استشارة: جي إكس آر VS انفنتي FX

وزيادة علي كذاجربت قيادة الانفنتي وبصراحة ما جاز لي

مشكور علي ردك يا غالي

^^^^^^

كلام سليم ..

+1

أتفق معه !!

الانفينتي استخداماته محدوده يعني بالبر ماينفع ابدا

الجراند جامع بين قوة محرك 8 سلندر و فخامه ومواصفات ومناسب في جميع الأحوال

سواء بر او داخل المدينه وحتى في الخطوط , مشكلته هي في الوكيل سيء بتوفير القطع .

وأنصحك انك تتأكد من ملاكه بخصوص الحراره والأعتماديه


بالتوووفيق

اخوي ممكن توضح الاسباب الي تشجعني افضل الجراند على الانفنتي؟ لو تفصل اكون لك شاكر جدا

اذا محتار بينه وبين الانفينتي على طول جراند شيروكي مافيها كلام
الخوف الوحيد من الوكيل بس للأمانة السياره تستاهل انك تجازف بالوكيل وتشتريها
وعلى كلام الاخوة الصيانة الدورية كويسة بس المشكلة ي قطع الغيار

صدقت اللون الداخلي الأسود يقتل فخامة السيارة وممل جدا

بصراحة الجراند شيروكي خيار فارض نفسه ولا زلت محتار بقوة بينه وبين الانفنتي

مشكور يا غالي

ما أنصحك أبداً بأنك تاخذ سيارة داخليتها سوداء !!

لأنه لون ممل بالنسبه للداخليه وراح تعاني جداً جداً

فنصيحتي لك خلك على القراند شيروكي سيارة خدومة ومواصفات ممتازة ولكن !!

حط في بالك الوكيل ثم الوكيل بالأمس التجارة قفلوا مركز الصيانه اللي في خريص

بسبب التلاعب يقومون بإصلاح سيارات مصدومه ويبيعوها على أنها جديده

....

بالنسبه للاند كروزر بصراحه ما أشوف فيه أي ميزه ؟؟

يكفي الوكيل الفاشل اللي يلعب في إكسسوارات السيارات وأيضاً أرتفاع الأسعار بدون مبررات

....

الله يكون في عونك

مشكورين يا اخوان على ارائكم
اتفق معكم انه ليس هناك مقارنة بين السيارتين
ما رغبني في الجي اكس ار هو ارتفاعه وهيبته، لكن من تالي بديت اصرف النظر خصوصا اني دخلت كذا خيار اضفي:
جراند شروكي
لكزس rx

الباترول بصراحة ما ارغبه احسه كبير مرة وزيادة عليه اذا ابي مواصفات كويسة يبي يصير فوق ٢٠٠ الف وانا ما عندي نية اصل لهالمبلغ

الجراند شروكي جايز لي مرة خصوصا الاوفر لاند لكن سعره بالوكالة ١٩٦ وما ادري اخاف ادفع هالمبلغ فيه
حجزت عند المتحدة تجربة قيادة الاسبوع الجاي وبشوف وضعه بالسواقة
من جوا رهيييييب صراحة وحجمه مناااسب
اذا احد سبق جربه او يعرف احد مجربه يا ليت ما يبخل علينا

طيب يا اخوان بالنسبة للكزس rx وش رايكم بمكينته؟ اخاف انه لك عليها بالعزم وكذا
والشي اللي خلاني اتشجع للكزس وادخله ضمن الخيارات انه معرض العمر بالنسيم جايب دفعة منه ٢٠١٤ فل كامل من البريمي بـ ١٨٦ واظنه بالوكالة ٢١٥ وحوله، يعني فرق جااااامد
مشكلته داخليته اسود كل اللي عنده، فاللي له نظر اشوفه عرض كويس

والله يالي يبي يشري سيارة يدخل في حيرة وهواجيس
كل شوي يقلب راسك لفركة

مشكورين مرة اخرى

أؤيد الأخ أبو أسد فيما ذهب إليه ،


حدد حاجتك من السيارة أولاً :)

خزانين؟

كل السيارتين اللاند والباترول سعة تنكيها 140 لتر
وقريت ان اللاند تنكية سعته 137 لتر

نفس ما قالو الاخوان هذا من فئه وهذا من فئة اخرى
اذا انت محصور بين هالخيارين لاند كروزر
اذا بتضيف الباترول اختار الباترول مع العلم ان اذا اضفت الباترول بتبدأ حيره وقروشة من جديد ويمكن تضيف سيارات ثانيه بعد

اقتراح ولا اجمل للاخ ابو اسد

خذلك باترول se t2
افضل بمراحل عن لاندكروزر وعزم افضل

بس يبقى تميز لكروزر في الخزانين واعتقد بالمدينة لكروزر اقل استهلاك

المقارنه غير عادله اللاند فئه qx فئه

شوف انت وش تحتاج في السياره

وعليكم السلام

مثل ماقال راعي النيترو

أختلاف كبير بين السيارتين

اللاندكروزر جي أكس أر من نوع SUV أما الأنفنتي من نوع CUV

عموما بعطيك فكرتين

الأولى حسب ماسمعت من أحد ملاك الانفنتي FX الجيل السابق أنه قاسي جدا وغير مريح وقد ينطبق هالشي على أغلب سيارات الكروس أوفر تجي التعليق قاسي لأجل الثبات فقط مع جنوط كبيرة

الثانية نصيحتي لك شيل خيار اللاندكروزر وأستبدله بالباترول SE دامك كنت تفكر بالأنفنتي "أنفنتي الماركة الفخمة من نيسان" فهو أفخم من اللاند بقدرات أفضل وشكل أفخم

الراحة بالعادة بتحصلها في SUV أكثر من CUV بسبب ليونة نظام التعليق (لا أتكلم عن المقاعد)
كذلك أرتفاع السيارة عن الارض الأفضلية في SUV

الشكل الخارجي ترجع لذوق الشخص
سعر أعادة البيع بيكون الافضلية للاند بلا شكل لكن بيكون الباترول أفضل مسك سعر من الانفنتي عند أعادة البيع
ماعندي خلفية الانفنتي بيتغير عام 2016 او لا

نصيحة أخيره جرب السيارتين مع السيارة الي أقترحتها لك أفضل فمهما قالك الواحد تجاربه ماراح تعرفها أو تحس بها إلا لما تجرب قيادة السيارة