اللومينا مو أمريكية بل هي أسترالية
و اللومينا و الكابرس إبعد عنهم و ما عليك من كلام عشاقهم
بتكلم عن الجمس السوبربان
مرت علي ثلاث سوابر
شفر 2001
دينالي 2004
دينالي 2006
واجهتنا بـ 2001 و 2004 لأنه وارد أمريكي و حليتها و شلت كوع الحراره و نستيها و صارت مكينة السيارة كله بارده لدرجة حطيت بلاستيك على الشبك و لكن 2006 أبد ما واجهتني لأنها مراوح كهرب
واجهتني صوت التكايات بسبب إستخدام عيار زيت خاطئ
اللي واجهنا الدفرنش الدبل من سوء إستعمال ( دفرنش الدبل للدينالي مو مخصص للإستعمال الثقيل )
هذي من ناحيتي أنا
و أنا رجلي ثقيله تدعس و سرعه و بريكات قويه
من ناحية المعارف
أبو صاحبي عنده سوبر 2003 صار له عشر سنوات عنده و قرر بياخذ سكويا و هون قال هذي طولت 10 سنوات ما تمشكلت وياها رغم إن قبع الواجهية بالحوادث 3 مرات بس ميكانيكاً أبداً ما واجهه شي
و ولده اللي هو صاحبي جالد والديه بالتفحيط فرحان فيه لأنه يحفر للثاني
و واحد ثاني عنده 2006 و للآن ما واجهه أي شيء ميكانيكي بالعكس مرتزين فيه
و واحد عنده 2009 و نفس الكلام و هذا بالذات ملعون والد والديه تفحيط و سرعه ما واجهه شي
شهدت لـ6 سيارات واجهتني معقوله ولا وحدة منهم فيها من المشاكل اللي يتبنونها بعض الأعضاء ؟!!!!!
طرمبة بنزين , تخبيط مكينة , القير ضرب و إلى أخره
ولا يجي لك واحد يقول غيرت طرمبة بنزين مرتين بالسنة و السوبر 2001 يعني قديم
و قعد يذم بالسيارة فاشلة ما تشد و يازين تويوتا و هو ما جربها بس مع الخيله يا شقرا
قلت له غيرت فلتر البنزين ؟ رد علي لا !!! :confused1:
11 سنة ما غيرت الفلتر و ما تبي تضرب الطرمبه !!!
ترى كلها 25 ريال يا اللي مستخسرينها :confused1:
و لو تلاحظ و تفتح عيونك المشاكل كلها من المستعمل نفسه مو من السيارة
على قولة الوالد بدل اليوز
اخوي اجينت انا ماتحدثت الا عن الي صار لي شخصياً او سيارات بيتنا والسبب اني اعرف كل صغيرة وكبيرة
بالي يصير فيها , اما سيارات الأقارب فكثير منهم يملك امريكي وغير امريكي لاكن والله مادري
وش الأعطال الي تصير عندهم وعادة الناس ماتتكلم عن مشاكلهم مع سياراتهم لذلك ماراح
اتكلم الا عن سيارات البيت , وماراح اتكلم عن الأمريكي بشكل عام وراح اخصص كلامي عن الماركة الأمريكية
الي تعاملنا معها وهي شركة جي ام وفروعها وبخصوص ان اللومينا استرالي ترى حتى الكامري استرالي
والمشاكل الي طلعت لي وهي جديدة بعام 2003 توها تطلع لأصحاب الكامري بعد 11 سنة , وهذا يدل ان
الأشكال ليس ببلد التجميع انما المشكلة الأساسية بمعايير الجودة عند الشركة ولا هذى تويوتا ونيسان ومتسوبيشي
عندهم مصانع بتايلند واستراليا وحتى بالهند لاكن ماعندهم المشاكل الي تصير بسيارات جي ام
, على العموم الوالد كان معه ددسن 86 شراه جديد واستخدمه الى عام
93 بلا مشاكل تذكر وحب انه يغير وشرى بيوك رود ماستر 93 , من نفس السنة الي شرى فيها السيارة
وهي من مشكلة لمشكلة ومن ورشة الى ورشة استخدمها ثلاث سنوات ومن كثر ماتعبته بالطلبات
رجع يستخدم الددسن والرود ماستر صار بس يروح فيها للمسجد ويرجع وعساه يسلم من خراباتها , بعد سنة من
وقفتها شرى فكس ار 97 مشى معه في 3 سنوات 450 الف كيلو ولازال كأنه جديد ولا دخل ولامرة
ورشة المهم انه جاء جارنا وعرض على الوالد انه يشتري الفكس ار والبيوك مع بعض البيوك بـ 7 الاف ريال
والفكس ار بـ90 الف ريال وباع عليه , وزود الوالد على المبلغ وفك له فكس ار 2000 والأن وبعد
14 سنة قطع فيه الفكس ار 600 الف كيلو ماشاء الله تبارك الرحمن ماصار فيه اية مشاكل
بالمكينة والقير والدبلات والدفرنسات والي صار فقط عطل بطرمبة الدركسون وتهريب بالدودة وتغيير الرديتر
لمرة واحدة فقط يعني ماكلف سوى 15 الف ريال حد اقصى بعد 14 سنة و600 الف كيلو
الخلاصة من كل ماذكر ان تجاربنا سيئة جدا مع شركة جي ام والعكس تماماً مع تويوتا والي اغلب سياراتنا منها والمعروف
كل ماكثر النوع الواحد بانت مشاكله مثلاً استخدمنا 6 ا هايلكسات و 2 فكس ار 1فورتشنر 1اف جي 1 كراون
يعني11 سياره من تويوتا والحمدلله بلا مشاكل نهائياً
اما الجي ام 1 بيوك رود ماستر 1 لومينا 1 جمس تقريباً 3 سيارات ومشاكل الوحدة منها دبل مشاكل 11 سيارة
الي عندنا من تويوتا
تجاربنا مع النيسان جيدة وفيه اعتمادية لاكن ليس مثل التويوتا
جربنا 3 دداسن 1 نيفارا وتقريباً ممتازة لاكن فيه مشاكل مثل النيفارا مشى 450 الف كيلو لاكن غيرنا له 3 مرات
حذاف ومرة رديتر لاكن ميزته طالع علينا رخيص 48 الف ريال جديد 2008 فالبتالي اعتبره سيارة مثالية
وخاصة ان الي يستخدمها عمال
اما الدداسن جديدة اقدمها مشى 60 الف في سنة واحدة والحمدلله بلا مشكلة لذلك انا اشوف ان النيسان اعتمادي
وحبيب واسعاره جيدة ومتوازن بين جودة التويوتا ورخص الأمريكي .
مع العذر من صاحب الموضوع على الأطالة لاكن ان شاء الله ان يعود عليه بالفائدة وعلى الي يقرون
