أريد نصيحة ياهل النصيحة ( بي أم دبليو 540 )

شحفان القطو @user_636 · 28-05-2002

في سياره عايبتني وااايد ، نوعها بي أم دبليو أم 5 يعني 540
موديل 2000 ماشية 62.000 كم تقريبا..
استعمال حرمه ، اللون/ دم الغزال.

طالبه فيها: 120.000 درهم

شو الراي تستاهل ولا؟!

المواطن @user_606 · 29-05-2002

اخوي شحفان القطو
يبين عليك من الامارات

وانتة اتعرف ان البي ام اكثر منه في الامارات ماشي بعد

السعر الي قلت عنه وايد غالي مب شوية واااااااااايد

موديل 2000 الشكل الجديم بتحصل 740 في حدود هذا السعر

اتعرف 540 سعرف في الوكالة بين
130 و170
حسب المواصفات

تبي نصيحتي
اغسل ايدك من هذا الموتر

وبعد موديل 2000 وماشيه 62.000 كم تقريبا
انا اشك انها استعمال حرمة

والله هذه نصيحتي
وانتة كيف

اخوك المواطن

الجواد @user_37 · 29-05-2002

اخوي القطو رديت عليك بمنتدى مراكز الفردوس

يعطيك العافيه عزوز على خفت دمك الحلوه هذي:ميت ضحك:

LHS @user_39 · 28-05-2002

استعمال حرمه

كويس
اكيد هالحرمه ماتفحط فيها ولاتروح اماكن وعره

موديل 2000 وماشيه 62000 كم بس
معناها هالحرمه ماهي راعية مشاوير كثيره

اللون دم غزال
معناها ان هالحرمه راعية كشخه
وتحب تلفت النظر
وأكيد انها تمشي بشويش
عشان تخلي الناس تتمقل بسيارتها

طالبه فيها 120 الف درهم
والله ماعندي خبره باسعار البي ام
لكن الشباب مابيقصرون

تبي رايي اتكل على الله وتزوجها
اووووه انت تسألني عن السياره
معليش آسف مااقدر افيدك
لأن مالي خبره بالالماني

لكن على فكره
المدشل أحد الاعضاء عندنا
وعنده ورشه لاصلاح وبيع وو ووو السيارات الالمانيه
يمكن يفيدك اكثر مني
على فكره هو عنده منتدى
اسمه منتدى مراكز الفردوس
تحصله تحت في صفحة المنتديات

وبالتوفيق
الله يوفقك
اووووه نسيت
حياك الله معنا بالمنتدى
ونورت المنتدى
بس بالله لا تقطعنا
والحين
:باي: مع السلامه :باي: