[SIZE="3"]بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
قبل لا ابتدي الموضوع لازم ناخذ فكره عن نظام التبريد في السياره عشان نعرف مدى جدية موضوع الماي العادي وتأثيره على المدي البعيد :
هذا هو نظام تبريد الماء في السياره :
المكون من المروحة - الراديتر - الواتر بمب ( مضخه الماء ) - ممرات الماء في البلوك .. ونفس الماي يمر على دفاية المكيف في حال تشغليها في الشتاء .
هذا فيديو عن طريقة صناعه الراديتر ونشوف الممرات اللي يدخل فيها الماي
http://www.youtube.com/watch?v=ayQWXlRDW_c
الواتر بمب ( مضخه الماء ) تقوم بضخ الماء من الراديتر إلى البلوك وعقب تسحبه من البلوك وترده للراديتر
في منها نوعين
الأول ميكانيكي .. ياخذ حركته من سيور المكينه وكلج المروحه يكون مرتبط فيه
الثاني يشتغل بالكهربا وغالبا نشوفه على المواتر الألمانيه والأوروبيه
الثرموستات : ينظم كمية تدفق الماء إلى البلوك على حسب الحراره المظبوطه من المصنع
( البعض يشيل هالقطعه وماانصح بهالحركه لأنها تسبب اختلاف كبير بين حراره البلوك في غرفه الإحتراق وحرارته في ممرات الماء حواليه )
فيديو توضيحي لطريقه عمل الثرموستات
http://www.youtube.com/watch?v=T8cGKdICJmc
لما يدخل الماي في ممرات البلوك يمر كذلك على مبرد آيل موجود داخل البلوك وهذي صورته في مكينه التيوتا يكون تحت فلتر الزيت
اضرار الماي العادي :
- يكون ترسبات داخل البلوك بسبب الآملاح اللي فيه + صدى داخل الممرات ( وحتى لو كان البلوك المينيوم بيكون فيه رواسب )
درجه غليان الماي العادي اقل من درجه حراره ماى الراديتر اللي من الشركه وهذا يخليه يتبخر بسرعه .
الترسبات والآملاح راح تنتقل للراديتر ويسبب له انسداد وممكن تضطر انك تصيخ الراديتر او تبدله بالكامل .
وهذي بعض الصور لمكينه موتري السابق ( نيسان قديم ) لما فكيتها وشفت العجب
مع العلم اني مسوي تنظيف للمكينه ومبدل الواتر بمبر القديم والراديتر ، وكنت حاط ماي راديتر اخضر
ولاكن الترسبات هذي كانت بسبب استخدام الماي العادي من قبل المالك السابق للموتر واظن الصور معبره عن وضع المكينه من داخل :
اتمنى ان الموضوع نال على إعجابكم وان كان به فايده فالتوفيق من الله وإن كان به خطأ او تقصير فمن نفسي
إ
منقوووووووووووول
[/SIZE]
