السلام عليكم
ك أول موضوع لي في هذا المنتدى حبيت اتكلم عن الميني الشركة اللي مو معطينها حقها بالسعودية
طبعا ما راح اتعمق كثير عن الماركة بس قشريات اولا واذا احب يبي اي استفسار انا موجود
بالنسبة للميني وكيلها الناغي ومعارضها بالعادة تكون مع بي ام دبليو والشركة مملوكة ل بي ام دبليو بنسبة كبيرة جدا
السيارات الموجودة في السعودية
1 ميني كوبر وتجي فئتين
2 ميني كوبر كانتري مان وتجي اكثر من فئة بس حاليا على اخر زيارة ما كان فيه الا فئة وحدة
اول وحدة فئتين طبعا في السعودية جتيبين مواصفات عالية وتركوا بعض الاكسسوارات اللي ممكن تغلي السيارة اكثر وخلوها للي يبي بالطلب
1-ميني كوبر
ثلاثة سلندر 136 حصان تطوير وتصنيع بي ام دبليو المحرك ومستخدم في بعض سيارات ال بي ام مثلا i8 وغيرها
طبعا مواصفات عالية جلد فتحتين سقف بانوراما وشاشه 8.8 انش مع نافيجايشن انوار فل ليد وغيرها من المواصفات الاساسية
تجي نسختين 3 ابواب سعرها 136 الف مع ضمان 3 سنوات وصيانة مجانية 3 سنوات
ونسخة 5 ابواب لاول مرة من انشاء الشركة وسعرها 131 الف نفس المواصفات ونفس السيارة بس 5 ابواب
2- ميني كوبر اس
اربعة سلندر 2.0 لتر 192 حصان نفس الشي من بي ام دبليو وطبعا نفس مواصفات الميني كوبر العادية بس مكينة اكبر ورياضية وتعليق رياضي
نسختين 3 ابواب 148 الف نفس الضمان والصيانة
5 ابواب 148 الف نفس الضمان والصيانة
طبعا السيارات نفس المواصفات بس فيه مثلا ان السيارة توقف نفسها و هيد اب ديسبلاي واكتيف كروز كونترول وسماعات هارمن كاردن وكم حاجة كذا ما جابوها وخلوها للي يبيها بالطلب علشان ما يزيد سعرها اكثر ماهو زايد
طبعا السيارة دفع امامي بس ثبات رهيب صدقوني لازم تجربون الثبات قبل لاتحكمون عليها اكيد ثابتة شغل بي ام هي:ch1::ch19: والسيارة فخمة جدا و وجودة عالية جدًا طبعا من عيوبها صغر حجمها وهذا اكبر عيب فيها وحتى ال 5 ابواب اوسع شوي بس الباب صغير والدخول ضيق شوي بس احسن من ال 3 ابواب
وطبعًا فيه فئة ال JCW اتوقع الى الان ما وصلت السعودية بس السعر المتوقع 180 الف مكينة اقوى 2.0 230 حصان
0-100 ب 6.1 وهي نفس التسارع للكابرس 8سلندر هي فيها كل المواصفات حتى الاضافية موجودة فيها وكراسي رياضية بكت سيت
والسيارة ال countryman الفئة الموجودة ال countryman S JCW kit ALL4 دفع رباعي مكينة 1.6 188 حصان مكينة سيتروين بيجو فيها كل المواصفان هذي الفئة سماعات هارمن كاردن جلد بانوراما زينون ليد كل شي بس ما فيها التقنيات اللي بالكوبر العادية هذي موديلها شوي اقدم وراح يتغير شكلها بعد اقل من سنة كذا وطبعا سعرها 160 الف هذي اعلى فئة بس يمديك تطلب الفئت للاقل اذا حبيت
ما عليك من الوكالة يمديك تطلب اللي تبي بالمواصفان اللي تبي بالسعر اللي تبي هم بس يبون يبيعون الستوك اولا من الطلب
وبس يعطيكم العافية ان شاء الله اكون غطيت موضوع ميني في السعودية طبعا فيه سيارات ثانية تبيعها ميني بس هذولي اللي موجودة في السعودية وفرع الخبر بالضبط عشان ما اظلمهم بس يمديك تطلبهم لو بغيت
اي اسئلة انا موجود
