سيارات شفرولية الكورية و الأمريكية

الماليبو من بدايته هو امريكي .. ما عدا الجيل الحالي صار كوري .. اما الجيل الجديد 2016 فما عندي خبر

مشكووور اخوي ع التوضيح والموضوع المفيد
شرح وافي وكافي

بمر الوكاله لانهاء بعض الاوراق... و بشيك عليها ان شاء الله

الماليبو ليس دايو بل يصنع في مصانع كوريا بسبب رخص الايدي العامله والي يقول ان الاكاديا والترافيرس كوريا غلطان الاكاديا والاترافيرس صناعه امريكيه والموري الدايو هو ( الابيكا وبعض السيارات الصغيره )

امتلك ماليبو 2014

صحيح انها كورية ( ماني متاكد هل هي دايو او لا )

لكن يشهد الله انها موتر ما ندمت عن كل ريال دفعته فيه

سعر ممتاز مقارنة بالمنافسين و مميزات حلو و السيارة تخدم

الكرزو و الماليبو لها اصدار خاص بالشرق الاوسط يجي من دايو

اما في السوق الامريكي ناسي من وين بالضبط لكن اما امريكي او كندي و حودتها افضل حتى اشكالها غير


التريل بلزر و الكولورادو هو ايسوزو دي ماكس والله اعلم حتى يمكن نفس مصنع الهايلكس و الفورتشنر بتايلند

يا شباب هولدن مملوكة بالكامل لجنرال موتورز من زمان منذ ثلاثينات القرن الماضي

و بعدين تعتبر هولدن فرع جنرال موتورز في استراليا

و الاسم GM Holden

و هذا فيديو اعلان لكابريس استرالي قديم في العام 1980

كابريس ستاتيسمان

يعني من ايام كان الكابريس الامريكي عايش عصره الذهبي

بس الكابريس الاسترالي ذيك الفترة كان مقتصر على استراليا و ما حولها

اترككم مع الفيديو

https://youtu.be/SL0vHe8188k

مشكور علي طرح الموضوع, كن المفروض انك تسوي بحث عشان تعطي المعلومه كامله. دايوو مملوكه بشكل شبه كامل من قبل gm, و gm تمتلك 49% من ايزوزو يعني هيا صاخبة القرار لان باقي نسبه اسهم ايزوزو هي ملك لتويوتا ونيسان ومتسوبيشي... عشان كذا gm طورت ماكينه ال duramax الي ماهي مشهوره بالخليج . مع احترامي للجميع السيارات الكوريه زباله تجربة الوالد وتجربت اصدقاء كثر. لاسيارات الكورية زي بكيت الدخان بعد ما يخلص لازم تقطه في الزباله:). والهولدن يتصنه بالكامل في استراليها. زي البياع الي يقلق الايفون امريكي تجميع الصين

جميع سيارات جينرال موتورز اللي كانت تصنع

خارج امريكا صحيح كانت اقل من المستوا المطلوب

بس كانت اسعارها اقل من منافسينها ب جوده ممتازه

والاهم سعر قطع الغيار .. مثلا اوبترا في شخص يملكها وهو اغلب سياراته يابانيه

المهم يقلي عن سعر قطع غيارها انصدمت صراحة و مدح لي السياره في الاستخدام

بس الان اغلب السيارات بدات تهتم بها شيفروليه اكثر ولاحظو كروز والماليبو وقارنوها مع

منافسيها من ناحية السعر والمواصفات .. وسيارات هولدن وغيرها

يا أخواني سيارة كانت عندي أيبيكا كانت جيدة مب ممتازة لكن مب سيئة بشكل مبالغ فيه تمشي حال كانت موديل 2007 بعتها 2013 مشت

فوق 200 ألف ...بشوي بعتها وهي تمشي بعد أستخدامي كان لها بشع بشكل ماتتوقعونه ...

صحيح فيها بعض الأعطال..... فيه سيارة أحسن منها بس كل سيارات إلى بقيمتها في نفس مستوى يعني واحد يخبرني يعرف رجال كامري 2007 ماشي

على 140 ألف مكينة ضربت عليه ...(((أستثني بكل صراحة الهوندا سيفيك ))

وكانت أيبيكا مميزة بشكل ما تتصورنه مكيفها ثلج و بريك و ثبات ممتاز بالمقارنة بالسعر ألي شريته بها يعني أيام مطر أحاول ألعب بس ما شاء الله كانت ماسكة في الأرض

أضرب بريك أيام مطر بقوة ما تحس بالفرق بين بريك يوم مطر و يوم عادي

من فترة قريب كنت أتمشى في يوم مطر شفت كامري على لفه فقد سيطرة عليها قلت في خاطري الله يرحم زمانك يا إيبيكا ....


أقدر أجزم أن لو كانت عندي أي سيارة ثانية غير أيبيكا يمكن كنت متعرض لحوادث عديدة و حتى كان يمكن أموت بختصار لأني كنت

متهور وكان عمري هذاك الوقت 18 إلى 19 سنة تقريبا .لأن سيارة بكل أختصار كانت في أوقات شدة تستر علي بكل صراحة ...

فأرجوكم بعد مبالغة

مافيه شي اسمه تجميع ايا شركة تطمع باليد العامله قليلة الراتب ووفرة المواد المستخدمه في التصنيع لاكن جي ام اعطت علامتها شفرولية لدايو وهولدن والنتيجه تدمير سمعة شفرولية في الشرق الاوسط واسيا لتدني جودة السيارات المنتجة للسوق الاسيوي بالعاميه اعطيك تقنياتي وانت انتجها لاكن انت ماتنتجها زي ماانتجها انا صاحب التقنية الاساسي فينتج منتج متوسط الجودة ك شفرولية استراليا (هولدن ) وشفرولية كوريا ( دايو )

الموضوع فيه بعض المعلومات ماهي صحيحه
الترافيس و الاكاديا و التريل بليزر و التيرين هذي ماهي امريكيه

السيارات الكورية حقت gm او بالاصح دايو سيئة جدا لا احد يقرب منها الي يبي موتر عز ياخذ made in usa الموتر الكوري ابوكلب مو موتر درداعه خرده من خراباتها ومشاكلها يعطيك العافية حمد الله عارف المعلومة ان شاء الله يستفيد الغير

جنرال موتورز اشترت نسبة مسيطرة في دايو بعد اعلان الأخيرة افلاسها

والنتيجة : سيارات كورية بعلامات امريكية

شكرا لك عزيزي,,

بس السؤال هل تفرق الجودة بين المصنعين اللي بكوريا والي بامريكا,,

بنظري انها تفرق وفرق كبير
’,

بس شرايك انت بالموضوع,.؟

الامبالا لها خط انتاج في كندا
والتريل بليزر الجديد تجميع تايلاندي

اخوي مافيه تجميع استرالي السيارات الاسترالية من هولدن تعتمد تقنيات جي ام فقط الصناعه استرالية بالتعاون مع شركات كديلفي لتصنيع القطع الكهربائية