نتعة الغيارات - كروز 2012

[khalid mohd]

السلام عليكم ياشباب
انا عندي استفسار عن الكروز , انا سيارتي مطلعها وكاله موديل 2012 لكن احس ان فيها مشكله من ناحيه غيارات القير احسها غير مريحه ومرات مثلا اشغل السياره الصباح اول ما احرك , بين الغيار الثاني والثالث تصير نتعه , طبعا القير يبدل كل النمر طبيعي لكن النمر تحس فيها وهو يبدل كنها قير عادي !

وعندي مشكله ثانيه في المكيف اذا خليت الموتر طافي يومين او ثلاثه وجيت بشغل المكيف عداد الار بي ام ينزل فجأه تحس انها بتطفي طبعا هذا الكلام في حال اني كنت طافيها يومين او ثلاثه فما ادري وش المشكله

الي مرت عليه هذي المشاكل يا شباب يقولي الحل لاني طفشت من قروشه الوكاله .

[alnabek]

وعليكم السلام
جرب نظف الثروتل (دعسة البنزين الخارجية)

[super_safari]

و عليكم السلام و رحمة الله

أول ما قريت الموضوع حسبتك راعي هذا الموضوع:
http://www.assayyarat.com/forums/t282342.html

المهم السيارة نفسها و المشكلة مشابهة نوعًا ما.

يبدل كل النمر طبيعي لكن النمر تحس فيها وهو يبدل كنها قير عادي !

وضح كيف؟ تقصد أنك تشعر بفضاوة عند نقل الغيارات؟ إن كان كذلك فتأكد من مستوى زيت القير و لا تهمل الموضوع.
و النتعة عادةً بسبب حساساتالقير , لكن أولاً شوف الزيت , و يمكن الي تقصده هي هذي الفضاوة و قد لا تكون نتعة الحساسات.

وعندي مشكله ثانيه في المكيف اذا خليت الموتر طافي يومين او ثلاثه وجيت بشغل المكيف عداد الار بي ام ينزل فجأه تحس انها بتطفي طبعا هذا الكلام في حال اني كنت طافيها يومين او ثلاثه فما ادري وش المشكله

نزول دوران المحرك عند تشغيل المكيف يعني مشكلة في الثروتل. و الغالب إن شاء الله أن تنظيفه كافي.