ما هي عيوب الجراند شروكي مستعمل؟

لعلمي و خبرتي
الاستعمال الأمريكي في الغالب يعتقد انه نظيف و معتنى فيه. لأن الفكرة المنتشرة ان الأمريكان يعتنون في السيارات
و المحلي لا
مجرد عادة تعودوا عليها
لكن انتبه
يقول لك اللي يبيع السيارة انه استعمال أمريكي و هو نصاب
ولد عمي مرة أعلن الكابرس 89 حقه في المعرض للبيع (الله يستر على المعرض) و بعد اسبوع رحنا للمعرض و سوا نفسه زبون و سأل عن الكابرس (اللي هو حقه) و قال اللي يشتغل لنا "أوووه سيارة ممتازة استعمال أمريكي في أحسن حال و نظيف و و و و ....."
و والله كنا أنا و ولد عمي نطعس بالكابرس في الثمامة!!
بعدين قال ولد عمي للي يشتغل انها سيارته
تدري وش قال؟
القصة لها تكملة بس المهم أبيك تنتبه

هل يوجد فرق بين الاستعمال الأمريكي والاستعمال المحلي (السعودي).. واذا كان الأمريكي أفضل بصراحة وش رايكم في معرض الموتر للسيارات الي بين مخرج 10 و 11 في الرياض؟؟؟ وشكرا لاهتمامكم

الشيروكي يعيش إذا اعتنيت فيها
شكلك معتني فيها. الصراحة الشيروكي ممتازة بس للممتازين
فيه عوامل ما تساعد على الشخص يعتني فيها. الشوارع كلها مطبات و مكسرة و الجو في الصيف الله لا يوريك و الطعوس و الخطوط و المشاوير و غلاة البترول و و ....إلخ
الناس تبي سيارات تتحملهم موب الناس تتحمل السيارات
و شكرا

غريب ..
أنا أمتلك شروكي من 96 جديدة .. وبعتها وأخذت 97 عندما غيروا الشكل ..
وبعد سنتين أخذت جراند شروكي 98 ومن وقتها السيارة ماشية على الرمل أكثر من الإسفلت ..
وليس عندي بها مشاكل معينة .. إلا أمور صيانة عادية .. أو إذا إستهبلت شي يوم ونطيت من فوق جبل .. فنعم ممكن أكسر شيء ..

أنا أظن .. ان أغلب الناس يريدون من سياراتهم ان تعيش طويلا بدون صيانة .. وبدون دفع فلوس ..

والدنيا خبرات ..

الفليورات هي يسمونها اليايات بعض الناس
أو بالانجليزي Springs
أخوي كان عنده وحدة و كانت تطلع أصوات كل ما خش في مطب خفيف بعد فترة
ما أدري عاد اذا الشخص مررة اعتنى فيها
و في الخط. اثنين من اخواني كان عندهم شيروكي و واحد منهم قراند شيروكي
الصراحة متحسفين انهم شروها.
و كذلك جارنا عنده شيروكي و قبل فترة سافرنا فيها سواء مسافة طويلة و هو بنفسه يحذر الناس من الشيروكي
و في الخط أنا قريت في المنتديات ما يمدحونها

ما قصدك بالفريولات ..
ولم ليست جيدة بالخط ..
انا عندي من 98 إلى الآن .. وما شاء الله ...ر وعة

قوة
و راحة
و أناقة
و كشخة
بس ما تعيش زي غيرها
و اذا خرب خرب صدق
و قطع غيارها مكلف
و فليوراتها الصراحة أكثر ما يقرف في السيارة
و ما يمدحونها في الخط
و يكفي انها أمريكية السيارة

لا أظن أن هذا صحيح ...
حرارته عادية النصف أو فوق النصف بقليل في الحر الشديد ..
8 سلندر أقوى بكثير .. خاصة في الطعوس ..
أما إذا تبحث عن الوقود وصرفه ..فعليك ب6

أنا حاط عيني على جراند شروكي 1999 اوتوماتيك استعمال امريكي فيه 6 و 8 سلندر ومحتار من الأفضل!!! فياليت تفيدوني وأريد أن أعرف عن الجراند شروكي عموما لاني أسمع أن حرارته ترتفع بسرعه وأن مشاكله كثير ويحتاج صيانه كل فتره...أتمنى منكم الإفاده وشكراً.......