استفسار محتار بين خيارين بالمستقبل

[أبـوأسـد]

بسم الله الرحمن الرحيم


السلام عليكم ورحمة الله وبركاته




بس للمعلومية الموضوع مجرد رغبة قد يتحدد القرار لاحقا الشراء من عدمه وليس أني فعلياً راح اشتري قريبا علشان ما احد يسأل يقول شريت ولا لسه





سالمكم الله محتار بين سيارتين

وكل السيارتين من نفس الشركة!

طبعا السيارتين سيدان

اسعارهم قريبة من بعض لكن اختلاف الاستخدام المخصص له




السيارتين هي:
1- سوبارو ليجاسي 6 سلندر 3.6 لتر بقوة 256 حصان




2- سوبارو WRX قير CVT محرك 4 سلندر 2 لتر تيربوشارج بقوة 268 حصان




طبعا ان جيت بشتري احد هذي السيارتين فبختار نفس اللون الموضوع له تماماً.


حقيقة اعرف ان وضع سوبارو لدينا ليس بذلك المحمس او المطمئن لدينا لكن شفت الخيارات الاخرى من فئة السيدان متوسطة الحجم اليابانية وما اعجبت إلا بالليجاسي وخيار الـ WRX أقولكم ليش وضع بالقائمة

عموما قد اقول ان شرائها بالنسبة لي ماراح يكون مشكلة كبيرة جدا فالحمدالله لن تكون سيارتي الوحيدة بل ستكون سيارتي الصغيرة الوحيدة فنظامي للاسف كله Full size SUV وودي أغير شوي

ومسألة القطع ماعندي فيها مشكلة فعندي صندوق امريكي وطلبيات القطع عندي سهلة جدا فماهي جديدة علي (ان شاء الله بس مايكون فيه فرق بقطع عندنا عن الي يباع بامريكا كثيرا وطبعا الطلب بيكون برقم القطعة) الشغلة الي ممكن محيرة شوي شغلة الصيانة بس ممكن ماتكون مطمئنة جدا

عموما نرجع للخيارين

فكرت بالليجاسي لانها دفع رباعي وانظمة سلامة عالية ويابانية الصنع وشكلها من الداخل والخارج عاجبني ويعجبني فيها الراحة والاتساع فيها وطالعة افخم من الاجيال السابقة.

فكرت بالـ WRX لشغلة انها حول قيمة الليجاسي 6 سلندر ممكن ارخص, صحيح اقل مواصفات لكن سمعت انها نزلت 2016 بمواصفات اعلى قليلا من 2015 والي عجبني في WRX أنها قيادتها بالاغلب بتكون اكثر رياضية من الليجاسي التي تميل للسيدان العائلية والشيء الزين فيها تسارعها افضل بكثير من الليجاسي حتى وهي بقير CVT (علشان ما احد يتعب نفسه وينصحني بالعادي انا اكره القير العادي خير شر بالاخص اذا صارت ديرتك زحمة وحفريات...الخ) أضافة ان لها قطع كثيرة لو تبي تعدل فيها ولو انا بغيت التعديل فبيكون تعديلي محدود جدا فمثلا بيكون مجرد فل هوائيات وبرمجة وجنوط أخف فقط فانا اطلعت على تعديلات WRX حتى تعديلات موديل CVT منها وممكن بعض الاكسسوارات زي البدي كت من الخارج أو اكسسوارات بالداخل.

بعكس الليجاسي ما افكر اغير فيها شيء
وان كان فيه اضافات بتكون اكسسوارات داخلية فقط.

الي مو عاجبني بـ WRX انها ماتتمتع بالرحابة الي تكون سيارة مريحة جدا حتى ان مندوب قالي ان WRX في المركب أقل راحة من الليجاسي.

المشكلة مرة اتاحت لي فرصة تجربتها لكن ماجربتها لانشغالي علشان اشوف فرق القيادة بحكم اني مجرب الليجاسي 6 سلندر.

افضل ارقام التسارع لليجاسي 6 سلندر للـ 60 ميل من 6.9 إلى 7.3 ثواني
أفضل ارقام التسارع للـWRX قير CVT للـ 60 ميل من 5.4 إلى 5.8 ثواني
طبعا هذي الارقام التسارع للستوك فقط

فليت نسمع ارائكم
وش تنصحني أو لو كنت مكاني فماذا ستختار من هذي الخيارين فقط

[+KoRn]

WRX قير عادي تنفعك حتى على حلبة الريم..
اليجاسي انا من أكبر المتشائمين دون المستوى

[أبـوأسـد]

WRX قير عادي تنفعك حتى على حلبة الريم..
اليجاسي انا من أكبر المتشائمين دون المستوى

هلا +KoRn

القير العادي غثة ومنب متعود عليه ولا معروف أفضل تسارع وتعديل من القير التماتيك التقليدي وقير CVT لكن ماراح يكون القير العادي خيار لي بأي سيارة بالمستقبل منب رايق لسواقة سيارة بقير عادي وهي تعتبر مسألة شخصية

وش الاشياء الي مو عاجبتك بالليجاسي ياليت اعرفها علشان يكون عندي فكرة عنها اذا ما اعرف نقاط السلبية بنسبة لك

[MAGNUM_62]

وعليكم السلام


بالنسبة لي افضل الليجاسي لعدة اسباب:
رحابة
فخامة
شكلها عاجبني
اعتقد انها اكثر راحة من اختها

wrx اذا نيتك تعديل توكل على الله وخذها قير عادي
لاتنسى معاك سيارة ثانية يعني لازهقت من العادي ارجع للنيساني ولا زهقت منه وحنيت للأداء ارجع للسوبارو


ونصيحة يابو اسد ابعد عن الـcvt مافيه متعة نهائيآ
ما ادري انت جرته ولا,,استأجر اكسنت ولا التيما لثلاث ايام وجرب

والله يسهل لك
بالتوفيق

[أبـوأسـد]

وعليكم السلام


بالنسبة لي افضل الليجاسي لعدة اسباب:
رحابة
فخامة
شكلها عاجبني
اعتقد انها اكثر راحة من اختها

wrx اذا نيتك تعديل توكل على الله وخذها قير عادي
لاتنسى معاك سيارة ثانية يعني لازهقت من العادي ارجع للنيساني ولا زهقت منه وحنيت للأداء ارجع للسوبارو


ونصيحة يابو اسد ابعد عن الـcvt مافيه متعة نهائيآ
ما ادري انت جرته ولا,,استأجر اكسنت ولا التيما لثلاث ايام وجرب

والله يسهل لك
بالتوفيق

اذا خذيت قير عادي للـ WRX بتكون السيارة مجرد أستخدام لنهاية الاسبوع أو مرتين بالشهر وهذا الشيء ما ابيه فنيتي للاستخدام شبه يومي

انا لي تجربة للقير العادي للمعلومية وما ابي اكررها نهائيا
كرهت نفسي بالسواقة السيارة تجلس بالايام ما اسوقها بسبب القير

انا مجرب قير CVT بالالتيما والمكسيما والليجاسي الجيل السابق والجديد وأعتقد كم سيارة اخرى اذا ماخانتني الذاكرة
لست من كارهين CVT للمعلومية لكن بالطبع ليس أفضل قير تماتيك بالنسبة لي

ساعات قير CVT أفضل من القير التماتيك التقليدي من ناحية ان مافيه تضييع للوقت بين تنقيل بين السرعات أذا ماحطيته على التنقيل اليدوي فانا شفت مقطع تسارع WRX بناقل CVT فلما تحطه على التنقيل اليدوي بياخذ وقت أطول للتسارع 60 ميل! بينما بدون التنقيل اليدوي بيكون تسارعه افضل

شوف هذا المقطع لتسارع WRX بقير CVT


بالوضعية العادية جاب تسارع 5.8 ثواني
لكن يوم حطه بالتنقيل اليدوي جاب 6.1 ثواني!

سوبارو وضعت قير CVT بسياراتها لأجل تقليل أستهلاك الوقود حتى انها تفوقت على بعض منافسيها بالاستهلاك بوسط المدينة وهي دفع رباعي مستمر ومنافسيها دفع أمامي؟!

ما اخفيك أنا متمني أن قير WRX يكون تماتيك دبل كلتش لكن أذا مهو موجود فهي ليست بتلك القضية الكبيرة بالنسبة لي

بحثت كثير بالموضوع بين ملاك سوبارو WRX في المنتديات الاجنبية والتقارير عن قير CVT
حصلت معارضين واجد وشيء طبيعي لكن حصلت أيضا مؤيدين لهذا القير ويمتلكون WRX بقير CVT وانه ليس بالمشكلة الكبيرة لعدم اختيار السيارة

فلا تقلق فكرتي لأخذ WRX بقير CVT مهب من فراغ بل بحثت كثييييييير عن الموضوع لين اخذ المعلومات الكافية والمقنعة عنه

[أبـوأسـد]

ايضا تفضل هذا المقطع أخوي MAGNUM_62

مقاوم بين سيارتين WRX من الجيل الجديد وحدة منهم قير عادي والثانية CVT

[+KoRn]

هلا +KoRn

القير العادي غثة ومنب متعود عليه ولا معروف أفضل تسارع وتعديل من القير التماتيك التقليدي وقير CVT لكن ماراح يكون القير العادي خيار لي بأي سيارة بالمستقبل منب رايق لسواقة سيارة بقير عادي وهي تعتبر مسألة شخصية

وش الاشياء الي مو عاجبتك بالليجاسي ياليت اعرفها علشان يكون عندي فكرة عنها اذا ما اعرف نقاط السلبية بنسبة لك

عمروي في اثنين محبين لسوبارو اختلفو عليها
الليجاسي هي شكل 2004 الى 2009 وبس

[MAGNUM_62]

مانختلف على تسارع الـcvt

والي يأكد هالشي الالتيما القديمة وجيل الـcvt
ومن اهم مميزاته اقل صرفية للبنزين


مقصدي انه ممل ومافيه متعة قيادة واحيانآ يكون مزعج لاصرت مستعجل واذا معك احد او(اهلك)بيحسبونك مقلع بسبب صوت المكينة


واهم شي انك مجربه وعلى دراية ومقتنع فيه