تجربتي في امتلاك فولكس واجن باسات 2014

السلام عليكم جميعا...

إخواني الكرام حبيت أسئلكم عن السعر التقريبي لصيانة الباسات 2012 بعد مرور 60000 كم على السيارة.

أنا شريت سيارتي باسات 2012 الفئة المتوسطة و مستعملة نظيفة جدا من شخص طيب و دفعت فيها 66 الف ريال كاش لصاحبها الأول.
السيارة كانت ماشية 52000 كم يوم الشراء و الحين باقي لي شوي و أوصل 60000 كم ... حبيت إني اسأل عن سعر الصيانة في وكالة ساماكو علشان لا انصدم عندهم في الوكالة لإني حاس ان المبلغ بيكون كبير... الله يستر... :c0214:

جزاك الله خير يالغالي

يعطيك خيرها ويكفيك شرها

حياك الله الغالي

شكرا اخي رحال على تفاعلك
ولعلنا نكتسب من بعضنا الخبرات المفيدة مستقبلا

اسمحلي في عندي تعديل على كلامي إلي فوق توني متذكر

بالنسبة لتقفيل الدرج عندك مفتاح صغير لونه أسود يجي من الوكالة ،، عرفته ؟؟؟

هذا حق فتح أي قفل في السيارة

لتصحيح فقط

الا يقفل الدرج بدون مشاكل طال عمرك

لكن إذا ما يقفل راجع الوكالة يصلحون لك الموضوع

بالنسبة للطقه عادية وطبيعية والسبب ان أغلب سيارات الدفع الأمامي فيها هذي الطقه بس تتفاوت من سيارة لي سيارة

الحمدلله حاليا سيارتي ماشية 20 الف مافيها أي مشاكل بفضل الله

لكن لا سمح الله وشفت ان الطقه تزيد يوم عن يوم (( مع إني ما أعتقد انها بتزيد )) لا لازم تراجع الوكالة

أي استفسار انا حاضر

الله يسلمك اخوي

لاكن لاحظت ايضا ان مفتاح السياره ما يقفل الدرج !!! ولا اعرف كيف اقفل الدرج
والشيء الاخر احيانا اسمع طقه في القير عندما تكون السرعه في حدود 20 وادعس دعسه خفيفه مفاجأه هل هذا طبيعي علما بان سيارتي لم تتجاوز حتى الان 600 كليلو
وشكرا لتفاعلك

حياك الله الغالي

إي نعم الغالي انا نفس الشي عندي

عموما السيارات الأوروبية كلها ما تضرب بوري إذا السيارة مقفله

مادري إيش السبب ،، يعني حتى لو نقول انه عشان الضوضاء بعد مادري كيف !!!!!

أي استفسار انا حاضر يا خوي وسامحني على التأخير

هلا اخوي كيفك

انا عندي باسات مثل اللي عندك لاكن لي ملاحظه :-

اذا قفلت السياره بالريموت ما يضرب (البوري - الهرن) فحبيت اسال هل سيارتك نفس الشي
لاني البوري مهم بالنسبه لي لتاكيد القفل اولا ومن ثم للبحث عنها احيانا في باركنج كبير وهكذا

حياك الله الغالي شرفني مرورك

:xyxthumbs::xyxwave:

:xyxthumbs:

حياك الله الغالي

نعم الصيانة مجانية 3 سنوات كل سنة عن 15000 كيلو متر

بس مادري عن القطع الإستهلاكية والله

على العموم سيارتي قريب توصل 15000 وإن شاء الله بانزل تقرير مفصل عن الصيانة

على كذا زين حتى لو اغلى تستاهل طالما بحد معقول
ولو اني فهمت من بعض الاخوان بالمنتدى الثلاث سنوات صيانة ماتشمل كل القطع الإستهلاكية
عموما جزاك الله خير ماقصرت معنا وافدت بكثير معلومات فكل الشكر والود لك يا غالي

وجهة نظرك تشبه كثيييييييييير وجهة نظري من ناحية القناعه في الشكل

انا يهمني المضمون أكثر من الشكل في جميع السيارات إلي امتلكتها

بالنسبة لقطع الغيار الحمدلله متوفره بفضل الله ثم الوكيل الممتاز إلي موفر جميع قطع الغيار المطلوبه

سواء الإستهلاكية او القطع إلي تخترب

لكن الحمدلله بفضل الله ثم الضمان الرااااااااااااااااااائع من فولكس واجن 5 سنوات بدون تحديد الكيلومترات اول 3 صيانات مجانية اللهم في الثالث احتمال تحتاج قماشات بحكم انها وصلت 45000 كيلومتر

انا طاحت عندي الطاسه حقت الجنط (( هذا خطئ مني طبعا لأني ما حطيت كليب يثبتها )) فا رحت الوكالة سألتهم قالولي انها غير متوفرة فا طلبوها لي وخلال 6 ايام وصلت بسعر 180ريال وانا من قبل سايم سعر طاست الكريسيدا من الوكالة عندنا في البحرين قالولي 240 ريال !!!!!!

بالنسبة لأسعار القطع كانت عندي قائمة بالأسعار لكن ضاعت مدري وين حطيتها

لكن اذكر ان اسعار 95% من قطع غيارها مثل التويوتا تقريبا فا ماتخاف انك ماخذ شي غريب لا الأسعار في متناول الجميع

وعلى حسب كلام الموظف قالي ان فولكس واجن بتنزل من سعر بعض القطع هذي الفترة

^
ماشاء الله تبارك الله الله يباركلك فيها

والله ياخوك استعمالي مو بس سفر الا سفرات ومشاوير طويلة وبعيدة بشكل شبه اسبوعي
ومع التفكير (لي الآن اسبوعين افكر وبنتظر اكثر اسبوعين) ما اخفيك اني بدأت أميل لباسات أكثر بما أنها أقوى وتبين لي أنها واسعة بالمراتب الخلفية خاصة اذا كان معك عائلة اما بخصوص الموديل الجديد شفت له صور صراحة فاتنة لكن مع هذا الموديل الحالي اشوف تصميم حلو برضه وافكر استفيد من اقتراب موعد نزول الموديل الجديد بنزول سعر الموديل الحالي وانا شخص قنوع ابحث عن سيارة جيدة وتعجبني بغض النظر عن المقارنة (ولو ان الجديدة شكلها اعجبني أكثر واعتقد مع التيربو راح يكون رائع )

و حاب بالمناسبة اسألك اخوي رحال بما انك مجرب السيارة كيف قطع غيرها سواء من ناحية التوفر في حال مواجهة اي عطل أو من جانب اسعارها

الله يكتب لك مافيه الخير يالغالي

شوف الغالي انا سافرة في الباسات حقتي من البحرين إلى مكة والمسافة حول 1400 كيلو والسرعة كانت بين ال 180 إلى قفلت الطبلون 190 وماشاء الله تبراك الله على الثبات والأمان والإنسيابية

هذي اول مره اسافر بسيارة المانية وعرفة ان افضل السيارات على الخط هي الألمانية

انصحك إذا انت راعي سفر وروحه وجيه تاخذ الباسات افضل واوسع لك واريح من الجيتا والعزم طيب

بس لو تنتظر المحرك الجديد 1.8 اربع سلندر إلي بينزل على الباسات الدفعة الجاية بكون افضل واصغر ومع تيربو

الله يوفقك

الله يعطيك العافيه عالتقرير الرائع ماقصرت استفدنا كثير
وبالنسبة للعيوب مافي اي سيارة تخلى من العيوب لكن بعد التجربة تبان
والآن انا في الحقيقة ناوي اما على جيتا او على الباسات ولو ان الجيتا رغبتي فيها لاني ودي بسيارة متواضعة مدري ليش
ومع هذا مخوفني فيها ان عزمها سيئ وانا بستعمل السيارة خطوط طويلة لهذا افكر بالباسات
وعموما راح اقرر ان شاء الله بعد ماتتضحلي اسعار قطع الغيار اذا كانت مناسبة