نيسان باترول 2014 se T2 او نرجع للامريكي

الباترول موتر عز وفيه من الراحة الي اشوفه ينافس الموديلات الجديدة من الامريكي من ناحية المراتب وراحة الركوب والعزل وثبات الموتر بالخطوط ونعومة التعليق الي تخليك ماتحس كثير بالمطبات والحفر .

يا جعل عمرك طويل ووالدينك بالجنه على هالرد الكافي والوافي قل امين

والله اولا اشكرك على تفصيلك وتوضبحك ومقارنتك المتزنه في التصنيف بين الباترول واليوكن ويعجبني عدم تعصبك هذا اول شي

اليوكن 2011 مااقارنه ب 2014 باترول لاني بضلم الباترول
انا كانت مقارنتي يوكن 2015 وباترول 2014 ولو انها ماتتقارن بالنسبه لي لانها من صالح الباترول لكن قارنته في الخطوط

والامريكي كلب ويقهرك في خراباته بس ياخي يجووز لي بالخططوط ويمكن ماشاء الله انتم اكبر مني وافهم الله يطول باعماركم

عموما عمي وصلت المعلومات الي احتاجها وان شاء الله ان الله قاله باخذ وارد العيسى انا عارف الخرابيط حقت الضمان والخليجي الي منطله في المعارض وسعودي سيل وقطر سيل طاق لي فره وان شاء الله باخذه سعودي ان الله ييسرره

شاكر ومقدر لك اخي الكريم واعتذر على الاطاله

والله مع اخوي وموتر ماشاء الله وقوي ومريح في الخط لكن مالي رغبه فيه انا محدد السياره الي ببالي ولا ابي اجمع كذا سياره

السيكويا شيخ ووسيع وعائلي بحتتت وحمار مكدة ماشاء الله بس ليس من ميولي

شاكر ومقدر لك طال عمرك

هلا عمي \

الشخص الي تعرض لها زميل لي وطبعا السياره سياره اهله عائليه لكن استخدامها قليل لكن الخلل كان القير يعلق ولا يعشق ويفوت احيانا
ماادري هم منتضمين او لا

والزميل الاخر موتره الشخصي ويطلع عليه كثير ويسافر وبرر ونفس المشكله يفوت وفترات يعشق ولا يلقم القير

الاول ماادري كم ماشي لما خرب
لكن الثاني خرب عليه وهو في بحر 100 - 110 الف

شاكر ومقدر لك

الباترول الجديد اخذ حقة من التجربة من عام 2010 الي الان ومشاكله لاتذكر مقارنة بالمنافسين ...
ومواصفات وتجربة الباترول تخلي الواحد غصب يقتنع به
سيارة رائعة بكل ما تعنيه الكلمة من معنى واخونا ابو اسد كفى ووفى في رده

i

ibrahiim3

[CENTER][SIZE="5"]السلام عليكم ورحمه الله وبركاته

اخواني احتاج مشورتكم في نيسان باترول 2014 النوع الثاني الي سعره 205

يستاهل ولا لا فيه عيوب ولالا

منب راعي بران مرررره ودخولي للبر قليل بس همي موتر سفر وراحه ومركبه حلووو في الخطوووط اهم شي

كان معاي جمس واضطريت ابيعه لان كان فيه عيوب مصنعيه وللحين محتار اخذ الباترول الجديد تنصحوني فيه وهل عيوبه قليله ولا نرجع للامريكي اليوكن الجديد بحكم انه تغير شكله ونشتريه ونتحمل عيوبه المصنعيه الي ماتخلص

الامريكي معجبني فيه مركبة وفي الخطوط يجوووز لي

شاكر ومقدر لكم
وكل عام وانتم بخير

وعليكم السلام ورحمة الله وبركاته

الموتر يستاهل
وأمتلك الموتر أذا عندك أي استفسار وكذلك مدير قروب ملاك بطل الدروب بالتليجرام عددنا تجاوز 100 عضو
(للي يبي الأضافة يراسلني على الخاص شرط معه الموتر فقط)

أذا تقصد عيوب بنفس السيارة أو عيوب مصنعية؟
العيوب المصنعية الي سمعتها عن الباترول 2014 هي حساس الفرامل وماشفت أحد أشتكى منها إلا اثنين فقط رغم أن لها حل طارئ والعيب ليس ضعف بالفرامل إلا أنه ساعات يتوقف الموتر تجي تشغله مايشتغل بسبب أرتباط مفتاح التشغيل بالفرامل لكن أن حصلت لأي حد منكم معه باترول ترى لها حل طارئ وهي تظرب 10 مرات الفرامل تكون طويلة جدا الضغطة الوحدة ثم تشغل الموتر وبعد تشتغل وعلى طول على أقرب وكالة يتغير على الضمان

أما عيب بنفس السيارة شفت واحد بس 2014 يشتكي بريحة قوية من الشكمان لما يكون حول السيارة مو بداخل السيارة يقول تكتم النفس

ومثل ما أنت خابر مافي اي شركة سليمة من المشاكل والعيوب المصنعية لكن الي اعرفه قلت له فوق ولا اعتقد يوصل لما يوصل له الامريكي من ناحية المشاكل

وأذا كنت تبي تقارنة بينه وبين الأمريكي أنت كنت تقصد اليوكون تحديدا موديل 2011 فاحب أخبرك أني مجرب هذا الجيل من اليوكونات بالسفر لخطوط طويلة جدا


فأذا تبيني أخبرك الفرق بين الباترول الجديد واليوكون بالخط
أعتقد أقل جملة أختصرها ان الخط للأمريكي أصبح شيء من الماضي!!!
ممكن أجزم أن الخط للامريكي لموديلات التسعينات فقط :smilie16:
لا اقصد انه لم يعد الان حق خط لكن أصبح من ينافسه ويتفوق عليه بعيدا عن الصناعة الاوروبية

الباترول أفضل ثبات وراحة ومركب وعزل وصرفية من اليوكون
حتى أفضل تماسك ديكورات من اليوكون
وأكاد لا أبالغ أني ما اشوف اي شيء اليوكون يتفوق على الباترول بشيء بالخطوط والسفريات

أضافة أن الباترول تراه نظام الدفع فيه رباعي مستمر FULL TIME 4WD فهذا أكثر ثبات وأمان أثناء فقدان السيطرة بسبب أنفجار أو تلف الاطارات وماشابه

حتى القوة والنشاط لصالح الباترول SE
وبالبر يعجبك ولا يتفكك مثل الامريكي بالبر

حتى أن كان اليوكون أقل صرفية بعدد الكيلوات للتر الواحد
فهو يضل تنكية أصغر بكثير من الباترول
اعتقد اليوكون لازل القصير 98 لتر مقابل 140 لتر للباترول

ولا أنصحك حتى تفكر باليوكون الجديد
معروف شركة قاربج موتورز الملكة في استدعاءات العيوب المصنعية على تاريخ الصناعة الأمريكية بشكل كامل يدلك أن سياراتها مشاكل في مشاكل وليتها مشاكل تافهة أو عادية ياكثر الخطرة على الركاب أو الي تتسبب بتعطل السيارة
حتى على نشاط وزارة التجارة ترى عملية الاستدعائات لسيارات جنرال موتورز الي عندنا لا تكاد تصل 20-30% من الي موجود بأمريكا وكأن الي عندنا هو السليم تماما مافيه أي مشاكل



عموما نصيحة أخيرة
بتشتري باترول أحرص كل الحرص أنك تشتريه وراد العيسى
لأن بعض الي يجي من الامارات أو يباع بالمعارض يباع على أنه خليجي حصلت لواحد من الشباب معنا شرى باترول 2014 من أحد المعارض كان ارخص من الوكالة بفرق 20 ألف جديد أصفار يوم صار فيه عيب مصنعي وهو الحساس الفرامل الي قلت عنه فوق مادخل الضمان والسبب أن رقم الهيكل مسجل أنه مصدر للعراق!!! والرجال شاري الموتر بالرياض مو طالع للأمارات وشاريه على أنه خليجي وهو طالع من مصنع نيسان على أنه ماله أصلا ضمان حتى مع رفع شكوى لوزارة التجارة تبين أن الحق للوكالة بعدم تصليح أي شيء فيه على الضمان لأنه طالع من مصنع نيسان ماعليه ضمان اصلا

أن كتب تبي تشتري خليجي لازم تتأكد من رقم الهيكل من الوكالة هل هو فعلا خليجي أو لا علشان يتاكدون برقم الهيكل أنه فعلا داخل الضمان
أو ريح بالك وأشتري سعودي وبس
والمعارض الي تبيع سعودي أرخص بقرابة 7 الاف ريال أشهرها بالنسيم أسمه معرض نجد يبيع نيسان وارد العيسى وتويوتا




ياهـــب الـــريـــح
انت يوم تتكلم عن الي معه باترول 400 يقول المراتب قاسية ولا؟
ممكن علشان معه جلد فهي يابسة شوي مقارنة بالمخمل
[/SIZE][/CENTER]

يوجد باترول 2013 400حصان بسعر 185 الف ريال اصفار والباترول الاسعار في نزول الي تبي نزل الى 200 الف ريال

ليش ما تشوف السيكويا

سعر مناسب ووسيع ومكينة جبارة

بصراحه تبي سياره للخط ومريحه وتتحمل المسافات الطويله عندك ثلاث خيارات هي الافضل

اليوكن - التاهو - الاكسبديشن

سيارات اعتماديه وقويه وقطع غيارها متوفره بكل مكان وباسعار جدا مناسبه

انت استخير والله يكتب لك اللي فيه الخير

الباترول هو افضل خيار
شيخ بالبر والخط وكل شي

وبخصوص الارمادا ممتاز وقيره ومحركه نفس الباترول ولا يوجد عيوب مصنعيه بتاتاً

يا ليتك تذكر لنا وش المشكلة الي تعرض لها زملائك من قير
الأرمادا وفي أي مرحلة تعرضو لها؟ مع العلم أنه يشترك مع الاكستيرا والباث فايندر بنفس القير,,
الي أعرفه ان مشكلة حرارة القير تتسبب مع الزمن في تكسر مواسير التبريد وإختلاط
الماء بالزيت؟

راجع القوة لأن قوته 317 حصان وليس 360 حصان

حياك الله اخووي

لا والله معليش والله سيئ الارمادا ابددد مااعجبني وفيه عيوب بقيره وعندي اكثر من شخص اشتكى منه بسبب قيره

ومستبعده جدااا اخذ بقيمته سيكويا ولا اخذه بصراحه صح سعره حلووو لكن فيه عيوب ومراتب الباترول الخلفيه والله جنه بس مشكلته سعره الي يبيله سرقات ورشوات وحب خشوم هههههه:smilie16: انا مرتاح له من بعد اليوكن بصراحه او الامريكي بصفه عامه الباترول لان يوم ركبته من ورا المراتب وسيعه ورحبه لكن ياخي سعره موب سهل والدراهم بعد مهب سهله جيتها يعني الواحد مايبي يدفع دم قلبه في سياره وبالنهايه يطلع فيها شي
هذي فكرتي يالغالي

شاكر ومقدر لك طال عمرك

وعليكم السلام ورحمة الله وبركاته

إذا كنت لاترغب بالامريكي فالبديل المناسب الياباني المناسب لك هو الارمادا

مع الدبل بسعر 135 ألف ريال تقريباً ومعروف بالراحة خاصة المرتبة الثانية تحس انك راكب طيارة

والسيارة قليلة الاعطال ومحركها 8 سلندر بقوة 360 حصان بحجم 5،6

والناس مجربينها من سنين ولا اشتكوا منها

بالتوفيق ،

اللهم امين والناس اجمعين ووالدينك بالجنه ي رب قل امين

اي والله انك صادق

يعطيك الف عافيه على هالمعلومات المهمه وبصراحه الفوررد حلوو ومشاكله قليله وفيه منافسين واجد لليوكن لكن جا ببالي الباترول ولو اني مااعتبره منافس لكن سعره صح غالي بس ممتاز مقارنه بباقي السيارات
وودي اشوف الياباني لان الامريكي لعب فينا ونبي نستقر على سياره بصراحه ولا مستبعد انا الاكسبديشن والسكويا والدورانجو وان ربي ممايسر الامور حولنا سيدان الشكوى لله

شاكر ومقدر لك

الله يكون في عونك الواحد يدفع شقى عمره وبعدين يتفاجاء بسياره كلها مشاكل


اما البانرول جربت موديل 2011 400 حصان لكن تجربتي له بسيطه لاحد الاقارب طبعا استخدمه هو سنه وباعه بسبب حجم السياره الكبير بنسبه لعائلته وانسحاب الوكيل الحمراني وتسكير جميع فروعه
السياره مريحه لكن المراتب قاسيه شوي العزل التكييف الرساوه كلها ممتازه الحقيقه السياره رائعه لو ان شكلها يبي له شوي تنسيق
والله يكتب لك الى فيه الخير

فيه خيار ثاني ان رغبت فورد اكسبديشن

هلا عمي

اي يالغالي الامريكي ممتاز في الخطووط

والله ي عمي العيب الي واجهني هو الدفرنس
طبعا موديل موتري 2011 وبهذلني بدايتها كانت ظربه اذا حطيته بالريوس وضرب علي جلب الدفرنس وصار يوون وانا بطريق الامارات وماقصروا وكاله الكندي في دبي غيروه وعبوه زيت واختفت الطقه ورجعت بعد فتره قريبه يوون ويطق والتوكيلات حسبي الله عليهم يفحصون زيت الدفرنس فترات ويصب منه اذا جا يفحصه وبصراحه من بعدها كرهت الموتر وصلحتها ثانيه وعرضته للبيع
طبعا هالمشكله كانت تسبب لي
ضربه في الدفرنس اذا حطيته بالريوس
لما يرجع يرد نمره يسبب طقه تحت
تهريب من جهه الصليبات حقت الظفرنس الخلفي
طبعا اليوكن الي عندي بدون دبل
وعندي سياره صغيره اداوم عليها يعني مايشتغل الا بخطوط ومشاوير بسيطه جوا البلد

لكن قدر الله ماشاء فعل
اعتذر عالاطاله لكن وضحتها بالتفاصيل

وماعطيتني رايك بالباترول