مواصفات ال ltz في الامارات كل المواصفات الي ذكروها الشباب مع فرقية انه رنج 22 كروم و لكن بدون دواسات كهربا سعره 250 مع سيرفس وتامين وبدون سيرفس وتامين 240
للعلم اليوكن الدفعة الجديدة نزلو في ثلاجه و واير ليس جرج
وسمعت كلام من الشباب لكن مب متاكد انه الدينالي الدفعه الثانيه بقير 8 غيار
اخوي متاكد من هذي المعلومه لانها لو صحيحه راح يكون ممتاز جدا خاصه الثلاجه اما الواير لس مو مهم له بدائل
الدينالي اغلب المواقع قالو انها راح ينزل ب 8 نمر كموديل 2016 !! و ممكن يستعجلون عليه بسبب استهلاك البنزين يعتبر عالي في اميركا و القير هذا راح يقلل من الاستهلاك ( طبعا في السفر لانهم يستخدمونها للرحلات اخر الاسبوع او التنقل من منطقه الى منطقه و المسافات طويله عندهم عشان كذا نلاحظ سيارات الامريكيه تكون ماشيه كثير )
الى الان الاخبار تقول القير هذا للدينالي فقط محرك 6.2 لتر اما البقيه راح تفضل على النفس القير
و اعتقد ممكن ينزلونه على موديل 2017 اي بعد سنتين من اطلاق الجيل الجديد مثل الي حصل مع الجيل السابق
حتى هنا الLTZ بدون دواسات كهربائيه و مادري اذا الدينالي كهربائيه ولا ( بالنسبه لي اشوفها جميله لكن مشاكله كثير على كلام الموظف في 2013 تعلق اوقات من الوسخ او اذا دخل فيها رمل من البر ؟؟!! )
وللاسف جنط 20 كروم فقط الي نزل عليها حجم 22 على كلام الموظف الجميح قبل اسبوعين لم ينزل عليها
لكن السعر عندكم شاطح شوي 240 اعتقد دبل بزياده جنط 22 و فارق حول 10.000 عشان الجنط ؟؟
الان عندنا LTZ الي انا سائل عنها عند الجميح ب 233 - 7500 خصم (الجميح راسل رساله للوالد الله يحفظه قبل كم يوم ) = 225500 فل كامل دبل
غير الي في مقطع عن اسعار السيارات ذاكر سعرها ب 229000 يعني راح تكون اقل و الاسعار في نزول ان شاء الله
اتمنى نزول الثلاجه في LTZ خلال الشهر الجاي قبل لا استعجل لاني جالس على سيارتي السبورت الى ان ابيعها عشان اشتري سياره عائليه
ابو صاحبي طلع اكسبدشن قبل سنتين الي اعلى من الستندر الي يجي لونها واحد جنطهت 18 اعتقد قاله الموظف ادفع 2000 او 4000 و نستبدلها بجنوط 20 رمادي ؟؟؟
يعني فرق واضح في سياسه بين الشركتين
