مشكلة في سيارتي التاهو ادعس ولا تمشي

ممكن يكون ولعت عندك لمبة (Reduced Engine Power)

أفضل وأسرع حل لك هو فحصها كمبيوتر للوصول إلى الخلل بشكل مباشر وفوري

مع تحيات مركز أحمد العوام لصيانة وتزويد السيارات بصناعية ركاز - الثقبة

اذا تقدر تصور مقطع صور افضل عشان افهم زين لان مازال القير وتوضيبه ما دخل راسي :)


سافر وروح وتعال لين ماتقول السياره هذا مكاني ولا توضب القير وتجلس طول عمرك توضبه

ياهلا وسهلا

ابشر والله اخ وعزيز اعتبرها تحت امرك إذا ودك تسوقها وتشوف وش فيها

امس رحت للي غيرت عنده الزيت والفلتر وقلت له ودي اغير الزيت واغسل مخ القير
قال لا ما راح ينفعك بشي، ومخ القير الكتروني ف بيضر اكثر ما بينفع

وقال خل السيارة عندي اشيك عليها الصباح واشاور عليها من عندي من معلمين واعطيك الرد الاكيد الرجه من وش بالضبط

تركت السيارة عنده من العصر امس وجيته اليوم العصر قال لي بكلمة وحده مشكلتك قير
قلت ماجبت شي جديد قال القير فيه مشكلة بداخله والطنجره عندك سليمه
وقال سافر عليه ماعندك مشكلة، لكن شهر او شهرين والقير لازم توضبه

الصراحه احسه يألف من راسه اخذت موتري ومشيت والله خير الحافظين
بكرا راح اسافر عليه واشوف وش يصير

حيرني والله حيرني

ابغاك تحط السياره على D وتدعس بنزين مع فرامل بشكل بسيط لا قوي ولا خفيف
شوف يطلع صوت ولالا اقصد النتعه اللي تقول عليها

التنظيف غير الزيت ثم امشي في بما لا يقل عن 70 كيلو... وغيره...
وفيه مواد غسيل لكن ما اثق فيها وهي في الغالب اللي تسدد المجاري
500 ريال قليله مقابل 5الاف توضيب
...
بس مازلت اقول ان القير سليم :a1120(121):مشكله بسيطه
ياخي عطني سيارتك خلني انا اشخصها :bigggrin:

حياك الله

النتعه تجي بأي وقت
أهي خفيفه تشعر ان السياره تمسك وتفك بسرعه
يعني ممكن واحد ثاني يسوق السيارة مايلاحظها على طول
لو ركز راح يحس فيها، مثلاً تاخذ لفه وتدعس بس توصل 40 او 60 تهز السياره شوي

اليوم وانا رايح الدوام نتعت بقوه شوي

اوك كيف اسوي له تنظيف ؟ ودي اغير الزيت والفلتر مره ثانيه بس مكلف وانا غيرت قبل يعني تجربه قيمتها 500 الغالب يقول انها خساره لا تقدم ولا تأخر، اما غيرها مو فاهم شلون ينظف

اخوي النتعه كيف اوصفها لي وباي وقت تجي ؟
وقت ما تعشق على الدي ؟


الزيت يمكن عشانك ما غيرته والقير يبغاله تنظيف

طلعت للورشه قلت تعال شيك على مواصير الزيت
إلا الرجال يقول لي سيارتك مافيها شي !! قلت كيف مافيها شي ؟ والنتعه
قال أنا عطيتها الفلبيني عندي وأخذ عليها لفه ورجع لي وقال السيارة مافيها شي
قلت أطلع مره ثانيه وامسك خط راح وطلع فيها مشوار بعيد ورجع وقال السيارة مافيها شي ! قلت له يعني انا جايبها لك ابي العنا والمشاكل !!! قال لازم تكون المشكلة بينه مره قلت والنتعه اللي كأنها رجه خفيفه قال خلها تكون واضحه وتعال

أخذت سيارتي وأنا محتار وشبه متأكد الطنجره اهي المشكلة

وخذتني الحيره إلى

1- تغيير الطنجره ولكن ممكن تضبط الامور وممكن لأ، علماً أن الطنجره بتكلف مبلغ وقدره
2- اوضب السيارة لأن حتى لو غيرت الطنجره، الرايش اللي كان على الفلتر لمن غيرنا الزيت كان من الكلتشات على كلامهم والزيت حالياً قلب أسود بعد التغيير

طبعاً شيكنا على السيارة تهريب زيت من مواسير ولا غيرها الحمدلله مافيه
وصفك لمشكلة الطنجره ( الطنجره او البطيخه يكون عطلها رجه بالسياره كانك تمشي علئ بطناج او العواكس الي بالازفلت ) تماماً نفس الرجه والنتعات الخفيييفه

السيارة لو تسوقها تقول مافيها شي لا تعشيق ولا غيره ولله الحمد ما عدا هالهزات الخفيفه وانت تمشي تطلع فتره وتختفي فتره

وراي سفر وخط واخاف أجني على القير ويخبط صدق

ما شاء الله...

يعني بعد تغيير كراسي المكينه و زيت القير راحت المشكله او خفت؟

طنجره القير اذا خربت وانت ماشي عداد rpm يرتفع وينزل...
تقريبا مثل هذا https://youtu.be/O26rJDiw5No

واذا فيه نقص بالزيت... الطنجره راح ترج لكن..ما وصلت لمرحله انها خربانه
يوم غيرت الزيت فيه تسريب؟ ما عرفت ليش ناقص الزيت
اذا انت تحط اي زيت غير زيوت المصنع فهذا السبب ونفس الكلام لوجه الكارتير

و حاول تطلع على الطريق السريع و اسرع شوي حدود 170 كلم

انا نصحتي لك ما تستعجل وتندم

لان حتى التوضيب مو حل صح بعض المرات

انا من رائي تسال وتشوف اللي حولك اذا في احد يعرف ورشة

معرفة قوية توديه لها وتتاكد لان اهم شي تصلح المشكله نفسها

اغلب الورش عذرها ان الامريكي قيوره تخبط دايم عشان كذا ما يتاكد من المشكله

على طول يقلك القير يحتاج توضيب وكثير وضبو ولا ضبطت سيارتهم

النتعة تكون ورا؟(ضربة او دبجة)

ولا كأنها نتعت قير عادي؟rpm يرتفع شوي وبعدين يرجع؟

التفتفة والسيارة واقفة ولاماشية؟ينزلRPMويطلع؟

بالنسبة لكراسي القير والمكينة ماتسبب هالمشكلة إلى ان كانك راعي تطعيس وتكسير , تونا بايعين يوكن ولاغرينا كراسي القير ولا المكينة وماشي 400الف


نصيحة اخ لأخيه , لاتغير شي بالسيارة إلا وانت عارف السبب
قسم الورشة فيه ناس لهم خبرة طويلة, انصحك تفتح موضوع هناك

لمن غيرت فلتر الزيت حق القير

كان مسكر وفيه رايش عليه، برادت حديد مو كثير يقول انه من الكلتشات :(

السلام عليكم ورحمة الله وبركاتة

أخواني الكرام

رحت اليوم للصناعية من قبل 7 الصباح

أول ورشه رحت لها شلنجر
فحص كمبيوتر ماحصل شي ركب معاي السيارة واخذ لفه ويقول مافي شي واضح إلا ان كراسي المكينة مكسره عندك
اما القير التوضيب شي مو بسيط فلازم نتأكد فقلت له اسمع الصوت تحت قال مو واضح ( مع ان الصوت واضح ) وشيكت على الزيت وانصدم لقاه ناقص علبه ونص !!! وانا صراحه استغربت وشيكت على العداد على بالي اني ماشي عليه أكثر من 40 ألف صار ماشي عليه 15 ألف فقط ! المهم قال إذا فضى القير معاك وتكررت المشكلة وكانت صريحه تعال نشوف

ثاني ورشة مريتهم التميمي فرع رقم 2
ركب معاي وجرب السيارة وقال هذا صوت الطنجرة ولازم توضيب و9000 او 10.000 ريال
قلت مع السلامة ومشيت

ثالث ورشة مركز أنوار لصيانة السيارات
فيها سوري شباب اسمه علي سمع الصوت وقال هذا صوت الطنجرة وركب يجرب السيارة
وقال كراسي المكينة مكسره ولازم تغيير
المهم قلت بالنسبة للقير وش تقول: قال شوف انا قبل جاني افالون وكامري وبعد سيارة ثالثه نسيت اسمها
ومعهم نفس الصوت وغيروا الزيت والفلتر للقير وراح الصوت وامورهم تمام
تبي تغير الزيت والفلتر تجربه ولا انت بكيفك، قلت مافيها ودي وما ودي، غير الزيت والفلتر والله ييسر
وبعد التغيير اخذت السيارة في لفتين على السريع لكن حاجه ثانية طلعت بعد ما اختفت ألا وهي النتعه
السيارة تمشي وتنتع وتفصل الدعسه وترجع الخ المهم قلت شكل نفس الفلم بيصير لكن بالإعادة البطيئه
قلت له غير الكراسي حقت المكينه وزيت المكينة وفلتر الهواء ( الموتر ماشي أكثر من 7000 ما غيرته وحبيت اغير )
وبعد على الطريق غير المساعدين اللي ورى متفقعات، ( ما ادري وش جاني قعدت انفض السياره )
ومريته العصر مخلص الأمور كلها وركبت السيارة واحس فيها واهي واقفه رجفه بسيطه مره تجي ومره تروح وبعدها اختفت فتره ورجعت
نفضه خفيييفه جداً

جربت السيارة انا وياه وللأسف النتعه موجوده والموتر يمسك ويفك وانت تمشي
قال 99% مستحيل تكون الطنجره، قلت وش أجل قال والله ما ادري ممكن طرمبة بنزين ممكن وممكن الخ قلت الموتر تمام مع طرمبة البنزين، فحص السيارة كمبيوتر ولا طلع له شي، قال تعال السبت واتركها عندي ساعتين ثلاث وانا أأكد لك وش فيها بشاور فيها ناس ألخ

بعد ما مشيت منه في مركز شكله محترم اسمه دلتا متخصص أمريكي أمريكي
رحت لهم وقابلت ذاك الشايب السوري، وركب ساق السيارة وحس بالنتعه على خفيف
بعد ما علمته السالفه قال هذي الطنجره وبسبب نقص الزيت اللي ماينقص بأي حال من الأحوال إلا بتهريب أو تعبئه ناقصه
وسألني إذا الزيت كان اسود مره وقلت له كان ناقص واسود، قال الصوت صوت طنجره اللي كان معاك والزيت بعد التغير ممكن يخلي القير يرجع لوراء، والصوت راح يرجع معك والنتعه بسبب تآكل الطنجه واسوداد رؤوسها، إذا حاب نغير لك الطنجره وانت وحظك ولا توضيب إذا ما ضبطت معك الطنجره، وقال انا متأكد هذي الطنجره اهي المشكلة كلها، الطنجره اصليه الجميح 2500 ريال وشغل يد 1200
وتخلي السيارة عندي من صباح السبت وتآخذها آخر اليوم، قلت هذا آخر ماعندك ؟ قال هذا آخر ماعندي وإذا توضيب راح نكمل شغل إذا ما ضبط معاك القير، ونستخدم نفس الطنجره اللي جبتها

رجعت لخويي اللي ركبت عنده كراسي المكينه الخ وقلت له مركز دلتا قالوا كذا وكذا وش رايك
قال دلتا معلمين والله، الطنجره ب900 امريكي مستورد اصلي وشغل يدي 600، وقال دلتا اسعارهم كذا غالين ترى
وانا اقول وانت بكيفك خلينا على كلامنا يوم السبت جيب السيارة وخليني احاول اشوف وش المشكلة

مشيت من عنده والسياره فيها نتعه على خفيف وامشي وتحسها انها تقطع الخ
ولمن مشيت عليها أكثر من 20 كيلوا في شوارع الرياض أحس الموتر ضبط ولا عاد فيه شي
إلا الهزه الخفيفه واشوف الضغط فوق الواحد بسنتي يعني 11 واللي اعرفه 9 الطبيعي للضغط حال الوقف ( صححوا لي المعلومه لا أدري )

وقفت عند البيت ونزلت واكلت لي لقمه واخذت ساعه ورجعت وركبت السياره
واخذ فيها لفها واسرع واهدي وامشي 120 الخ الموتر الحمدلله ضبط !!

راعي دلتا يقول لي النتعه تكون على 60 و80 السرعه والموتر الحمدلله ما اشوف منه شي

ف وش رايكم ياجماعة الخير، ابي اجرب السيارة بكرا اكثر واشوف
رأيكم يمهني والله كثير

رأيي أنا اوديها لدلتا ما دام متخصصين وكذا ويغيرون الطنجره ( إذا الثير رجعت له مشكلته ) وإذا ماضبط توضيب ولاحول ولاقوة إلا بالله

أعتقد ان سيارتك جاتها ربكة وبدأت تستعيد توازنها
اذا ما عندك نية سفر قريب خلي سيارتك معك
لا تخليها عند الورش يخربونها زيادة
خاصة الجنسية اللي انت ذكرتهم الله يهديهم