الاخوة الكرام اسعد الله اوقاتكم بالخيرات والمسرات…
اخواني بغيت نصيحتكم ومشورتكم بخصوص ما حصل لأخوي الموضوع اخوي اشترى امبالا 2014 (فل كامل ) من التوكيلات العالمية
بعد استخدام فترة قليله تقريبا خلال 1200 كيلو او اقل جاءت مشكلة ظهور رسالة في الشاشة ووداها للصيانة وتم اصلاح الخلل حيث افادونا
بأن الموضوع اعادة برمجة فقط مع العلم انه وداها للصيانة مرتين بينهم فترة قصيرة وكلها كانت نفس المشكلة اعادة برمجة ،يوم مشت السيارة
تقريبا حول 1600 كيلو ظهرت مشكلة في الشاشة ودخل السيارة للصيانة الان السيارة لها اكثر من شهر في الصيانة مع العلم تم التواصل مع شركة شيفرولية الشرق الاوسط
وتقريبا اسبوعين ماضيه وهم يتواصلون معاي بشكل شبة يومي طبعا كل هذا على غير فائدة تذكر واللي حسيت من كلامهم انهم مو فاهمين وش المشكلة الان ابغا رأيكم
الموتر وكره اخوي وطابت نفسه منه احنا طلبنا من الوكيل قلنا نبغا نغير الموتر والطلب هذا تقريبا من قبل يومين او ثلاثة ايام ماضية قالو نغيرها لكم مو مشكلة قلنا لهم نبغا موتر فئة اعلى منه
بنفس السعر بحكم الفترة الطويلة اللي جلست السيارة عندهم رفض الوكيل قال لكم بنفس المبلغ فقط واضافة عليه اعطيكم صيانة الى 20الف مجانا وتظليل سيارة بس رفضنا
وقلنا خلاص اجل رجعو فلوسنا اجل طبعا طلبنا هذا كان اليوم (الاربعاء) وننتظر ردهم بغيت رايكم بالموضوع هل اخاطب الشركة الام في امريكا تتوقعون بيجيب نتيجة والا وش الحل ؟
*للمعلومية من يوم دخول السيارة للصيانة واخوي اخذ سيارة بديلة من عندهم
