شوركم وهداية الله (باجيرو سبورت - دورانجو - فورشنر & راف فور - سي ار في)

بعدين يا اخي الكريم


يا حبذا لو تعلمنا كم الميزانية اللي انت محددها للموتر الجديد علشان نقدر نساعدك في تحديد الموتر المناسب

لان بعض السيارات تكون نفس الفئة ومقاربة لبعضها بالمواصفات لكن تلقى تفاوت كبير بالاسعار فيما بينهم

خالص تحياتي

انا انصحك انك تسوي اختبار قيادة للمركبات اللي انت ناوي عليها ثم تحدد بعد كذا اللي يناسبك

لكن من رأيي أن الدودج دورانقو م

متاز ولا يغرك كلام الناس عن العيوب لان الى الان اثنين من اخوياي اشتروه "واحد شرى 2014 ليمتد بحدود 150 الف وخويي الثاني شرى الستاندرد ب 115 الف ريال تقريبا في شهر رمضان"

انا مقبل ان شاء الله على سيارة خلال الاشهر القليلة القادمة والدروانجو احدى خياراتي


الدوراجنو الجير بوكس حقه 8 سرعات الماني نفس الجيربكوس حق البورش كايين وجيب المرسيدس ام ال على ما اعتقد.

لكن المشكلة ان الدورانجو ماهو مصمم للبر offroading هو يعتبر كسيارة كروس اوفر cross over يعني استخدامك للبر راح يكون للاماكن الغير وعرة او الطرق البرية الممهدة

مواصفات الدروانجو قوية جدا وتتفوق على مثيلاته اليابانيات والكوريات

ويكفي انه صناعة امريكية وليس مثل الفورتشنر اندونوسي او غيره تايواني وصيني

بعدين فيه من الدورانقو مكينة 8 سلندر هيمي تطرب مساعمك على الخط وتعطيك عزم وقوة

والدورانقو من مزاياه ان غالبية اللي جربوه يقولون ان سواقته ما تحس انك راكب سيارة عائلية بل تحس انك راكب سيارة رياضية



https://www.youtube.com/watch?v=zX47Wc5n70M


https://www.youtube.com/watch?v=wNdmZiEw5nI


https://www.youtube.com/watch?v=vH8kcONTjf4




اذا تبي سيارة كويسة غير الدورانقو وبسعر حول الدورانقو انصحك بالهيونداي سانتا فيه تراه موتر ماعليه خلاف وممتاز وواحد من الربع شراه وكنت معه موديل 2014 ومسكنا فيه خط من جدة الى تبوك والاداء كان ماشاء الله عليه وسعره حلو شرينا الفل كامل من المعارض اصفار ب 125 الف

اخيرا ادعو لك بالتوفيق في اختيارك وان شاء الله تتوفق في اختيارك مهما كان

براحتك يالذيب

أرشح لك بعد الفورتشنر 6 سلندر فقط والمازدا cx9 على ان السيارتين من فئتين مختلفات

لكن الخيارات اللي انت طرحته تحتوي على كل النوعين , اما الراف فور ابعد عنه

4 سلندر وسعره فوق 100 الف وبدون مكيف خلفي

عندك الهيونداي سانتافي خيار ممتاز اذا ماعندك عقدة الكوري مايعيش

ومبين عليك انك ماتهتم كثير بسعر إعادة البيع من اختياراتك ومن سيارتك الأولى الجالنت

غريبه ماحطيت المازدا سي اكس 9 معاهم؟

أنا عن نفسي احذف الاندونوسي فورتشنر والتايلندي باجيرو سبورت عشان ضعف المحركات والسيارة قديمة من 7 سنين نفس الشكل
الدورانقو وكيل غبي والسيارة صراحة تخوف من العيوب المصنعية الي أقرأها في المنتديات والبيع في حراج
الهوندا سي ار في حلو بس مواصفات فقيرة

الراف فور ماحسو متناسب معاك لاءنك اكيد بتستخدم الجيب في البر والراف مو للبر

الباجيرو العادي مو عاجبك....

انتا حدد استخدام السيارة طول الوقت في المدينة ولا تطعيس بالبر خفيف،؟

أرشح الباجيرو العادي، لكن اذا انت مو مقنع فيه أحصر خياراتك بين الراف فور والسي ار في شوف ايش اللي يعطيك مواصفات تحتاجها واختاره
استبعدت الباجيرو سبورت والفورتنشر لمركبها القاسي والغير مريح وضعف الأمان فيها، لأن هي في الأخير وانيتات

معليش

الباجيرو العادي استبعدته عمدا لأني مو مقتنع فيه

اتقبل رأيك بصدر رحب



جمعة مباركة

دورانجو للسفر واريح من السيارات المذكورة

واذا تريد للاوف رود وسيارة ماعليها كلام الفورشنر لاتتردد فيه

حدد طلبك بالأول أنت وش بيكون نوع أستخدامك

فيه سيارات من الي ذكرتها تعتبر كروس أوفر سيارات مدينة وغير مخصصة للطرق الوعرة

السيارات الي ممكن تكون بعيدة كل البعد عن الكروس أوفر هي باجيرو سبورت وفورتشنر

حدد احتياجاتك واستخدامك وراح نفيدك وش الخيارات المتوفرة

ومثل رايي أحد الشباب رغم أني لست بذالك المعجب بالباجيرو
لكن خذ الباجيرو العادي الياباني ولا تاخذ باجيرو السبورت الي يعتبر جيب مصندق من وانيت ميتسوبيشي L200

هذ كلام بالتوفيق

لا هذا ولا ذاك

عليك ب فــورد إيــدج ســـبورت أو لـيميـتد