انا بقولك تجربتي ممكن تستفيد منها سيارتي تاهو 2015 LTZ
واجهتني مشكله قاعده الصدام الامامي وهي مخصصه لوحه الصغيره
بعد تردد طويل و خوف من تشويه السياره توكلت على الله و قدمت على اللوحات الطويله في المرور (فقط اخذ الاستماره و لا خذ نص دقيقه و قالي راجعنا بعد 15يوم )
بعد انقضاء المده وانا في تفكير استلم لوحه واحده او لوحتين
مريت محل للزينه و شفت هندي و قلت له اي ابي افك هذي القاعده عشان اركب لوحه طويله جلس يناظر و قالي تجي عادي هذي نفكها بدريل و كل شي في السليم ان شاء الله
توكيت على الله و جبت له ريشه (راس دريل ) صغير عشان ماتكون الفتحات كبيره و نفع الحال و طلعت هي مخرمه من الاساس لكن التثبيت بحاجه ماتتفك إلا بدريل طبعا هي 4 فتحات
2 في الصدام (يصيرون تحت اللوحه)
2 في البلاستيك الاسود في الصدام فوق اللحيه و تم تسكيرها بكلبسات سوداء مسطحه و صارت ماكانو فيها حاجه إلا الي بيجي جنب السياره و بيدقق
نجي الى التركيب
الاماميه اخذت لزقه 3M الاصليه يمكن قيمتها 30 او 35 ريال (تحتاج 2 للوحتين )
ولزقتت اللوحه من الخلف ثم كبستها على الصدام (مهم تخلي معك واحد عشان توزنها في المنتصف
(مهم يكون الصدام نظيف + جاف ) بعد التركيب خلك ضاغط دقيقه على اللوحه من جميع النواحي عشان تمسك ضبوط
اللوحه الخلفيه
بما انها مخرمه من الوكاله
رحت محلات تفضيل المداخن للمطابخ و اخذت صاجه اصغر من اللوحه بشوي يمكن اعطيته 5 ريال عليها
(ميزتها ماتسبب حلى مع الرطوبه و غسيل مثل الحديد و خفيفه )
سويت لها فتحتين و ثبتها بالمسامير من فوق و تحت او الزوايا حطيت من للزقه 3M عشان ماتتحرك مع المشي و تشمخ السياره او اي شي (زياده حرص فقط)
ثم ثبت اللوحه بنفس الطريقه الاولى على الصاجه و صارت :xyxthumbs: لا بلوط ولا حواف ديكور كانها راكبه مباشره
سبب تركيب بدون فريم لاني مجرب فريمات من قبل و حسيتها ماتتحمل الشمس ولا الطرق و تحتاج تغيرها كل فتره ؟!؟ ممكن في انواع لكن هذا الي كنت احصله في محلات الزينه
و اشوف اللوحه بدون فريم و لا بلوط حلوه على السيارت الفخمه و تعطيها منظر احلى
ان شاء الله تستفيد من تجربتي و بالتوفيق
