يا اخوان انا عندي 330000 الف وافكر بسياره شورو علي محتار بين فورد رابتر 2014 او نيسان باترول le 2014 طبعا الفوردقيمته يقولي الموضف قرابة 270000 والنيسان 330000 كلها مقدور عليها لاكن ابي مشورتكم
هلا أخوي mohammed-qtr
هو السؤال الحقيقي أنت تبي بيك أب أو جيب؟
إلا أن كانك معجب بالأثنين فالحيرة أمر طبيعي فكل واحد يقول الزود عندي
الفورد رابتر يعتبر أقوى وأفضل بيك أب أمريكي مخصص للطرق الوعرة حتى الأن
يجي محركه الأكبر V8 سعة 6.2 لتر بقوة 411 حصان وعزم 434 رطل/قدم بناقل آلي 6 سرعات مع خاصية جر المقطورات
متوفر فيه دفلوك ويجي شاشة ملاحة
نظام التعليق مخصص أكثر من بقية المنافسية للطرق شديدة الوعورة
يجي كاميرتين أمامية وخلفية مع خاصية تنظيم الكاميرا الامامية
نظام الدفع فيه رباعي جزئي (يعمل بالخلفي كدفع أساسي ويشغيل الدفع الرباعي بالدبل) مع نظام النزول من المنحدرات
وطبعا نصيحتي بالغمارتين أن كانك تبي تشتريه لأني كنت أول أشوف أفضل شيء الغمارة ونصف بسبب كنت أعتقد أن حجمه مناسب لكن مع الوقت أكتشفت أن فرق طول الغمارة ونصف عن الغمارتين 30 سنتيمتر فقط! غير أن الغمارة ونصف المقاعد الخلفية أقل راحة من المقاعد الخلفية للغمارتين بسبب تصميم المقاعد الخلفية وحجم مساحة الأرجل
بينما الباترول LE محرك 5.6 لتر بقوة 400 حصان وعزم 413 رطل/قدم بناقل آلي 7 سرعات مع التنقيل اليدوي
يتوفر فيه دفلوك وثلاجة ويجي نوع فيه شاشتين dvd خلفية أضافة إلى 4 كاميرات على ما أذكر للرأية الكاملة حول الموتر تفيد بالطرق الوعرة أضافة لنظام الرادار
نظام الدفع فيه رباعي مستمر بدبل وأنظمة تعزيز للطرق الوعرة كنظام النزول من المنحدرات ونظام دفع متعدد التظاريس
وجودة المواد المستخدمة بالمقصورة الداخلية أفضل بمراحل من الرابتر عوايد الأمريكي يستخدمون البلاستيك الرخيص
الباترول أخف وزن من الرابتر وأفضل تسارع
الرابتر أكبر خزان وقود وأفضل في جر المقطورات
الباترول أكثر فخامة وراحة وعزل
الرابتر بالمظهر الخارجي أكثر وحشية
الباترول للتذكير شيل 9 ركاب بعكس الرابتر 5 ركاب
للمعلومية الرابتر مو أقوى تبريد المكيف في عز الصيف من الباترول أضافة أن الباترول فيه تبريد للمقاعد
طبعا فيه معلومات أكثر لو تتعمق بالسيارتين بس هذا الي أذكره حاليا :c0214:
وشوف أنت حسب حاجتك وجرب الأثنين ولا تنسى الاستخارة
