مجموعة أسئلة في الأكورد ..

Fast Rock @user_2138 · 26-09-2003

مرحبا بالشباب ..

بأسألكم عن أشياء صادقتني في الأكورد 2003 وما أدري إذا هي مشكلة ولا لا ..

1- باب السواق أحسه يهز شوي خاصة عند المشي على طريق مو مستوي مرة ..

2- إذا فكيت الدركسون السيارة تروح يمين شوي ..

3- المسجل الـ CD عند المطبات يطلع فيه صوت طقطقة أو سكته بسيطة ..

4- والجلنط لازم أشده على آخره عشان يمسك ..

لأني رحت للوكاله وقلت لهم عليها أخذوها يوم وقال ضبطناها .. فلما إستلمتها وجربتها مالقيت شي تغير ! وما الحل ؟

zr1farsi @user_104 · 02-10-2003

اسمح لي اخوي انت مشتري اكورد مو رولس رويس ولا فراري ولا مرسدس يعني خليها على الله حبيبي سيارتك يصنع مثلها باليوم اكثر من 500 الى 1000 سيارة بعكس السيارات اللى ذكرتها ينصنع في السنة في حدود ال 1000 سيارة فقط لا وتنصنع باليد يعني بكل دقة بعكس الأكورد والكرولا وسيارات الرخيصة اللى يصنعها الكبيوتر ورجال الأليين

أكورد وبس @user_7944 · 30-09-2003

كل اللي قلت ما حصل معي ..

بالنسبة للسي دي .. إحتمال يكون نفس السي دس اللي أنت مدخله تجاري .. وإذا كان أصلي راجع الوكالة ..

بس رص عليهم .. خل الدعوا خناق ..

ومشكلة الدركسون .. اول ما طلعت السيارة كانت تحذف .. بس يوم فحصت 1000 كيلو قلت لهم وعالجوا المشكلة .. والآن تمام ..

أما الجلنط .. شد عليه شوي عند أقرب ورشة .. مع إن الجلنط عندي ممتاز ..

على فكرة .. أي وكالة تروح .. أي فرع ؟؟

ابو عتيق @user_7411 · 30-09-2003

كيفك

اخوي الغالي مره ركبت مع واحد صاحب هوندا اكورد صراحه مشكله المسجله ماسمعت من شي مع انه كان يمشي 60 وجاء علي المطبه مشاءالله والي يشوفنا يقول ماشين علي ارض ناعمه ماسمعت صوت ولا شي وماااقول الا الله يستر علي خويي عيونه موش ولا بد حبيب البي راجع الوكاله او اقرب ورشه وشف وش العطل لايتزايد عليك وتراك اذا اهملت بتصير لك مشاكل اكثرعليك حلها الان ازين ولاتنسي انها سيارة جديده

Fast Rock @user_2138 صاحب الموضوع · 27-09-2003

مشكورين إخواني على مروركم ..

بش أنا قلت بما أن السيارة جديدة نبي نتطمن :)

The snake @user_5344 · 27-09-2003

انا عندي نقطه اوضحها ترا انت منت راكب مايباخ ما تبغى ولا صوت من برا ولا تبغى شي يهز عادي لو طلع صوت طقطه في الباب او المسجل بعدين العزل الصوتي اللي تبغون جبار ترا كل السيارات زي كذا ما عدا الي فووووق فووووق مره

عاشق لوميـssـنا @user_3910 LUMINA SS 4 EVERE · 27-09-2003

يرجال مشي حالك ولاتفكر في الاشياء ذي وامشي ولاتدقق

اما الوكاله ياعيني على الوكاله يدخلو السياره ويحطوها عندهم يوم ويطلعوها ويقولو سوينا وسوينا وهم ماعندهم سالفه وهات 1000 ريال حق اجرة اليد (اجرت السواق اليد دخلها الصيانه وطلعها )
الله يوكون بعونك بس