السلام عليكم
ياجماعة الخير انا عندي كابرس 2004 توني ماخذه ماشاله الموتر زي الحلاوه
لكن في حاجه غريبه اذا مشيت عليه لل130 الدعسه ترجع بلحالها لين ال100 معا العلم انه عزم الموتر ماشاله مزبوط وسألت ميكانيكي وقالي هاذا سفتي فالموتر وحاس انه خراط وماهوبحول الدعوه
ياريت ياجماعه الي عنده خبره يفيدنا
هل قمت بفحص السسارة على الكمبيوتر قبل لا تشتريها
انصحك بشدة بفحص السيارة على الكمبيوتر
و انسخ اكواد الفحص و ضعها و ان شاء الله الجميع رح يفيدك
اسئلة اخرى
جرب تضغط على زر الباور. تلقاه جنب عصا القير عليه حرف P
اضغط على هذا الزر و جرب تسوق و شوف هل تتكرر معاك المشكلة و لا لا
و ايضا جرب تفصل اصابع البطارية الموجب و السالب لمدة نصف ساعة
و ارجع ركبهم و شوف هل المشكلة موجودة ولا راحت
و اخير الكابريس فيها وضع اسمه Safety mod
Reduce performance
يطيح عزم السيارة بس الوضع هذا ما يطلع الا اذا في مشكلة بالسيارة
او اثناء شبك جهاز الكمبيوتر
بس لازم تظهر على شاشة الكمبيوتر اللي تحت عدادات التبلوه هذي العبارة
اذا لم تظهر فليست هي السبب
مبدأيا جرب تفصل اصابع البطارية لمدة نصف ساعة ثم رجعها و شوف هل المشكلة راحت و لا لا
و بعدين جرب زر الباور اللي جنب القير
و اذا ما مشى الحال لازم فحص كمبيوتر
كلمة اخيرة الميكانيكي اللي قالك سيفتي ما عنده سالفة
و ما خرب سمعة الكابريس و اللومينا الا اشكاله
ما عندهم خبرة كافية و يتعبثون و يخربون السيارة
الين الناس صارت تسمى الكابريس بملك الخرابات
كله بسبب عمال الميكانيك اللي اكثر من 90 % منهم مو فهمان للكابريس
للاسف من واقع تجربة الكلام هذا
الان اي عامل او ميكانيكي يشتغل على سياراتكم خلوكم فوق راسه و راقبوه زين
