السلام عليكم ورحمة الله وبركاته
أسعد الله مسائكم بكل خير
الموضوع ان احد الاصدقاء القريبين جداً نوى يشتري موتر ولأن موتره الحالي خرب ف لازم يشتري ف هالاسبوع كحد أقصى
عنده ثلاث شروط او متطلبات بس :
1_ الراحة : سواء مقاعد و سسبنشن
2_ العملية والتحمل : ناوي يقعد الموتر معه 7سنين كحد أدنى
3_ الأداء: موتره الحالي 4سلندر فأقل شيء يبغاه v6
ميزانيته حدود ال120الف ريال
الفئة اللي توفر ذي المواصفات اللي هي الفل سيدان شايلها من راسه لان كلها بتتغير
وصفى الإختيار على 3 سيارات (إذا عندكم غيرها اذكروها) :
1_ اللينكولنMkzستاندر :
أعجب جداً بتقنياتها وشكلها وفخامتها الغنية عن التعريف وعروض الصيانة ثلاث سنوات اوالضمان الممتدة حتى 6 سنوات او 200.000km **بس متخوف ان تكون حساسة**
(134 الف ريال شامل التأمين والمصاريف)
2_ دودج تشارجر 2015 الفيس لفت 6v نص فل:
شكل جديد (توه نزل هذا الاسبوع) رهيب ومتوحش ، المساحة الداخلية ، ناقل حركة الماني zf 8 تبديلات ، نافيجيشن كشافات ضباب حساسات وكاميرا خلفية وبعض المواصفات الاخرى + دفع خلفي ***كلنا نعرف سمعة السيارة في الخرابات وسمعة الوكيل في الصيانة بعد ! على قولة المثل : اجتمع المتعوس مع خايب الرجا ! لكن م ادري عن الجيل الجديد (2012 وفوق)***
وللتذكير الرجال ناوي استخدام 5_7 سنين
(136 الف ريال)
3_ الفيوجن الse فل كامل : صراحة انا اللي اضفت له هذا الموتر ع اساس ان مواصفاته مثل التورس الlimted ولكن ماني متأكد من مواصفاتها **مشكلتها المكينة ضعيفة (4سلندر 2.5 175hp) حتى بالنسبة لموتره الحالي اقوى منها**
(121الف ريال)
اللي مجرب احد المواتر يفيدنا وخصوصاً من ناحية الاعتمادية والصيانة وقطع الغيار
إذا يوجد عند احد توضيح لنقطة او تصحيح معلومة
ولمن عنده علم بمواصفات الفيوجن يفيدنا
.. في انتظاركم
