مقارنة بين هوندا سيفيك 2015 VS مازدا 3 2015

الامــيــر @user_81389 · 11-02-2015

السلام عليكم ورحمة الله وبركاتة

مسيكم بالخير كيفكحم ان شاء الله طيبيين

اخواني انا الان في حيره من امري

خلوني اعلمكم قصتي

انا معي يارس 2009 وطبعا تهرب زيت والمكيف مافيه بارد والرفوف ترقل والباب الخلفي مصدوم واشياء تضيق الصدر هههههههه
المهم الحمدلله اقتدرت اشتري لي سياره قميتها 90 الف وتحت
وصراحه ابي سياره تقعد معي اقل شيء اقل شيء 8 سنين وابي سياره ما تشتكي وماتقول اح
وحقت خطوط وشبابيه
طبعا ودي بشي فل كامل يعني فئة الكامري والاكورد مايمدي عليهم لاني ابي فل كامل

ف من تمشيتي بالنت وأسالتي وقرقتي صفيj ع سيارتين نفس الفئه وطبعا ياباني ياباني
واحترررررت فيهم حيل الي هم هوندا سيفيك 2015 فل كامل و مازدا 3 2015 فل كامل

طبعا شفتهم وكلهم احسهم يأدون زي الغرض

ميزة الهوندا اجمل من المازدا في الداخليه وشكلهم برا عندي متعادلين والمازدا ك قوة مكينه هي اقوى

طبعا ابي شي بعر اعدل عليه يعني ممكن السيفيك تقبل التعديل ولا تشتكي ومممكن المازدا تقبل التعديل

المهم اخواني

هذي مواصفات مكينة الهوندا سيفيك الي سالت عنها وعرفتا
اربعه سلندر
1.8 ليتر
143 حصان

اما مواصفاتها العامه
جنوط مقاس 17
مراتب جلد
فتحة سقف
كاميرا خلفيه
AUX
USB
مثبت سرعة

ومادري وش باقي مواصفات
سعر الفل كامل مانزل 2015 لسى بس الموظف قال المتوقع من 88 الف الى 90 الف

داخليتها

من الخلف

من الامام

ذي مواصفات مكينة مازدا 3 الي سالت عنها وعرفتا

4 سلندر
2.0 ليتر
155 حصان

اما المواصفات العامه

جنوط مقاس 18
مراتب جلد
فتحة سقف
كاميرا خلفيه
شاشة خرايط
زر تفتح الشنط من الشنطه نفسها وهذا شي عاجبني حيل
AUX
USB
وماوس تحكم
الظاهر فيه مثبت سرعة

سعر الفل كامل ب 82 الف ريال

داخليتها

من الخلف

من الامام

الموضوع من جهدي الشخصي

والله ي شباب حييل محتار عطوني نصايحكم شكلي بغثكم :bigggrin:

keep on @user_306396 · 04-03-2015

المازدا 3 صغير حجمها مثلها مثل الاكسنت في حجم الداخليه وانت كان عندك يارس وايضا صغير حجمها
وانا اشوف التغيير حلو وشي جميل وبعدين عندك مبلغ ما شاء الله يعتبر جيد ويجيب لك سياره اكبر واحسن من المازدا 3

انا اقول الفورد فيوجن نص فل اعتقد سعرها بالوكاله من 87 او 89 سياره كبيره و حلوه داخليتها وايضا شكلها الخارجي من الامام
وعزلها اكيد ممتاز يعني تسافر ولا تحس باصوات الطريق طبعاً ماجربتها بس معروف الفورد في العزل

انا رحت شفتها بالوكاله وسألت عن قطع الغيار وطلع رخيص الى متوسط واغلى شي الشمعه الاماميه
واعتقد كذلك في المازدا 3

معليش طولت عليك بس حبيت اقولك لا تظلم نفسك بسياره صغيره وانت عندك امكانيه تاخذ الاكبر والافضل من مواصفات وقوه ، وشكراً

Black Ice @user_304635 · 04-03-2015

انا ما جربت السيارتين عشان كذا ما اقدر انصحك
غير انك تشوف الفورد فوكس او فيوجن قبل ما تتخذ قرارك
بالتوفيق

ChevyLover @user_251198 · 03-03-2015

ارشح لك المازدا
لكن عيبها اذا كنت بتاخذها من الوكيل لازم تدفع عربون وتنتظر لين ماتصول لان الدفعات قليلة وتخلص بسرعة

MaiThooM @user_297982 · 03-03-2015

k

khofisiz

انصحك بالمازدا
يعيبها العزل الجانبي وصوت الهواء الحقيقة ليس بالمستوى المطلوب
اذا انت راعي خطوط الله يعينك ركب سدادات للاذن من الصيدلية ب 3 أو 4 ريال !

اظنك تبالغ .. او انك متعود على سيارات من فئات اكبر من هاذي ..
عموماً هذي الفئة مستحيل تلاقي فيها عزل بالمستوى المطلوب .. مهما كانت السيارة
ترى انت ماخذ سيدان من الفئة مابين الصغيرة والمتوسطة ..
سيارات ماهي مخصصة للخطوط بشكل فعلي ..

عموماً اخوي صاحب الموضوع ..
الحقيقة مع امتلاكي للسيفيك " 2008 " .. وحبي لها ..
انصحك بالمازدا 3 .. به مواصفات امان ماراح تحصلها حتى في فئات اعلى منها ..
واهم شي الامان وانا اخوك .. المواصفات الثانية الرفاهية ممكن تركبها برا ..
ما نستهين بمواصفات امان الـ سيفيك طبعاً .. لكن المازدا 3 تتفوق عليها الصراحة

ulvulv @user_238238 · 16-02-2015

بختصار كتصمييييم اكيد المازدا3 لكن كعملانيه الهوندا لان السيفيك تتفوق على المازدا وهذا اللي يهمني في المساحه والوسع الداخلي وارتفاع مكان رأس الركاب وتحياتي لكم

techmate @user_74279 · 15-02-2015

لم أجرب السيارتين, لكن بـ 90 ألف بالإضافة لخياراتك عندك الخيارات التالية:

- كيا اوبتيما فل.
- كامري GLX
- فورد فيوجن فل
- ماليبو LTZ
- كورولا فل

khofisiz @user_48894 · 13-02-2015

انصحك بالمازدا
يعيبها العزل الجانبي وصوت الهواء الحقيقة ليس بالمستوى المطلوب
اذا انت راعي خطوط الله يعينك ركب سدادات للاذن من الصيدلية ب 3 أو 4 ريال !

MHD LEXUS @user_268760 · 12-02-2015

الخيارات كثيره ب مبلغ م ابي اشتتك واقترح عليك سياره ثانيه
ارشح المازدا وبقوه اذا هي نفس مواصفات الي كتبها الاخ مازدا

SHERLOCK H @user_279998 · 12-02-2015

مشكلتي مع السيفيك ان انتشارها ضعيف " اقصد لهذا الشكل عكس موديل 2008 الي كان منتشر "
بينما المازدا 3 , 2015 , صاير اشوفها بالرياض بكثرة لفئة الستاندر

عن نفسي لو معي 90 الف , شريت فورد فيوجن ولا دورت امبالا LS بالمعارض

H-KYD @user_76343 · 12-02-2015

لعتمادية محركات هوندا مافي مثلها
والسيارتين متقاربة مع تفوق لل3 بالمواصفات وسعة وقوة المحرك لاكن لاتستهين بمحرك السيفيك لانة يقدم ادا يعادل محرك سعتة 2.0 وانا شخصيا اميل للسيفك لانها نن زمان لها جودتها واعتماديتها ولزوم داخله وبقوة ي زمن اصبحت السيارات فية تهتم بالكم لهائل من لمواصفات وتتغاضي عن امور اساسة
وبالسعر الي بتدفعة حبذا لو تعيد النظر في فئة اكبر القرار لك في الاخير

الله يكتبلك الي فية الخير

KOERU @user_291946 · 12-02-2015

الهوندا سيفيك ممتازه , مشكلتها اعتقد ان محركها قديم ماسمعت انه تغير من 2007 تقريبا , ونفس الكلام ينطبق على التصميم الداخلي والخارجي من 2007 تقريبا لم يتم عليه التغيير الكبير

لكن السياره بشكل عام ممتازه ولها سمعه ممتازه جدا , بالنسبه لوسائل الأمان اتوقع هوندا فيها 6 وسائد هوائيه لان اتوقع هوندا ماتلعب في مواصفات الأمان تجيبها كامله
ولو اني مااعرف الكثير عن مواصفاتها ولا كان افدتك اكثر

بالنسبه للمازدا 3 شبابيه وشكلها جديد بالكامل من ناحية كل شي شاصي وقيربوكس محرك وبودي وتحتوي تقنيات SkyActiv التي تعتمد بالدرجه الأولى على خفة الوزن , محركها قوي ( نفس محرك اختها مازدا 6 ستاندر ) ويعتبر من اقوى المنافسين ان لم يكن الأقوى واقتصادها عالي جدا بالوقود

السياره ممتازه في إختبارات التصادم والأمان :

-اخذت 5 نجوم في اختبارت السلامه من معهد السلامه الأمريكيه

http://www.iihs.org/iihs/ratings/vehicle/v/mazda/3-4-door-sedan/2015

- من معهد السلامه الأوروبيه أيضا

http://www.euroncap.com/results/mazda/3/537.aspx

مواصفات الأمان والتقنيات :

- 6 ايرباقات ([COLOR=Black]2 وسائد هواء أماميه للسائق والراكب 2 بالمقاعد الاماميه 2 على جوانب السياره للحمايه من الإصطدام الجانبي) + ABS + EBD + BA + نظام منع انحراف المركبه ESP[/COLOR]

[COLOR=Black][COLOR=Red]رادار أمامي ويشمل :
[/COLOR][/COLOR][COLOR=Black][SIZE=4][COLOR=Green][COLOR=RoyalBlue]
- مثبت السرعه الرداري من مازدا [COLOR=Black]MRCC وهو لقياس المسافه بينك وبين السياره التي أمامك ويخفض سرعة السياره أتوماتييكا بدون تدخل السائق في حال انخفاض سرعة السياره التي أمامك , ومن ثم العوده الى السرعه المحدده من السائق في حال عدم وجود سياره امامك اوتوماتيكيا ايضا [/COLOR][/COLOR][/COLOR]

نظام [COLOR=Black]SBS وهو نظام يقوم بتحذير السائق نظريا وصوتيا وذلك بظهور علامة BREAK مع وميض باللون الاحمر بالعدادات في حال الاقتراب كثيرا من السياره التي امامك في السرعات العاليه بدون استخدام مثبت السرعه , واذا لم يتم اتخاذ اي اجراء من السائق يقوم النظام بتعشيق المكابح وايقاف السياره اوتوماتيكا [/COLOR]

نظام [COLOR=Black]LDWS وهو نظام يحذر السائق نظريا وصوتيا بالعدادت في حال خروج السياره عن مسارها

- [COLOR=Red]رادار خلفي[/COLOR] ويشمل نظام RVM وهو نظام التحذير من السيارات الموجود بالنقاط العمياء سوائا من اليمين أو اليسار من خلال ضوء اصفر LED موجود على المرايا الجانبيه

وايضا يقوم بتحذيرك صوتيا ومرئيا من خلال وميض بالمرايه الجانبيه عندما يتم استخدام المؤشر للألتفاف وكانت هناك سياره بجانبك , و كلما زادت سرعة السياره القادمه من الخلف كلما أسرع النظام بتحذيرك وتصل مسافته الى حوالي 60 متر

- نظام AFS وهو نظام الإضاءه الاماميه المتكيف مع إلتفاف الدركسون

- نظام التحكم بالشعاع العالي HBC وهو نظام خاص بالإضاءه الأماميه بحيث يقوم بتحويل الاناره الى الوضع العالي بشكل اوتوماتيكي في حال عدم وجود سياره امامك او اي مصدر للضوء عن طريق الكاميرا الاماميه , واذا استشعر النظام وجود سياره امامك يقوم يتحويل الاناره الى الوضع المنخفض اوتوماتيكيا لكي لا تزعج الآخرين

وللمزيد تابع الفيديو :

https://www.youtube.com/watch?v=_kj0VNtU6i0
[/COLOR][/COLOR][/SIZE]

[COLOR=Black] بعض المواصفات [/COLOR]

- رشاشات تنظيف الأنوار
- زينون عالي وواطي ( عدسه واحده ) +أنوار LED أمامي + أنوار LED خلفي
-شاشه بنظام ( مازدا كونكت ) الجديد + ماوس للتحكم بها عند القير
- هيد أب ديسبلاي ( بروجكتر يعرض العدادات والسرعه ) أمام السائق فوق الطبلون
- مقاعد جلد + اعتقد انها كهربائيه + تأتي بلونين ( جلد أسود - جلد أوف وايت )
- جنوط 18 إنش

طبعا أكون معاك صادق اثنينهم اسعارهم غاليه على فئتهم هوندا سيفيك او مازدا 3 ولامست فئات اكبر منها مثل أكورد وكامري وسوناتا وغيرهم , ولكن المازدا 3 بالمقابل صحيح راح تدفع سعر غالي ولكن راح تعطيك تقنيات ووسائل أمان ومواصفات ماهي موجوده في هذه الفئه ولا في فئات أكبر واغلى منها

لذلك انا ارشح مازدا 3 مع حبي لـ هوندا سيفيك
تحياتي والله يكتب لك اللي فيه خير و آسف طولت عليك لكن حبيت افيدك بشكل كامل :smile:

:xyxwave:

أبـوأسـد @user_15810 · 11-02-2015

حقيقة وجهة نظري الشخصية من الخيارات المتاحة أرشح لك السيفيك

والسبب:
1- تفتح النفس داخليا مقارنة بداخلية المازدا 3.
2- أجمل خارجيا من المازدا 3 بالاخص من الخلف.
3- حركة الطبلون بالسيفيك أجمل وغير منتشرة.

الشياء الي ممكن تفقدها أن المازدا 3 أرخص وأكثر تطور ومواصفات وأقوى أحصنة
الي ماعجبني بالمازدا 3 أصرارهم أن مافي إلا داخلية لون أسود :c0038:

بالنهاية لا تشتري أين منهم إلا لما تجربهم وتشوف الي ترتاح له أكثر ولا تنسى الاستخارة

ودي أنصحك بسوبارو ليجاسي 2015 الجديدة كليا بحكم أنها فئة أكبر وأوسع ولأن قيمتها فل كامل في 89 ألف (غير سمعت لو تكاسرهم ووريتهم الدراهم بينزلون لك القيمة ولو شوي) لكن أذا كانت بتكون موترك الوحيد فممكن ما أنصحك بها والسبب رغم تحسن الوكالة في توفير قطع الغيار إلا أنها فيه أحتمالية وممكن مو بسيطة أن فجئة ماتحصل قطع الغيار الي بتحتاجها إلا أن كنت تقدر توفرها من الخارج وعندك بريد عالمي فهذا شيء ثاني

هذا رابط موضوعي عنها

http://www.assayyarat.com/forums/t285816.html

نظرهـ وترحآل @user_279126 · 11-02-2015

أخي الكريم

أنصحك بالألتيما 4 سلندر فل الفل

وإذا بالنسبه لخياراتك فأرشح المازدا 3 وبقوه

وفقك الله

ماجد ال اس @user_142613 · 11-02-2015

المازدا 3 هي ملكة هذة الفئة لا من ناحية الزينون العالي واطي المتكيف ولا من ناحية قوة المكينة

وجهة نظري بما ان السعر عندك تعدا 80 الف اتجه للفئة الاعلي كامري التيما سوناتا

اشوف السوناتا الجديدة انتشرت انتشار مذهل و ماعندي علم عن سعرها .

Concept-Design @user_291187 · 11-02-2015

السيفيك روعة جدا ومشهود لها بالعملية
والمازدا 3 من عشر سنين وهي تكد ومنتشرة بشكل كبير في شوارعنا ..

برأيي جرب السيارتين في الوكالة او خذها تأجير لمدة اسبوع وبعدها احكم

شاكوشان @user_304045 · 11-02-2015

داخليه وخارجيه وأداء وإقتصاد في الوقود وأمان ومواصفات تتعب وأنت تذكرها المازدا متوفقه في هذه الفئه بقوه وتغرد وحيداً

أما بالنسبه للإعتماديه ما أقدر أفيدك فيهم , وأعتقد كلهم متقاربين

الامــيــر @user_81389 صاحب الموضوع · 11-02-2015

سلام عليكم ابو مؤيد

حاب اسألك عموم المازدا كم يعيش استخدام شخص واحد ؟

وهل الفل تجي زينون ؟ زهل اقدر اختار لون للجلد لحال ولون السياره لحال ؟
وهل المكينه القويه متوفره ؟ وكم سعر الفل الكامل للمكينه القويه ؟
وكيف عزلها بالخط ؟ وعزمها كيف ؟

الي يعرف الجواب لا يبخل

ويعطيكم العافيه

أبو مؤيد @user_128009 · 11-02-2015

ارشحلك المازدا 3

ماتقدر تزيد المبلغ 8 الاف وتاخذ مازدا 6 ب 98 الف فل كامل ؟