السلام عليكم ورحمه الله وبركاته
راح أشتري سياره كروس أوفر و محتار استعمالي لها راح يكون داخل المدن و سفر ( أقل شئ مرتين بالشهر) و طلعات جداً بسيطة للبر لاماكن غير وعرة مثل روضه خريم و روضه نورة.
محتار بين فورد ايدج و مازدا cx9
الميزانية 125 ألف حد أقصى و لو أقل أفضل
يتميز الايدج بالوكيل لكن شكل السيارة راح يتغير عام 2015 لكن طبعاً تغيير الشكل كالعادة راح يرفع السعر و هو المتوقع حسب مقالات قريتها في مواقع اجنبية ، و السيارة عليها عروض الان 👍
المازدا تتميز ببعض المواصفات و الصف الثالث (ما يهمني لانه ضيق).
وش تنصحوني فيه ، أنا ابغى سيارة أعتمادية تكد معي أقل شي 8 سنوات لعائله مكونه من شخصين و طفلين
السؤال الثاني المازدا تأتي بفئتين الاولى ب 105 ألف ريال تقريباً و الثاني 125 ألف ريال ، هل فرق المواصفات بينها يستاهل 20 ألف ريال ( ما أبغى ادفع فلوس بمواصفات ما راح استعملها).
