السلام عليكم أحبتي ،
حبيت استشيركم يا أخوان والفكرة لها كم يوم برأسي ومحتار كثير بالموضوع .
انا معاي حاليا سلفرادو LS ، 2008 ، ماكينة 4،8 السيارة لابأس فيها وعاجبتني ، لكن من باب التجديد وتلافي مرحلة الصيانة اللي راح تكون فيها السيارة تطلب كثير فكرت بعرض الجميح على موديلات 2013 ( ادفع 50٪ من القيمة والباقي بعد سنتين ) . للامانة العرض جدا مغري ، خصوصا ان نصف المبلغ موجود ومناسبني هالفترة . لكن لما فكرت بأنه راح يتغير شكله احس ان توقيت شرائي غلط ومايصلح ، لكن ارجع واقول لنفسي اهم شي سيارة تكون ع الزيرو وجديدة ، وأن الموديل الجديد راح يكون سعر مرتفع .
سلفرادو 2013 فل اوبشن ب 112 الف
سلفرادو 2014 فل اوبشن حسب ماذكر الموظف مانزل للان لكن يتوقع راح يكون ببحر 145 .
طبعا اتكلم عن سلفرادو غمارة واحدة .
رأيكم يهمني ومفصلي بقرار الشراء او الانتظار :)
