضيب شامل للمحرك وخصوصا اذا كان المحرك جيد ولا فيه اي مشكلة اخرى .
وفي حالة ان البلوف لم تتأثر ولم يحصل فيها تلف فالافضل هو تغيير الجنزير وتوابعه فقط ولا تفتح عليك باب وتكاليف واتعاب اضافية مرهقة
بالتوفيق