اذا ولعة اللمبة ففحص كمبيوتر افضل لك
وهذا رد لاحد الشباب الله يجزاه خير يمكن يفيدك
وجيت أول ورشة وهي شلنجر .. بحكم السمعة واختصاصهآ بالأمريكي
بعد فحص الكمبيوتر قالوا لي انه حساسات ضيعت أسمها موجودة تحت المكينه وسعر شغل ايديهم 450 ريال وقيمة الحساس 200 ريال،، صراحة ما اقتنعت مرره وخصوصاً انه راح يفك الديكور والدركسون وعصا ومدري إيش .. وشغلهم ياخذ يومين!!!!
قلت الله لايخسرنآ مالي الا اروح ورشة ثانية وافحص كمبيوتر ..
والحمد لله طلعت من عندهم ورحت ورشة توفقت فيها ولله الحمد ،، وهي ورشة دلتآ وكل الي عندهم تاهو ويوكن..
توكلت ع الله وفحصت كمبيوتر .. قالي المهندس خيووو مشكلتك بوآجي وأسلاك بواجي فقط ]
قلت متأكد ؟ قال مايحتآج روح اشتر بواجي واسلاك بواجي وفلتر هواء من باب الإحتيآط..
الموهيم جبت له بواجي مع الاسلاك مع الفلتر بـ 500 ريال .. وشغل يدهـ مع الفحص 200 ريال
والنتيجة: إختفت لمبة التشييك ولمبة مانع الانزلاق.. والموتر الحين زي العسل ولله الحمد..
وأعجبني مهندس الفحص حدد لي المشكلة من مصدرهآ موب مثل شلنجر .. مآجآبوا خبر البواجي..
طبعاً قالي السبب ان الموتر فيه تقطيع واسلاك والبواجي قديمة شوي وكذلك الأسلاك .. وقالي علاقة مانع الانزلاق بتقطيع المكينة والبواجي لكن ماقدرت امسك المعلومة لانها دقيقة شوي ومالي بأمور الميكانيكا والكهرباء..
بخصوص الورشة الي يبغى وصفهآ كالآتي: خذ مخرج 17 وأتجه غرب ، امش مع الخط بتجيك اشارتين بعد ماتعداهن بيجيك كوبري بعد هذا الكبري بتجيك اشارة .. خذ يسار من عندها ثمن سيد بيجيك ميزان العضيب ع اليمين وشلنجر ع اليسار .. طبعاً من تتعدى ميزان العضيب خذ يمين ثم سيده .. وراح تجيك ع اليسار..
العمالة فلبينية والإدارة شوآآآم ... لكنهم عسل والورشة شغلها نظيف ومرتب ..
حبيت أفيدكم لمن اراد الإستفادة ويكون ارشيف لمن وآجهته نفس المشكلة..
تحيتي لأخوتي الكرآم ،،، ولأي استفسار انآ حآضر..
وهذا كلام آخر عن سبب توليع اللمبة ايضاً لاحد الشباب الله يجزاه خير انقله لك
السلام عليكم ورحمة الله وبركاتة
اسعد الله اوقاتكم
بعد معاناتي مع عطل مثبت السرعة في التاهو موديل 2007 وكثرة المشاكل في المثبت في اغلب سيارات تاهو و اليوكن
تكمن المشكلة في انه عند الضغط على ازرار المثبت في الطارة يضيئ فقط نور برتقالي في نفس الزر ولا يضي الضوء الاخضر في العداد .
وبعد اطلاعي على عدة مواضيع اتضح لي ان العطل سببة حساس في دعسة الفرامل طبعا والسبب اتوقع انه من تنظيف السيارة من الداخل بالهواء عند المغاسل مما يسبب تراكم الاتربة على قطع الحساس الداخلية ويتسبب ذلك في عدم توصيل الكهرباء للحساس والله اعلم .
طبعاً قلت خلني اجرب وافك الحساس واشوف وش بلاه يا يصلح يا اغير واحد جديد
والحمد لله نجحت الطريقة وبدون اي متاعب او خساير يعني ريال واحد ماحطيت
نبداء بسم الله
موقع الحساس طبعاً في دعسة الفرامل
نحتاج الى مفتاح 10 فقط
نفك المسمار وبعدها ننزع التيله تسحبها الى اعلى شغلتها جداً بسيطة
هذا الحساس بعد ما طلعته
الان نحتاج الى مفتاح او سكين لفك الحساس وله عدد 4 كلبسات في الجوانب
نشوف اللحين الشكل الداخلي للحساس
طبعا فية قطعتين داخلية الاولى عبارة عن قطعة فيها سستة والقطعة الداخلية تعتبر قاعدة طبعا مافيها اي متاعب اللهم انك تحرص على السستة ماتروح او تطير بعيد وتضيع عليك
بعد الفك فية موصلات للكهرباء يبي لها صنفرة وتنظيف
طبعاً يبي للواحد شوية شحم علشان القطع البيضاء يكون حركتها افضل
نجي نركب اولاً القطعة السفلى تجي دايرية والثانية الي يجي فيها السسته
اول شي تحط السستة في موقعها وبعدها تكبس القطعة وتركبها في المجرى
وبعدها ترجع الغطاء وتقفل عليها
نجي للتركيب طبعاً له جهتين الحساس ولها مجرى في النص الى في النص تركب فيها ذراع الفرامل وتركبها في موقعها
هذا هو بعد التركيب يبقى لنا شغله بسيطة
هذا طبعاً امان للذراع والحساس ما تطلع من مكانها بعد ماتركب الحساس تجي تركب القطعه هذي ونسحبها ع اسفل عشان تركب صح
بعد تركيب القطعة المعدنية
نركب المسمار ونرجع نشد عليه ونركب فيش الحساس
بعد التجربة والحمد لله نجحت الطريقة
ختاماً
الشغلة ما تاخذ من الواحد 20 دقيقة ولا فيها اي نوع من المتاعب
