شوف يا طيب انا شخصيا كان معي غولف موديل *2000 بس اشتريتها في سنتها وكاله وقعدت معي 3 سنين سياره قويه وعمليه جدا وانا في جده حفر ومطبات والحمد الله ما اتكسرت العكوس ، لكن في شغله الالماني ما بتحمل حر السعوديه ، يعني بعد 3 سنوات صارت تهرب مويه وصرت لازم ازود فيها مويه عشان ما تسخن فا بعتها علي طول واشتريت وحده تانيه موديل 2004 وقعدت معي 3 سنوات برضه وبعد 3 سنوات برضه صارت تهرب مويه عشان الحر كتير وطبعا التكيف في صيف جده مش كتير كويس ، فا اذا انت ناوي تشتري سياره موديل 2005 حط في بالك حتصرف علىها تصيلح كتير كل شوي رايح ميكانيكي وقطعها مش كتير متوفره ، نصيحه بلاش ، انا كنت ناوي حتى اشتري 2014 الجديده بس كلها حساسات وكمبيوتر وصراحه خفت تخرب من حر جده والكمبيوتر يضرب فا لغيت الفكره ، الالماني الجديد مليان حساسات ما اظن ينفع مع حر السعوديه ، وسياره من ناحية قويه قويه الغولف وسواقتها ممتعه جدا ، بس 2005 حتصرف عليها كتير
ترا المشكلة حقت الراديتر مو من الحر !:smile:
بعد مدة من الزمن يصير الرديتر مليان اوساخ من داخل ويملح وكذا
فيصير ضيق جوا ومع حرارة الموية من المحرك
يبدى يسوي فجوات فالجدران حقت الرديتر
هالمشكلة بكل السيارات
ولذلك لازم تغير الموية من فترة سنة ونص او سنة حسب الاستخدام
عشان حر السعودية يحرك مواد موية الرديتر
ابوي مهندس مكنيكا وقال لي كذا :c0214:
:wink:
