اكورد ولا .. ؟

[يوسف التميمي2]

السلام عليكم ورحمة الله وبركاته

ان شاء الله راح اشتري موتر الفتره القريبه هذي ومحتار بين الاكورد 2015 سبيشل و الازيرا النص فل 6 سلندر ، اللي يقولك اكورد عشان جودتها ولا تقولي صيني لان صناعة الصيني للهوندا تختلف عن فكرة الصيني اللي حنا بانينها لها و اللي يقولك ازيرا فخامه ورساوه و الاختلاف بالسعر مش كبير ازيرا نص فل ب 93 و سبيشل اكورد ب 91 وانا طالب جامعي وسواقتي يعني تقريبا نوعا ما هاديه بس بعض الاوقات انهبل شوي هههههههه ، عموما انا ابي موتر راسي بالخط وفخامه وبرضو ما يبلشني بالصناعيه بتقولي الاكورد مافيه فخامه! مدري احس بعد الشاشتين اضافو شوية فخامه عموما وصلت فكرتي واتمنى تعطوني الموتر الانسب لي لانه صكني راسي وانا محتار

[Laramie]

الخيارين عاديين وتقليديي
اذا انت طالب جامعه تبي موتر كل ماطالعت فيه تحس بالاثارة
وسواقته ممتعه
انصحك بالامريكي دفع خلفي
موستنغ الشكل الجديد 6 سلندر
كمارو 6 يلندر
او نشارجر 6 اذا تبي مسل سيدان..
كلها تدخل في ميزانيتك
وكلها محركاتها ومواصفات والقيور في فئات الستاندر افضل من اي خيار آسيوي

هوندا وازيرا سيارات ممله جدا للناس الحياتها ركيكه وتحب الروتين

[زووم6]

اكورد

[رنج كروزر]

يوجد إشكال في الخيارين:
الأكورد سعر مبالغ فيه لموديل 15, الأزيرا كأنها قربت يتغير شكلها
ولا كان قلت لك خذ أزيرا ومن المعارض عشان تكون طالع بصفقة
مرضية,
طيب والحل؟
أنا أقول لو تقدر تنتظر فيس لفت للألتيما.

[سلطان2020]

لاتاخذ الأمريكي أبد بما إنك تبحث عن الجودة وقلة الأعطال

[نظرهـ وترحآل]

لو تقدر تزيد المبلغ الفين ولا ثلاث بيكون عندك خيار ممتاز جداً

مازدا 6 فل الفل

[انت بطنك يعورني]

شوف الأمريكي ينفع للناس الي عندهم جسمهم يفرز هرمونات أنثوية فا مانصحك تشتري أمريكي

الماكسيما تبداء ب 80 الف وتجي 6 سلندر صح بتغير شكلها لكن حرام تشتري اكورد ب 90 الف 4 سلندر وعندك ماكسيما 6 سلندر وشبابي شكل السيارة وألوانها روعه وأقل نوع مواصفاتها ممتازه

عندك كمان كيا كادينزا ب 84 الف

عندك فلوستر تيربو ب 90 الف

عندك سيراتو كوبيه ب 84 الف ومواصفات الفل ابشن كائنك راكب قولف من حساسات اماميه وخلفيه لثلاجة ل هارد ديسك ل زنون لتحكم بالطارة بالمسجل ل تغير وضعيات القياده في الدركسون ل تنده لزنون لجلد داخل السيارة ل كاميرا خلفيه لجنوط 18 مقاسها لمكينة 2.0
وعندك كمان الجينسيس كوبيه ب 94 الف

وعندك المازدا سكس ومازدا 3 فل ابشنهم بقيمة استاندر اكورد

وعندك سزوكي كيزاشي سوزوكي سويفت سبورت

عندك نيسان جوك تجي تيربو ولو اني متوقع مابتعجبك لاءن مبين انك تحب السيارة يكون شكلها رسمي ونيسان جوك شبابي

الازيرا عيبها طبلونها يجيك كائنك راكب سوناتا وسواقتها نفس السوناتا ماتحس بفرق


بما أنك طالب جامعي خذلك سيارة كوبيه أو صغيره وعيش شبابك

عندك كمان الجيوب الصغيره راف فور وأخواتها توسان وقريب حينزل جيب هوندا اتش ار في سوف يحطم جميع الجيوب ويخلص العالم من الأشرار

ترى اليوم كنت بالوكالة وشفت جدول صيانة الهوندا

ال 5 آلاف كيلو تدفع صيانه مايزيد عن 250 ريال مع شغل اليد

إلى هنا حلوين لكن خدمة ال 10 آلاف كيلو حط ببالك 700 ريال وأنت طالع

خاصه صيانة ال100 الف ب 3500 الف ريال

[SHERLOCK H]

الازيرا بيتغير شكلها
الاكورد سعرها مبالغ فيه

لو بشتري ومعي نفس ميزانيتك
خذت المازدا 6