السلام عليكم ورحمة الله وبركاته
كيف حالكم اجميعن وش أخباركم وش مسوين أن شالله مبسوطين
لدي مشكلة وماخاب من استشار تتخلص في التالي
بداية القصة
قبل يمكن ثمانية شهور خلطت مويه وزيت السيارة
صلحتها وخرطت الرآس وكل شي ثمن بعدها
مشى الحال يمكن كذا شهر ثم بعدها مرة من المرات اشوف المويه طلع من القربه يوم وقفت يالله وش اللي صاير
والله واعبيها واروح مشوار وتطلع مويه من القربه بعد عدة محاولات مشى الحال
وماعاد طلع ولاارتفعت الحرارة مشيت يمكن ثمانية شهور عليها
مرة اخوي فتح القربة قال يوه فاضية عبها مويه قلت لا مارح اعبي خلها امشي عليها
والله ماعبيتها مشيت عليها
واليوم الثاني سافرت عليها مشوار يمكن حق 300 ومثلها جاي
رجعت البيت
وفك اخوي القربة اصرو أزودها شفتم قاروة الصحة والله ثلثها ابو ريال زودتها
المهم رحت عليها مشوار اول يوم وثاني يوم رحت اشوفها تنسم خفيف بعدين شديت الغطا
وارجع من جديد ثالث يوم ادوام عليها وانا راجع وأشوف الا الغطا يصب مويه لمن اوقف السيارة واطفيها
يالله وش اللي حاصل
والله بعدها فكيت اللي اللي راجع من المكينة على كلام النت واعبي مويه واعبي مويه قلت يمكن معبيه هوا
وكل حاجة حتى صفي المويه ماشالله واعبيها احمر واروح عليها مشوار بسيط
وانا راجع اوقفها الا واشوف ذاك اليوم يطلع من القربة
ملاااااااااااااااحظة شفتم الخرطوش اللي طالع من المكينة ورايح للرديتر عند البلف اسمع ياجماعة فوران ماء غير طبيعي من عنده وتنسين القربة وتطلع مويه شوي وتوقف الغطا طبعا مافيه شي انا متاكد لاني اشده بقربة خارجية عندي وعندي كذا غطا من اول ونفس الشي انا مادري والله وش اسوي
الصدق جالس ابني بيت وماعندي استعداد للأقساط وبالذات اني متورط في اقساط من اول للبنك وديون
ودي امشي فيها لكن مشكلة الحرارة اقلقتني وهذه القصة افتوني الصراحة مافيني حيل تخرب فيني وانا رايح للدوام
رغم اني ماسافر عليها ولاشي وبالله التوفيق
منتظر ردكم بفارغ الصبر
