السلام عليكم ورحمه الله وبركاته
اخواني اصحاب اليوكن والتاهو الموديل الجديد (2015) للي له رغبه في تركيب اقزوز سستم (شكمان رياضي ) يبدا من بعد دبات التلوث طبعا لين الاخير( لا يطلع تشك انجن ولا يسقط من الضمان ) نوع الاقزوز كورسا(CORSA) يعتبر اغلى اقزوز على هالموديل لكن مزاياه تشفع له وبرضوا من واقع تجربه في موديل 2011 انصح وبقوه تركيبه خصوصا بالسعودية واجوائنا الحارة
النوع : Corsa 14859
السعر : 4061 ريال احتمال ينقص او يزود بشي بسيط من غير شحن
انا طلبت للموديل الجديد وسعره والله يعتبر غويلي مع الشحن لكن والله ممتاز وله وكيل هنا بس حاط له سعر فلكي ويقول يجلس حوالي شهر وعليها ويوصل هنا وانا ولله الحمد اطلب اقزوزات من برا من عام 2010 اقزوز وفلاتر فقط
المهم بقول المزايا الي انا لاحظتها في الموديل السابق 2011 وعليها اعتمدت اني اطلبه حتى في الموديل الجديد
1- الطرب يعطيك عز ال 8 سلندر ويطرب اذنيك بصوت المكينة وهذا احد اهتماماتي في الامريكي
2- اختفاء الحرارة اقصد المراوح معد تشتغل كثير وبدون مبالغة بعز الظهر كنت لما اوقف جنب السيارة وهي مشغله ماتحس بالحراره الي تجي من تحت
3- صارت تتنفس المكينه بحكم اقزوز الوكاله مكتوم ويكتم المكينه زياده
4- راحه المكينة وتحس تجاوبها اسرع لما ينقل منن 4 سلندر الى 8 سلندر
5- البنزين يقولون يفرق معك ويقل صرفيته وانا اشوف العكس زادت بسبب التدعيس
6- نسبه خروج الهواء من المكينة عالي
ميزه الاقزوز كورسا انه ما فيه Drone داخل السيارة يعني زنه او ازعاج بدون مبالغه هدوء داخل السيارة وانت تمشي 100 rbm مثلا على 2 وللمعلومية في الموديل السابق كنت اشيل الاهل ونمسك خط ولا اشغل مسجل ولا كان مزعج بالعكس عادي جدا وان لمست الدعسة سمعك الي يطرب اذنيك
انا اسوق للمنتج وانصح فيه ولا يسقط من الضمان ابدد وانا صار عندي مشكله دفرنس في الموديل السابق وصلحوه وكاله الكندي الامارات والتوكيلات الرياض ولا قالو لا وليش مركب اقزوز
وميزته مسامير لا تلحيم ولا شي ركب وفك كله مسامير
انا انصح والي مركبينه اتوقع بيعرفون فرق الراحه في المكينه والاداء الممتاز الي تحس الموتر صار خفيف ويتجاوب اسرع
وهذا رابط لسيارتي الي قبل 2011 وكنت مركب كورسا جلس عليه سنتين من اجمل مايكون الموتر واسافر عليه كثير
هذا للموديل القديم الي كنت مركبه اول
وهذا للموديل الحالي والنغمه اختلفت صارت اجمل من اول ماشاء الله
اذكروا الله يالربع
اعتذر عالموضوع الطويل بس والله كان خاطري اقوله من زمان لكن ماحصلت فرصه ويوم شريته للموديل الجديد قلت اقولكم عنه
اصحاب الحوض الي يبي يطلب مااعرف سعره بالضبط لكن ابشرو لو احد يبي يطلبه
تم تعديل واضافه المقاطع بعد التركيب