استفسار تاهو2007

اسعد الله ايامك بكل خير و المسرات

شوف قبل سنه او سنتين كانت اسعارهم في الصالات مستورد امريكي يتراوح من 88 الى 110 تقريبا على حسب النظافه و اللون و الممشى و بعض الصالات تعطيك ضمان مثل الوكاله و دفتر صيانه و عندهم صيانه كذالك مثل الوكاله لكن سعرهم اعلى بشوي من الصالات الثانيه الي تبيع السياره و ماتعرفك بعدها

فاتوقع الان 07 اسعاره الامركي من 65 الى 75 اقل اكثر بشوي

الممشى كويس بالنسبه لسياره عائليه لان الامريكان يستخدمونها في التنقل و السفر بين الولايات و المسافه مو قليله بينهم فاذا كان الممشى غير ملعوب فيه و المحرك نظيف ولا يشكو من اي خلل اشوفه مايضر السياره بشي يعني 30كيلو بالسنه هذا المعدل سنوي مناسب
مقارنه بالي نشوفه هنا سيارات طايف عليها سنتين او سنه و ماشيه فوق 60 وطالب فيها مبلغ ينافس الجديد

اغلب الخرابات الي لاحظتها هو طرمبه الزيت و هذا مو عيب في السياره و انما بسبب صاحب السياره غير مهتم و يركب لها زيت غير مناسب لها عدى ذالك ماعتقد فيها حاجه يعيبها

و شوف ياصاحبي لا تثق باصحاب الصالات حتى لو قالك السياره سليمه سجل رقم الشاصي و شيك عليه حتى لو شفت السياره تلمع لانهم يجيبونها و يلمعونها و اخر دلع عشان تجذب الزبون و اذا تقدر تاخذ معك جهاز فاحص الصبغ بيكون ممتاز (صاحب الصاله فب بعض الاحيان يكون عنده )

و يفضل انك تطلع على المواصفات بشكل دقيق لانو الامريكي يجي بمواصفات اكثر و ديكورات تختلف في بعض الاحيان (مثلا LT يجي بمواصفات كثير حتى بعض الاحيان مواصفاته مواصفات LTZ )

و اذا تقدر كذالك تستفسر عن المنطقه المستخدم فيها السياره في امريكا كيف عشان تعرف او تاخذ فكره عن المنطقه الي كانت تستخدم فيها السياره

و طبعا لو تحصل سعودي افضل من ناحيه الطبلون و الترددات الاذاعه فقط اما الاشاياء الميكانيكيه واحده

و بالتوفيق ان شاء الله اهم حاجه استخير ولا تتسرع افحص كل حاجه لين ماتقتنع في سياره