السلام عليكم ورحمة الله وبركاته ..
من باب حب لاخيك ماتحب لنفسك ..هذه تجربتي الخاصه نظرتي للسياره بعد 1000 كم لن اطيل عليكم ..
مريت برحلة بحث وتمعن لرغبتي بسياره عائليه وفي نفس الوقت دفع رباعي لرحلات والسفريات وكذلك داخل المدينه ..
كنت ارغب ب gxr v8 الا ان سعره جنوني خاصه السعودي و ضعف مواصفاته مجبور صرفت النظر مع رغبتي له .
بيني وبين نفسي قلت الباترول خيار طيب وبعد البحث والتمعن وجدت اقل نوع بالباترول ب 176
والحقيقه اني اعرف ان الاسعار مرتفعه لكن يهمني اني اشوف الخيارات اللي قدامي وارغب بالسعر مقابل المواصفات.
اليوكن والتاهو اقل نوع دبل تتراوح حول 170 .
قلت سكويا ممتاز الا ان قلة المعروض وزيادة السعر اعلى من الوكيل قلت نصرف النظر عنه والا هو خيار طيب
شد انتباهي الاكسبدشن بعد التعديلات الداخليه الكبيره حقيقه بالمحرك واضافة تيربو والماكينه اصبحت اقوى من السابق واقتصادي اكثر ..السابق كان فعلا ضعيف المحرك بوجهة نظري بعد مشاهدتي لاحد المرات بالبر له .
زرت الوكاله وكان اقل نوع بالدبل 150 الف ..الحقيه لا يوجد تغيير يذكر عن السابق من الخارج ومايستاهل نطة السعر عن السابق بالشكل هذا ..صرفت النظر عنه الا انني اكتشف وجوده بالمعارض اكسبدشن 2015 خليجي ومضمون من الوكيل ل 3 سنوات او 60 الف وتاكدت بنفسي من هذه المعلومه والسعر كان 132 الف جاهز باسمك بالدبل والحقيقه سمعت والعهده على الراوي ان الاسعار راح ترتفع له مع بداية العوده للمدارس بالمعارض .
بعد السؤال عن الاكسبدشن طلعت انه عملي الموتر للمدى البعيد وسعر القطع رخيصه ..والمواصفات كانت ممتازه بالاضافات اللي تمت عليه ومناسب للسعر الحالي للسوق.والسياره راح استهلكها نهائي وانا انسان ماتهمني كثير من الموصفات لذلك اكتفيت بالاساسيات من ( قوة محرك ودفع رباعي و ارباقات اماميه وجانبيه وكمره خلفيه وبلوتوث وusb )
ماشاء الله تبارك الله
اول ماطلعت السياره كانت شوي وتطفي عبيتها 100 لتر كان الفل حقها ب 45 ريال وكان راح يمشيني 700 كم
الملاحظات الاجابيات والسلبيات
السلبيات اول
لحد الان لاحظت ان ديكور السياره الامامي من اعلى ليست ذيك الجوده .
مراوح التبريد صوتها عالي وتطول وهي تشتغل والسبب على مااعتقد تبريد التيربو اللي بالسياره.
صوت ارتطام الهواء يتم سماعه من بعد سرعة 110 كم.
الشكل الخارجي قريب جدا من القديم والتغير فقد المقدمه واضافة كروم بالخلف وتغيير الجنوط.
الإجابيات ..
المحرك بطل وتحس بقوته ..
السعر مقابل المواصفات ..
تغيير النور وصار العالي والواطي مفصوله وصار النور اقوى من قبل ..
المكيف الى الان ممتاز ولم اشاهد اي ملاحظه عليه ..المديل السابق كان تبريده ضعيف على ماسمعت .
للعلم لم اقارن السياره بالسيارات الاخرى الا فقط بالسعر وكل سياره لها ميزاتها وعيوبها وانت كمستهلك تحدد توجهك ورغباتك ..
اتمنى اني مانسيت شي وبالتوفيق لكم