الى وين بيوصلون وكلاء السيارات في السعوديه .. للنقاش

ليش ما اخذ من وكيلي هنا وبكامل المميزات وبسعر مناسب ؟

الى متى الواحد اذا بيشتري سياره يستورد من الخارج !

الوكلاء هنا اقول لكل واحد اغسل يدك منهم والاستيراد من امريكا ما هو صعب بس فيه ناس مستصعبته ولا خذه من هناك موتر يبرد كبدك تلقى فيه الي تبي

حسب تجربتي مع تويوتا ليس كل السيارات في الخليج أرخص فالسيكويا كمثال في السعودية أفضل مواصفات وسعر من الخليج
تشليح المواصفات ليست مشكلة عندي صراحة لأني ركزت على عوامل أخرى في موضوع شراء السيارة وأني أضع المواصفات اللي أرغبها حسب احتياجي وليس حسب تصنيف الوكيل
أنا أرى أن نوعية المواضيع هذه لا تسمن ولا تغنى من جوع بناءًا على تواجدي في هذا المنتدى وطبعًا مع كامل احترامي وتقديري للكاتب وطرحه فقد عاصرت خلال 10سنوات مواضيع مماثلة
وتويوتا ما تزال الأكثر مبيعًا خليجيًا فخرجت بقناعة أن اللي يشتري يشتري براحته لأن هذي فلوسه
وما فيه شيء يعلم مثل الخسارة والمكسب اللي جرب سيارات تويوتا وحس إنها خسارة فيها الفلوس له ذلك
واللي جرب سيارات هونداي وحس إن خسارة تدفع فيها الريال براحته أيضًا وعلى ذلك فقس
مثال تويوتا وهونداي لأنهما الأكثر مبيعًا حاليًا
حصص مبيعات شركات السيارات في الربع الأول من 2015 في السعودية ‏( 1 2 )

وين بيوصلون ؟؟

بيوصلون لأعلى مراحل التوفير في استيراد السياره ..

اما بالنسبه لتويوتا وارد الخليجي الان صار ينخاف منه صراحه لـ سببين !!

الأول : كثرة تركيب الاكسسورات في اسواق الخليج وبالأخص الإمارات

الثاني : بعض المعارض في السعوديه صارت تستورد سيارات ليست من وكلاء الخليج !!

اي انها ليست من وكيل الإمارات او قطر او الكويت وإلخ وتكون السياره مجهزه للتصدير لدول العربيه الأخرى

ايضا بعض سيارات تويوتا الخليجيه لم تتوفر بكامل مواصفاتها مثل الأفالون والكامري

وبعض الاحيان شغل بعض الورش برا انظف واقل سعر :a1120(121):

انا معي ريو 2014 صيانة 40 الف سعرها 1700 عشان زيت قير ):

الخليجي اسعاره افضل من السعودي بمراحل

وانا المشكلة من وجهة نظري هي تشليح السياره وتغيير القطع

لو ينزل السياره بكامل مواصفاتها وبدون عيوب ويرفع السعر محد بيقله شي

السياره كامله مواصفاتها تبغى تشتري او لا .. لكن هو يشلح السياره وينزلها ب اعلى سعر !!!

اشكرك على ردك وانا اقتبست جزء من كلامك . انا كنت في امريكا قبل فتره وراجعت اغلب الشركات تقريبا

صحيح في تاكس (ضرائب) ولكن في بعض السيارات وليس الكل بعد الضرائب ارخص من هنا

لو نقارن الاسعار بدون ضرائب راح تكون مصيبه مع العلم ان مبلغ الضرائب ما يروح للوكاله كله !

لنفترض ان السعر مثل سعر الخليجي فرق السياره تاخذها ب كامل مواصفاته ولا في تلاعب وصيانه محترمه

بالنسبه للتامين مبلغ للشركة اللي بتامن لك السياره وتختلف من شركة لشركة نفس عندنا في السعوديه

وانا امنت على سيارتي وبحثت ولقيت تامين غالي ورخيص ويغلى لو كان شامل طبعا

بالنسبه لمسالة السعر من الشركة الام .. اللي اعرفه في سعر مقترح من الشركة الام بس ماهو اجباري ..

نورت الموضوع

السلام عليكم

بعض المواصفات تكون اختيارية زيادة على الفول ابشن
مثلا النفيقيشن(نظام الملاحة) , ممكن تشوف سيارة يقول الوكيل انها فول ابشن (كاملة المواصفات) لكن بدون نفيقيشن تقول له ليش ؟! يقول بتكون اغلى لوكانت بنظام الملاحة لكن ممكن تطلبها ونوفرها لك

طيب ليش تسمونها فول ابشن اصلا؟!

سمعت ان في السعودية بسون نفس الشي , بيلغون شي اسمه وكيل , يعني بتكون الشركة هي الي تبيع مباشرة للعميل بأمر ملكي او من وزارة التجارة مو متأكد!

لا قطع متوفرة للاغلب ولا شيء

أن صراحة مع الناس إذا أكثرهم شروا من عبداللطيف جميل أنا معهم
حقيقة فلوسي كانت حقل تجارب للناغي وبالبيد والجميح والعيسي والجفالي والوعلان والحاج واليمني والحمراني توكيلات الجزيرة فكانت أكبر مشاكلي في الصيانة وقطع الغيار ومسكة السعر عند البيع
وجدت الأريح لي عبداللطيف جميل بغض النظر على جميع مساوءه علمًا أني أبحث عن السعر الأرخص خليجيًا وأذهب لشراء السيارة من هناك

مثال الجيوب الكوريه طلعتها وانتشارها بسبب اسعار تويوتا ومواصفاتها

مو نقص في الكوري لكن طبيعي ياخذ فل كامل وسعره اقل من الاستاندر في تويوتا

والمثبت وغيره ما تعتبر كماليات ! خصوصا في الوقت الحالي ..

وفعلا الامثله كثيره في تصريف العملاء

مستحيل يسونها سوو حملة خلها تصدي قبل فتره ولا تاثر الوكيل تدري ليش ؟

بعضهم يخش يشارك ف الموضوع وزعلان وبعدها يروح يشتري سياره من نفس الوكيل

وعليكم السلام ورحمة الله وبركاته

موضوع جميل ...

تويوتا ليست غافلة ... بس اذا كان السوق ماشي وعندك ناس تشتري أي شي وأي مواصفات ... فالهدف قد تحقق ... المكسب المادي :)

وعموما أتوقع أن وزارة التجارة ممكن تجبر الوكيل على مواصفات السلامة والأمان .. لكن بقية المواصفات الترفيهية فأعتقد صعبة تجبرهم على شي ...


زميلي معه أفالون جديدة حطها بالوكالة لصيانة 40 ألف كلم ... قالوا له بدلنا أماكن الكفرات ... واكتشف انهم نصابين لأن الكفر الأمامي كان فيه لزقة وما تحرك من مكانه :bigggrin:

تشكرات على الموضوع ...